(ابوي) شلونك..؟
ملل هالكون من دونك..
(ابوي) شلونك..؟
وتمضي رحلة الدنيا بليا طلة عيونك..
(ابوي) شلونك..؟
تبي تدري عن احبابك..
عن عيونن تغنا بك..
عن قلوب دفنها الشوق
وإذا جاها الغفا جابك..!
(ابوي) واللي خذاك بيوم..
خذا وياما خذا..
خذا ناس يحبونك..
(ابوي) حنا غدينا كبار..
توفقنا وتخرجنا..
يابوي ماعاد فيه صغار..
على ذاك العهد نسري..
نبيع العمر والدنيا ولاتخلف بنا ظنونك...
تبي تدري عن اخباري..
عن افكاري وتذكاري؟
اشيلك داخلي جمره..
وبعيون الحزن عبره..
تغرقني وتحرقني..
اشوفك نجمه..
تجبر مراعيها يراعيها..
واشوفك للرجوله اسم..
اذا شد الزمن تقسى..
واحلم من معاني الحلم..
احسك مقبل بكره..
وعيـــا لايجي بكره..
(ابوي) تذكر مجالسنا..؟
مقلطنا..ومجلسنا..؟
وحارتنا ومسجدنا..
(ابوي) تذكر هدايا العيد..؟
صلاة العيد..؟
وبشت العيد..
(ابوي) تذكر سوالفنا؟؟
لأجل..هذا.. وكل هذا..
اقول اليوم يابوي....
(ملل هالكون من دونك) :( :( :(