السلام عليكم ورحمه الله وبركاتهـ ..
يسعد صباحكم كل ابوكم ..ومساكم كل امكم
اخباركم ياكل القناص ؟
وه بس ..
شسمه هالموضوع في الجهاز له 3 اسابيــع , مغير كل يوم اسألني انزله ولا بب لازم ..تقولي مدري 
في الاخير طنشتها ونزلتهـ ..
دوكم بس ..
.
.
.
لكل فعل..ردهـ فعل !!
مثال :
ادزك : فعل
تطيح : رده الفعل
<- يرحم امك لاعاد تمثلين
::
دايم نقولها ونحس باحساس مدري وشو ..واذا حسينا بها الاحساس ..
نحس اننا نحس باحساس مدري وشو بعد ’ بس اننا نحس ..
<-- ماتحسين انك ببتصفقين اليوم
شسمه من يعرف برنامج رده فعل حق الارتي؟
ناظر وتطنز ..انواع الوناصه ذا المهايطيين , وانواع الساعه صدر ذا المتحمسين..
المهم موب ذا موضوعنا اصلا ..
الموضوع اللي في دمجتي هو : هل نحن وتصرفاتنا وشخصياتنا ,نتيجه افعال ؟
ولا طبيعيه وليس لعوامل التعريه شأنن في ذلك
..<- لايكثر
نخش في الزبده عشان تخشون جو..
مره كنت اقرا مقال في صالتنا الموقره , بجانب اخوتي وامي الطفشانين
يوم خلصت المقال اللي يتكلم عن.. ( ان الشخص المنزوي لحيله , والانطوائي , والي مايحتسي احد
وهيك حركات , يمكن يكون مزحه ثقيل ,وبثر ,او كلامه غلط وكذا ..فتعرض لان احد نقده او فشله وحزت في خاطره
وكره الحياه وراح البقاله وشرا تتن وانتحر <- ينعن اوم الشطحه..)
ماعليكم من السكرانه اللي فوق.. اهم شي فهمتو السالفه؟
عاد انا ذبيت الجريده , وفتحت الباب الصغير للهواجيس ماظبطت !
قمت فتحت البوابه الكبيره , وتسنها اشوى < -- ياليل اللي موب خالصه
قعدت افكر , معقوله ان اللي في المقال صح ؟ , معقوله ان الانسان تتغير شخصيته كامله بسبب
مثل كذا ؟
وانا في عز هاجوسي..ذكرت اني في بيتنا وفي الصاله وقدامي جريده وبياله شاهي<-- شكل العله فيه
واقوم اتنحنح واطلق سؤال شاطح لماي مذر الطخمه .. ايتها الام الحلوه سأسألتس سؤال ؟
امي : هها ! ( في هذه اللحضه التفت الاخوان الطخمان اللذان كانو بجانبنا )
وقلت : يمه الانطوائي او اللي فيه رهاب اجتماعي وحياوي وعنده مشاكل اجتماعيه ومثل كذا
تكون اسبابه انه تعرض لموقف وجاه ( رده فعل) وصار هكا؟ , يعني يمكن تكون اسباب هالاشياء مجتمعيه ! ,
ومن المجتمع اللي حوله؟
امي قالت: ايه يمكن ’ واخوي قال مدري ’ والثاني قال زي امي ... <-- طلبات مطعم بوب رأي
واشطح بالسؤال الثاني لامي .
.طيب انتي يومك بالروضه موب كان عندكم بزران كذا ,انطوائيين , يعني البزران اللي كذا
يكونون تعرضوو لمواقف غيرتهم ؟ وغيرت شخصياتهم ؟امدااهم مير يتأثرون يالبا قلوبهم ؟
امي: لا موب شرط عاد ..
طيب مثلا ..
الطفل اللي يجي جريئ مع الناس كبار وصغار ..تصير اسباب جرائته من المحيط اللي حوله ؟
يعني مثلا (اسم ولد خالتي) ’ جرائته وسوالفه وشطانته وازعاجه وشخصيته هذي ..كونها من نفسه
ولا في احد اثر عليه وخلاه كذا ..عكس ( اسم ورع آخر
)؟
هنا قط اخوي : يمكن تكون وراثيه
: وراثيه مين يابو؟ وش دخل الوراثه؟
: موب وراثيه.. قصدي اهله اثرو عليه وعطوه جوّه.. الطفل احيانا ياخذ شخصيه اهله ..
:آهـــا ..بس وين ماحس اهله مثله , هو لحاله من بدهم!!
اخوي: لييييش؟ , ناظري اخوه
ردت امي : لاوالله ماكان اخوه زيه .. صدق انه شيطاني بس موب جريئ !
قلت حرام عليك بالعكس هم انواع الحيا والهدوء الا في السوالف العاديه
هذا مشا الله غير..طيب يعني قولكم ان الشخصيه يصنعها الاهل؟
هزو دميجاتهم باقتناع .. وسكتنا , فنط اخوي الثاني .. وش السالفه وشوله تسألين؟
قلتله سالفه المقال .., بعدين نط سؤال في دمجتي وقلت: طييييييييب
هالانطوائي واللي فيه رهاب اجتماعي حاااد ومنعزل عن العالم .. فيه امكانيه نغير شخصيته ؟
نقدر نخليه جريئ ؟ نقدر نطلعه من اللي هو فيه ؟
او يقدر هو بنفسه يقلب نفسه فوق تحت !؟
فكانت الاجابه من اخي الاصغر : بالـــراحـــــــه !! <- ادعس
::
شسمه فاهمين ولا مافهمتو الموضوع !!
الزبده اللي ابي اوصلها.. هل تـتوقعون الشخصيات اللي فينا ,نتاج افعال \ تربيه \ المجتمع اللي عشت فيه؟
يعني شخصياتنا خليط ردات فعل .. ولا لا؟
الطفلـ\ـه ,او الشباب والمراهقين الانطوائين .. تكون هالشخصيه اللي فيهم نتيجه مواقف تعرضولها
ولا من خبرو عمارهم وهم كذا ؟؟
طيب تقدر المواقف او هالاشياء تغير شخص جريئ وعادي وطبيعي ..لشخص انطوائي ؟
ولا مايمديها ..؟
وتساؤل ثاني ..
اللي فيهم هالاشياء يمديهم يتغيرون ولا خلاص كل واحد يتاقلم مع شخصيته وينطم <- وشبلاتس؟
,’
شسمه .. احس الشخص اللي ماتعجبه شخصيته ويتمنى انها تكون افضل , بيقدر يغيرها ( ان شاء الله)..
بس شوي شوي ومع التكرار والتمارين اللياقيه ستصبح بارعا في ذلك ايها الورع ..
انتم معي.. ولا تتوقعون الشخص مايقدر يغير اللي فيه ؟
,’
والى هنا نكون وصلنا الى نهايه حلقتنا لهذا اليوم..
طبعا الموضوع شوي نفسي واجتماعي ومدري وش يبي ,اعذروني .. 
عاد بتردون ..منتوب رادين .. هذا شي يمكن يأثر على دمجتي اليمنى ويخليني انطوائيه <- ياليل
لكم المتصفح.. العبو في مريره !!
فمان الكريم