السلام عليكم ورحمة اله وبركاته
بما أنه هذي أول مشاركه لي حبيت أقولكم عن سبب دخولي في هالمنتدى ومشاركتي معاكم فيه اتمنى إني أكون صديقه لكل محبين القناص ولكل جماهير الهلال عامة
بصراحه أنا من أشد المعجبين في ياسر القحطاني و أتمنى له كل خير والسبب الوحيد في تواجدي معاكم هي نظرته لي ،،،
كان اليوم إربعاء وكنت طفشاااااااانه حيييييييل ومالي خلق حتى اطلع من البيت وبعد صلاة العشاء كانوا أهلي يبون يروحون إيكيا ومافي احد غيري في البيت طبعا مارضوا اني اجلس لحالي ورحت معهم غصب عني طبعا بعد الهواش
حتى وانا راكبه السياره مسويه زعلانه ما أكلمهم مادري وش فيني ذاك اليوم كنت بحاله غريبه ..
المهم دخلنا إيكيا وكنت أمشي لحالي وتحداكم من شفت ؟؟؟؟؟؟؟؟
شفت ياسر القحطاني ....... تصوروا مريت من عنده وربي كتفي عند كتفه بس ما انتبهت له ما طالعته تعديته أنا والا وقفت عند أخوي وقالي .. إلتفتي وراك .. والتفت ما أطالع أحد واقوله انه مافي احد ويقولي ارجعي وطالعي زين .... واطالع الا وياسر القحطاني انا وربي جتني مشاعر غريبه مو مصدقه اني شفت ياسر كنت ابي اصرخ اطامر من الفرحه بس الجو ماساعدني اه ياليت اخوي ماكان موجود كان رحت وسلمت عليه بس صعبه شوي
وقتها ياسر حس بنظراتي له وعطاني كم نظره وربي إلى ألان مو قادره أنساهم
انا من الهبال اللي فيني اقول لأختي ودي أقوله تراني صغيره بس أهلي ملبسيني عبايه بس عشان أسلم عليه
بس كان جدا محترم ومتواضع حتى بلبسه كان عادي جدا (ترينغ رياضي) وكاب أزرق
المهم هذا الشي اللي خلاني اسجل بالمنتدى وهذا أول منتدى أسجل فيه لأني مو حريصه على المنتديات أتمنى ياسر يقرا موضوعي ويتذكرني
أنا أدري إني طولت عليكم العذر والسموحه
أختــــــــــكم
أميره هلاليه