×××××
بسمـ اللهـ الرحمنـ الرحيمـ
صباح _ مساء الجوري على الجميع ..
كيفكمـ قناصين وقناصات ..
@ قبل البدء @
عدت بعد انقطااااع طووويل وربي وحشني منتدى الكاسر
منتدى كل العرب المنتدى الأحلى والأجمل والأكمل << ما تقلد أحد خخخ
ووحشوني أحلى و أرقى أعضاء و نااس ..
تحيتين كثار كبار لكل اللي شرفوني هووون ..
يمر علينا الاسبووع ممل وروتيني إما دراسه او عمل و مافيه سعودي
ماينتظر يوم الربوووع ( بالذات الطلاب ) يبدأ الاسبوع بسبت ثقيل دم وأحد
ممل واثنيين نمني النفس بغيابه وثلاثاء ننتظر زواله بفارغ الصبر وأخيراً
ربووع النوووم .. ربووع الإجازه .. ربووع السوق والزيارات والفله ..
أخيراً ياربووع الفله شرفت لك وحشه
^
^
^
^
كل ما هو مكتووب في الأعلى هو عباره عن مدخل أو مقدمه لتغطيتي المتواضعه
إستعدوا أربطوا الأحزمه لأنني سأحلق بكم على متن طائره القناص في رحله سريعه
إلى دبي حيث إستوديوهات mbc.FM لمتابعه الحلقه الاسبوعيه من البرنامج
المميز ( والفله ) ربوعــنـــــــا فـــــــله ..
طن طن
على ركاب رحله القناص الكرام ربط الأحزمه
إذاناً بالإنطلاق << مسويه كابتن طيار خخخ..
* * * * *
تقدم البرنامج المذيعه السعوديه المتألقه رنا القاسم والبرنامج إسبوعي زي
ماذكرت في البدايه موعد بث البرنامج كان من الساعه 10 الى الساعه 12 ما أذحيين إتغير
الموعد فصااار من الساعه 7 الى الساعه 9 ثلاث ساعات متواصله من الضحك والفله
والخرووج عن النص والمألووف والبعد عن القيود والحريه في الكلام والتعبير ..
يعتمد البرنامج على طريقه معينه في المشاركه مختلفه عن البرامج الثانيه
بالعاده في برامج المسابقات يُطرح السؤال وتُنتظر الإجابه من المتابعين لكن
ربوعنا فــله غير عن المألوف زي ما قلت لانو المذيعه بتطرح الجواب
وعلى المتصل صياغه سؤال يناسب الجواب المطروووح ( أم التعقييييد ) ..
بالإضافه إلى فقره الألغاز للمشاركين عن طريق الرسائل النصيه ..
المنافسه تتم بين فريقين فريق الشباب وفريق البنات وللأسف لين ذحين وفريق
الشباب هوا المتقدم علينا ( همتكم يابنات ) بالرغم من مساعده المذيعه لأي متصله
من فريق البنات وبالرغم من إهداء اغلب المتصلين الشباب نقاطهم لفريق البنات إلا أن
الشباب لازالوا في المقدمه ( الوعد الإسبووع الجاي >> تهدد خخخخ ) ..
البرنامج يحظى بمتابعه واسعه من مختلف مناطق المملكه و يشهد اسبوعياً ضغط
في الإتصالات والمسجات ( ماينلاموا الناس يبغوا الفله ) ..
من ضمن المتصلين واحد أطلق على نفسه إسم ( أبو هضبه ) متابع مميز وصديق لزقه
للبرنامج إذا اتصل مايتصل للمشاركه في المسابقه زي غيرو لا يبدأ يتكلم عن نفسه
ويحكي قصه حياتو ومع ذلك فهو خفيف دم لأبعد الحدود << دمووو شربااات
وصار مشهور ويملك شعبيه في البرنامج و لمن تنهي المذيعه الإتصال معاه بدري
عشان مايزعلوا المتصليين الثانيين بتوصل للبرنامج مسجات كثيره تطالب بإطاله
المكالمه مع أبو هضبه ..
منهم من يقول إحنا متنازلين عن وقتنا له ومنهم من يقترح إنو يستضيفو في البرنامج
كصديق للربوووع ومن هينا بدت الغيره تدب في قلب المذيعه رنا إللي حست إنو البساط
والنجوميه والتألق بدت تنسحب من تحت رجولها << أم التحليل ياشيخه خخخخخخ
ومع ذلك في أخر حلقه للبرنامج الإسبوع اللي فات إتصل المدعو أبو هضبه وهوا منزعج
ويهدد ويتوعد بأنو رح يشتكي لأن ال إم بي سي إستخدمت صوتو في دعايتها للبرنامج
بدوون مقابل خخخخخخ << أرحمنا يا مايكل جاكسووون خخخخخخخخ ..
مما دفع المذيعه لتدارك الموقف وإحتواء الأزمه وتجنب التصعيد العسكري
<< لا تلوموني متأثره باللي صاير هاليوميين في لبنان
قالت رنا للمدعو ابو هضبه بانها اقترحت على الإذاعه إستضافتو لصديق خفيف ظل وانو
لسى ما ردوا عليها بشي في هذا الصدد << عقبال ما يستضيفوه في القناه ..
ومن ضمن الفقرات تطلب المذيعه من المتصلين تكرار عباره صعبه او التحدي بعباره جديده
من عندهم اذا ما قدروا يجاوبوا في فقره ( خذ الاجابه واعطينا السؤال ) ..
ومن ضمن العبارات عباره صعبه مره تقول ( بطتنا بطت بطن بطتكم .. تقدر بطتكم تبط بطن
بطتنا .. زي ما بطتنا بطت بطن بطتكم << تعقيييييد خخخخخخ
انتضروني باذن الله رح اتصل للمشاركه في البرنامج في هذا الاسبوع ورح اطرح عباره
( ستي وستك في الحمام .. قامت ستي ضربت ستك .. تقدر ستك تضرب ستي .. زي ما ستي
ضربت ستك في الحمام ) والتحدي لاعضاء القناص << خخخخخ لا تصدقوا
فاصل ونواصل
في الجنقلاند المبلغ اللي تلعب فيه ترجع مره تانيه فيه
ووجبه مجانيه لزوار اول مره << صيف جده اكييد غييير
عدنا << متقمصه الدور صح خخخخ
لكن زي مابيعرف الكل طالما هناك عمل فلابد من وجوود الأخطاء ولايوجد
من هو معصوم من الخطأ والكلام نفسه ينطبق على ربوعـــنا فـــله فبالرغم
من إعجابي الشديد في البرنامج وطريقه الطرح المختلفه وحرصي الشديد
على متابعته بشكل إسبوعي إلا إنو فيه سلبيه كبيره لاحظتها في فقره طرح
الألغاااز فطريقه حل هذي الفقره تعتمد على طرح المذيعه للغز والإجابه عليه
فقط عن طريق الرسائل النصيه ولا يسمح بالإجابه عن طريق الاتصالات الى هنا
الفقره تمام لكن الشيء السلبي في الموضوع إنو لمن يتم الإجابه على اللغز تطلب
المذيعه من المتابعيين إرسال الإجابه الصحيحه مصحووبه بأسماءهم وهذا الشيء
اللي ما عرفت تفسيرو ( فمن الغباء يعني يرسلوا الإجابه وأسمائهم بعد ما انحرق
اللغز وانعرف الحل ) ولمن انسئلت رنا عن السبب قالت انو الإجابه تحسب في المنافسه
بين فريقين الشباب والبنات ( حركه مال أمها داعي ) يعني كان من المفترض تحسب
الإجابات قبل الإعلان عن الإجابه الصحيحه لأنو الألغاز المطروووحه سهله بالمره ومع
ذلك المذيعه بتغششهم ..
ولكن تدارك العامليين في البرنامج هذا الخطأ و خُصصت جائزه ماليه للإجابه عن طريق
المسجات في فقره الألغاز بمقدار اربعمائه دولار بشرط أن تكون الإجابه مصحوبه بالإسم الثلاثي ومنع الألقاب
ليتسنى دخول الأسماء فيما بعد للسحب عن طريق الكمبيوتر وتعتمد آليه السحب على نقاط
الفريق الفائز في منافسه كل إسبووع يعني إذا فريق الشباب هو من إستطاع جمع أكبر
عدد من النقاط فيتم السحب من أسماء فريق الشباب والحال ينطبق كذلك على فريق البنات
المشارك في المنافسه ..
طن طن
على ركاب رحله القناص ربط الأحزمه والإستعداد إذاناً بالوصول لمطار
الملك عبد العزيز بجده << بما إني الكابتن هينا و بما ان الرحله على حسابي الخاص
أنا رح أنزل الجميع في جده وانتو كيفكم كل واحد بعد كيذا يرجع لمدينتو
على راحتوا << نذله خخخخخخ
معليش اضطريت احمل الصوره من موقع ثاني
* * * * *
أخيراً هذي أول تغطيه ليا وأول حضور بانورامي في القناص
أتمنى أكون وفقت في الطرح ولنا لقاء في تغطيات أخرى قادمه
وإن شاء الله كل ربوووووع وإنتوو فله ..
فووتكم بعافيه
كانت معكم أشهر و أكبر مهربه بايسن في مدارس جده
الكابتن الطيار شمووسه
مطار الملك عبد العزيز _ جده