مرت أيام الغربة في مدينة عشقت ترابهاسحرتني بزحمتها الرياض وماأدراك ماالرياض ثلاث سنوات في الرياض تعلمت منها معنى الغربة والبعد عن الأهل والأصدقاء والايام الحلوة في الخبر. في الرياض نسيت العالم في أول سنة حسيت إني غريب بين الناس كان كل نهاية أسبوع لابد من الخبر لأسباب : 1- كلمة العوايل الكلمة هذه ماسمعتها طول حياتي بالخبر سمعتها في الرياض في كل مكان عوايل باقي الطريق يكون عوايل بس والله حتى إذا رحتها يكون لأسباب بروح اشتري ملابس وله عطور من محل معين ولازم قبل ماتدخل تحلف وتقسم إنك مو راعي غزل عشان تدخل وإذا دخلت شوف عيون السكورتي إنك مسوي جريمة وأنت داخل المجمع عاد إذا شافوك تتمشى بس كذا ماعندك شيء لازم تطلع من المجمع وله تروح تجلس في المطاعم في هذا الوقت أحس نفسي في السجن المركزي وهذا أول موقف لي ودي نشوف ارائكم عليه موقف طريف مرة كنت طالع للمملكة وكنت لابس تي شيرت الهلال وعليها رقم 20 تي شيرت ياسر بس لين جيت أدخل وقفني السكورتي تدرون ليه ؟ أنا في بالي بقول لي عوايل بس لاماقال كذا تخيلو ايش قال ممنوع تدخل المجمع لأنك لابس تي شيرت الهلال وأنت اللحين تسوي دعاية للنادي وحق ياسر بعد عاد أنواع علامات التعجب على وجهي بالله ايش اقول حق هذا اللحين ماعرفت ايش أرد عليه 2- هذه النقطة أحب اسميها ليه؟ تدرون ليه لأني أول ماجيت الرياض قعدت سنة ونص عشان أتعرف على الشباب اللي معاي في الكلية ونطلع مع بعض يمكن لأنه طبعي مو اجتماعي مرة وكنت احاول أتعرف على ناس مثل مودي بس لين تعرفت على الشباب اللي معاي اللحين ماأوصفهم اله بجملة وهي ((إذا حطيتهم على الجرح يبرى )) ونشوف ارائكم على هذه النقطة 3-النقطة الأخيرة وأحب اسميها وين تروح ؟ بصرراحة وين نروح طول حياتي في الرياض يعني ثلاث سنوات أحس مافي مكان جديد تروحه كل شيء روتيني وعلى فكرة رحت كل الاماكن في الرياض وهي :الثمامةCC العاذريةCC استراحات الشبابCC وغير استراحات اللي نستأجرها عشان نلعب كورة في ديراب والدرعية وكوبري الفحص وغير CC طريق التحلية CC العلياCC التخصصي CC تركي الأولCC وهذه بالنسبة لي من أهم الطرق في الرياض بس مع مرور الايام والسنوات يجيك السحر ولي هو إنك مستحيل تترك الرياض وإذا سألت أي واحد من اهلها هل تقدر تترك الرياض يقولك مستحيل اتركها أبعد عنها أسبوع وله شهر يمكن بس أبعد عنها مستحيل عاد كاتب هذا الموضوع في آخر دفتر محاضرات لي وأنا رايح للرياض عشان استلم وثيقة التخرج آسف على الاطالة بس حبيت اكتب شلون الرياض سحرتني