*
*
المجد للي غامروا و ماهوب عند الخايفين
و السيف يوم الوغى الموت من دلايله
أبرفع عقالي لكم يالسايقين المبدعين
يا معشر الشعار يا باقي الحياة الزايلة
فلاسفة و و أهل حكم و أهل غزل و مزندقين
مع صعاليك الشعر كثيرة و قلايله
إلى متى يا جيلنا نآخذ أفكار الميتين
قليل من من يصوغ أفكاره و أصايله
ارحب أخوي ناصر
من مكانك
و الله يحييك بين أخوانك و أحبابك
عندي ثلاث أسئلة و إنشاء الله إني ما أثقل عليك
1- الأبيات اللي كتبتها فوق مطلع قصيدة قوية و رائعة لك بعنوان بنت السحاب
و كل بيت فيها يتضح الشفافية فيه أكثر و التشبيهات فيها روعة
السؤال من المقصود بالقصيدة هل هو الجيل بأكلمله أو فئة من المستشعرين
أو فئة لا يعلمها إلا ناصر و كانت غامضة بالنسبة لنا ..
على فكرة البيت اللي ملون أنا أشهد إنك وصفت حالنا فيه يا ناصر بأبلغ وصف .
2- وفاة الوالد لله يرحمه و ويسكن روحه الجنة الكل يعلم إنها أثرت في ناصر و جعلته يبتعد
قليلا ..كيف وفاة الوالد غيرت في ناصر و شعره ؟
3- ناصر ليه الإعلام الشعبي لا ينصف الشعر بل ينصف العلاقات
يعني ليه الشاعر إذا قصيده قوي بس ماشي في حاله و مكبر عقله ما يلتفت له الإعلام يعني ما يرى فيه
مادة دسمة ,, بس ليه إذا الشويعر اللي شعره نص نص بس يهايط و يسوي مشاكل و يفتعل خلافات
تلقى كل المجلات و القنوات الشعبية تتسابق تسوي معه لقاء ,, بإختصار ليه تغير المقياس عند الصحافة
الشعبية ؟
يقولون إنك أرسلت للشاعر محمد الشهري هالبيت تشتكي له عن مستوى الأدب
قصيدتي هذي نتاج الهـم واحـزان القصيـد
تبكي من اجرام الادب والشعر طايح مستواه
و أنا أقول إن الساحة دام فيها ناصر و منهم مثله فهي بألف خير
الله يحييك مرة ثانية