هلا بجوجو... اسمعو ماعليكم منها اتحداها اخليها تطلع وانا موجوده... نجي لموضوعك.. بس لحظه انتي تراك موب مدمنه انتي وضعك طبيعي حالك حال اي سعودي -> اول شي بتكلم عن نفــسي.. انا في البدايه علاقتي في النت موب ذاك الزود تكاد تكون شبه معدومه هذا كان في السابق معترف بشي اسمه منتديات وحتى مسن... مدري ليه كذا كان طبعي ماحب النت ولااجلس عليه الاقليل مره مره مره... وكان دخولي له موب عشان شي ..عشان اسوي بحث لفلانه وتقرير لعلانه يعني لأشياء ضروريه... بعدها اقلقوني البنات وش ايميلك...؟! اقول لهم ماعندي ... يقولون معقول ماتشبكين ماسنجر... قلت لهم ولااعرفه حتى.. فهمت هالسوالف ومازلت ماهتم لها.. كنت استخدم النت والمسن مثل ماقلت لك للضروره.. حتى المسن كنت مافتحه الاقليييييييييل يعني بالشهور عادي مافتح الماسنجر... بعدين سمعت ان المسن يتقفل اذا مافتحتيه.. وانا كنت وقتها تجي 8 شهور موب فاتحته... بعدها في الجامعه ويوم جات فتره كان صورة ياسر على علب البيبسي كنت وقتها نفس الشي موب تبع كره ولااعرف وشو ياسر حتى غير بالأسم... وصار موقف في الجامعه بنت رمت علبه البيبسي اللي فيها صورة ياسر على الأرض وجات وحده تخانقها ليش ترمينها وفيها صورة ياسر.. هنا اشتغل فضولي ابي اعرف وشو ياسر اللي صاير عليه كذا خخخـ اخر شي لاسويت شي وبحثت عنه ولاولا... كان في مره علينا بحث عن مدري وشو وانا جلسه اسوي الا يطلع لي موقع ياسر القحطاني الرسمي... ماصدقت اني شفته لاوالموقع الرسمي بعد... قلت بسجل وبشوف .. مثل ماقلت لك مالي بالنت وهذا اول منتدى اسجل فيه فقمت وسجلت بيوزر مجرد خرابيط كذا على عجله... يعني صفصفت ارقام وحروف مالها هدف بالحياه.. بعدها ذكرت اني مسجله وقلت برجع له واشوف اول شي غيرت يوزري لأسمي لأني معرف بكذا يوزرات ونكنيمات.. عجبني الموقع حيل حيل بديت ادمن عليه... منتدى القناص بالعكس كانت فرصه حلوة.. تعلمت فيه الكثير استفدت من تجارب غيري وو... انقطعت فتره عنه طويله مره ثانيه بعد.. وبعدها رجعت وبقوه.. وليومك هذا وانا ماعندي شي مدمنه عليه غير كثر القناص... -> هذرتي كثير صارت صح أقتباسسـ / تحسـ/ين انك مدمن على النت أو أنه أثر على نمط حياتك وعليك أنت بالذات ...؟! ايه الحين مدمنه وبقووووووووووه.. وغير من نمط حياتي كثير ولعلمك ايام الدراسه منتدى القناص كان ينظم وقتي كثير.. كنت ارجع من الجامعه على طول طوالي لاانام ولاشي بس افتح المنتدى كم دقيقه وبعدها امسك كتبي وادفر عشان اتفرغ في الليل للموقع.. وكان مثلا اذا كان علي اختبار يصادف خطيب القناص او كذا.. كنت اذاكر له قبل عشان اتفرغ.. >فاقت الأدمان ض1 (هذي الأشياء الأيجيابيه.. ) وامممم اشياء تغيرت .. خالاتي لين يجون بيتنا .. خالتي تقول امنيتي اشوفك تاركه النت وجالسه معنا.. اجلس معهم وحتى وانا جالسه يكون معي الابتوب.. بعكس الأول كنت دايم اجلس معهم وو.. حتى لين نجتمع في بيت جدي كنا سوالف وو.. الحين انا ومعظم بنات خالتي وخالي نجلس بلابتوباتنا.. يعني سوالفنا صارت بشي تخص الكمبيوتر.. >مااثرت فيهم ابد ض1 (هذي السلبيات ) يعني انا وحده هذاره من الدرجه الأولى ومعرف اسكت وطول الوقت اقرقر على قولتهم مدري احس نفسي بديت اصير صامته من كثر ماانا ساكته وانا عليه عادي يجي احد يكلمني واسحب عليه ولاارد.. ->هذا اذا كنت عالنت طبعا ض1 واذا جات وحده بعد تسولف معي وانا عالنت اجلس اقول ايه ايه ايه كملي كملي ..وتبين الصدق اصلا انا موب معها بالمره ض1 => أقتباسسـ / كيف تنظمون وقتكم مع النت ..! ايام الدراسه فتره العصر والمغرب كلها دراسه.. ومن بعد المغرب للقناص.. يعني كنت منظمه الوقت .. اما الحين.. الوقت كله نت خخخخـ مافي وقت كل الأوقات.. أقتباسسـ / هل سبق فكرتم تتركون النت ..؟!وتحديداً .. " القناص " ...؟! افكر اكسر الجهاز بكبره.. لأ بالنسبه للقناص لاااااااااااااااا... حتى لو افكر مقدر.. تعودت عليه بقوه لازم لو اطل عليه .. الأعضاء اللي في صارو جزء مننا.. اذا شفت احد فيهم زعلان..ازعل ويضيق خلقي.. اللي يزعل علي ذاك اليوم ضميري يأنبني.. من جد بديت اجن خخخـ اقول بس انا كذا لو في احد مثلي.. ->شكت انها مريضه نفسياً ض1 اقول انتي تدرين يوم صار فيني المقلب ذاك نزلت دموعي.. تخيلي دموع دموع .. منتدى القناص لاعب فيني بجد.. اممم انا مافكرت اتركه بس حاولت اقلل من دخولي بس ماش.. أقتباس سـ / وشسمه المسن عبر/ي عنه ض1.. كم عدد الأيميلات اللي موجوده عندك ..؟! مثل ماقلت لك في السابق كنت اكرهه ولالي فيه بالمره حتى في ناس هنا يقولون جيبي ايميلك في السابق اقول لهم مايحتاج لأني ماشبك.. بس الحين بعد ماتعرفت على ناس امثالكم .. صرت ماستغني عنه بتات البته.. اسولف فيه اكثر من التلفون.. المسن شي حلو مره واختراع جميل .. امم كم عدد الايميلات تصدقين مدري ولالي خلق اروح اشوف الحين.. أقتباس المسن سـ / مافكرتم تحذفونه من الجهاز ؟؟ وشوله احذفه بعد.. مستحيل.. " وجدان.. موضوع اكثر من رائـع ومهم بنفس الوقت..
* ................................