,’
وعليكم السلام ورحمه الله وبركاته
وقسما بغيت اكسر الكمبوطر .. كتبت رد طول قريح وانمسح في غمضه عين
وانا اللي منسقه ومرتبه ومنفتحه شهيتي عشان ارد بس يلا .. خيره <- وشتبين انتي
::
نمـت متأخره ومن بدري صحـيت
وين اروح وش اسوي من كل شي مـليت
اركب انزل اطلع ادخل من الملل جنـيت
اكلم كل البنات كلهم جالسين بالـبيت
قلت مـالي الاافتح الـ تي في
اشوف وش فيه ومافي
500 قناه وشوي
ماشاهد منها الا ام بي سي ودبي
كل القنوات اغاني ومسخـره
ياناس وش ذي الهســتره
::
يقولك اذا عرف السبب بطل العجب , والسبب في اللي حصل هنا
هو ( نومك متوخره ’ وقومتك بدري) 
<- خلك في المضمون يرحم امك
وصح لسانك على هذا الشي اللي كتبتيه 
,’
شسمه باختصار ..
العله مهب في راعين القنوات , وكثرتها..
العله في المتلقين باشكالهم وانواعهم , الشي اذا لقى قابليه, انطلدز !
,’
الدعايات \..
اخ من هالنقطه تفقع التسبد فقع , اخبر الدعايات تغريك في المنتج اللي في الدعايه
الحين انقلبت السالفه وصارت تكرهين الشي من دعايته.. ابوهم ابو ابوهم
واولهم دناو ( فيس يصقع راسه في الجدار ويقول: مافيه دناو) !!
هالشي ماقد ذقته ومنيب ذايقته جزاء لهم وردعا لامثالهم <-- ترفقي على العالم
ولا يجيك دعايه سياره تسرع وتفحط وتسحب جلنطات في الاخير تيصير دعايه جبن
ولا زيت ولا صابون .. خييييييييير ؟ <- تمالكي اعصابتس
::
المسـلسلات\..
ياكرهي بس ..انا اصلا منيب احب اتابع شي ولا يربطني شي عشان هكا منيب اناظر قوه
بس لفت انتباهي العام كيف الناس تابعت باب الحاره,وبيني وبينك ونمر بن عدوان وذا الحركات
وخلت الباقي..
من جد هذا اللي مطلوب الحين , عفوي \ كوميدي \ شي واقعي ..على الاقل شي مفيـد (اجتماعيا)!!
موب مسلسل خليجي القصص مكرره , والمشاهد مجرد عروض ازياء ..ومبالغه , ومصاله وبعد (فساد) !
المسلسلات الخليجيه صايره لامفيد ولا ممتع مدري وش دورها بالظبط؟
احسها صارت تشويه مجتمع بصوره غير طبيعيه ..
مجتمع موب مهتم الا بـ الفشخره \ القصور \ السيارات \ المكياج
صحيح فيه كذا بس ارحمو شوي مللتو ابونا !!
::
س1/ايهما تفضل الأنترنت ام التلفزيون ؟!
مافي مقارنه بينه ..
يختي النت قراءه \ كتابه \ اللي ابيه القاه
التلفزيون ان كان فيه برنامج معين شفته اما اني اتابع مسلسلات!! اتابع النت ابرك ..
التلفزيون ماشوف فيه ولا يعجبني ويخش مزاجي الا قنوات الارتي..وبرامجها احيانا
قنوات شعريه ..
هذا حدي في التيفي .. اما من مسلسل في مسلسل ماحب !!
,’
س3/مسـلسلات او برامج تتابعونها حالياً ياليت تدلونا عليها يمكن نتابعها معكم؟!
رجاءً لحد يقول لي نشاهد نور ويحيى ومهند ولميس ->
::
والله لوهم جنغوما ..
بس مايمديك تـتابعينها يارا , بيخلص 
انعنبا قصتهم اللي كل ماقلت خلصت مشاكلها وبتعيش في سلام نطت مشكله ثانيه
وه بس ياجنغوما و ياقاطعتن قلب اميمتي ذا اللي انهبلت وقامت تناظره
طبعا تابعت كم حلقه î3نه موب كله .. بس عجبني لانه شي جديد , قصه جديده , مجتمع جديد
,’
واخر شي ..
الله يكفينا شر هالقنوات ويطعمنا خيرها..
وياجعلهـا تنحف لين مايصير الا كم قناه مفيده
وه بس ماشفنا منها الا الفساد (غالبا) عشان مانعمم !!
وشكرا واجد اختي يارا..
وسلام