فرانشيسكو توتي ملك روما وقصة ابداع لاتنتهي.. بعد اعتزال الفتى الكارثة ايريك كانتونا للاسف ظننت انني لن اجد ضالتي في اللاعب المفضل لكن اخطأت بعد مشاهدتي لهذا الملك.. بعد خروج كابيللو من روما سقط روما سقوطا ذريعا وها نحن نراه يصارع على المركز التاسع ونازل:( ومانشوف لاعب في روما يلعب لاسم النادي ويقاتل على الشعار غير توتي.. هذا يبي اليوفي وذاك يبي الريال اللي طلع واللي ينتظر لحظة الرحيل الا ملك روما ابى ورفض جميع العروض الخيالية من تشيلسي ومانشستر وريال مدريد وحتى اليوفي والانتر والقائمة لاتطول بل لاتنتهي..!! لاعب يعتبر معشوق الجماهير الايطالية الاول واللاعب المظلوم اعلاميا رقم (1) يبدع ويقاتل ويشيل روما على اكتافه ومانقرأ عنه شيئ.. كوع او مخالفة تنجن الصحافة على توتي وتبدأ الاوصاف اللي مالها داعي علشان غلطة:( فيرون ودمجته(حسبي الله عليك ياللاتبيني) يناطح توتي ويطرحه ويطب فيه وتوتي ساكت والحكم الظالم طرد فيرون وتوتي (القاتل والمقتول) لماذا؟ طبعا لان توتي ماتكتب الصحافة عنه الا السلبيات والمشاكل وتترك الايجابيات الا ماندر.. والحكام ياخذون فكرة ان توتي العصبي وراعي الشر واي احتكاك او تشابك توتي طرف فيه اطرد توتي على طول وانت مغمض:( مازلت اذكر مدى قوة روما خاصة الثلاثي المدفعجي توتي ومونتيلا وباتيستوتا ياهم حرقوا العالم حرق.. :.هذا الموضوع اهداء مني الى ((زعيم هلالي)).: ما احلى من الاهداء الا المُهدي موضوع في الصميم استغرب عدم تثبيته وبعدها الى منصة التتويج وماودي اتدخل بادارة الرياضة العالمية لكن معقولة زامبروتا افضل من توتي او لانه في اليوفي:( موضوعك يابو سعيد افضل موضوع قرأته في الرياضة العالمية منذ بدايتها..!! واصل تميزك وانثر ابداعاتك..