مساء النور أخوي سلطان ..
.
.
.
اعذرني اخوي ان كنت بعارضك بكم شغلة كذا ..وان تجرأت شوي بردي ..
اولاً:ياريت تقولي الاحصائية هذي شلون سويتوها ...ومن الاعضاء الي طبقتوا عليهم ..!!
ثانياً:اذا كانت بالفعل هالبنت نيتها سليمة وطيبة .. كانت تسجل هي بنفسها بالمنتدى وتشوف الاعضاء وكيفية تعاملهم ..
على حد علمي التسجيل مجاناً.. !!
والا لازم تضيفك على الماسنجر الشخصي وتسئلك بنفسها وتقعدون تحللون .. وتسوون احصائية .. !!
اعذرني وان قلت لك بنت .. تصرفاتها بهالطريقة انا ما اقبل منها احصائية .. لانها هي طريقتها ملتوية .. ومدري وش تبي ..!!
.
.
.
تقول بكلامك ماودي اعمم .. وترجع وتقول ثلاث ارباع البنات ..
لا يا اخوي هذا التعميم بعينه .. شلون ثلاث ارباع البنات وانا تقريباً كذا بنت هنا بالمنتدى اعرفهم عز المعرفة (خارج المنتدى).. واعرف تربيتهم واخلاقهم ..
غير الي معرفتي معهم بالمنتدى وبس .. وواضح من خلال ردودهم انهم قمــة..!!
.
.
وانا بصراحة ماشفت جرأة بالردود وطلب لرقم ياسر ومدري ووشو .. الا لفئة قليلة جداً من البعض ..!!وتقريباً ممكن يجون الربع او اقل من النسبة المحددة .. للبنات ..
.
.
.
بكل مجتمع فيه الردئ وفيه الطيب .. والمتربي والغير متربي ..
والفئة القليلة هذولي .. اكيد هم منبوذين .. وواضح من سلوكهم وردودهم .. انهم مالهم اي داعي ..
.
.
.
بالنسبة للشباب الي تقول تعرفهم شخصياً ومايدخلون الا بالسنة وعشان التشبيك .. ما اقول الا حسبي الله وحده ونعم الوكيل فيهم ..
تفكيرهم منحرف .. ودنئ
وللمعلومية .. فيه بعض الشباب هنا بالمنتدى .. واسماؤهم معروفة (للأسف) .. وتلاقيه قاصد التشبيك .. والترقيم وغيره ..
مايخاف من رب العالمين .. وانتقامه فيه ..
ولا يخاف على سمعته واسمه .. او حتى وظيفته ..
.
.
.
عموماً..
الله يهدي شباب وبنات المسلمين .. اللهم آمين ..
وتذكروا ان الله سبحانه وتعالى (يمهل ولا يهمل)
.
.
جزاك الله كل خير اخوي سلطان على الطرح المميز .. وربي يعطيك العافية..