أكيد إنهم يلوموني وعلى حسابي يواسونك
يقولو خانك الظالم عسى من الغير يلاقيها
وأنا ماهـمني منهم يجي بكرة يعرفونـك
وربـنا فوقنا العالم عن القصة ومافـيها
واقول الله يسامحهم على اللي فيه يصدقونك
ماسمعو قصتي مني وعن اللي خافي فيها
يجي بكرة واذكرهم واذكر قبلها عيونـك
على ماسوته فيني حسـرة وهم ابكيـها
كذا تظلمني في حبك تخلي القسوة تخونك
تقول إني ظلمتك ليه ؟ غلاك بغفلة ترميها
ياليتك قلت لي انك قدرت تحب وعيونـك
شافت غيري يالقاسي وعشرة حبي ناسيها
حسبت الحب والعشرة وطيبي بان في عيونك
أثاري لا وفى عندك ونفسك بان خافيـها
خذ وقتك قبل ماهم مثل مابعت يبيعونـك
بشوف اللي خذو قلبك معاهم كيف تاليها