السلام عليكم
صباح الورد
مساء الحب..
في بعض الأوقات تحدث للأنسان احداث
يحاول ان يعبر عنها بأي شيء يخرج ما في قلبه
من مشاعر سواء كانت مشاعر ألم .. فرح .. حزن .....الخ..
من خلال هذا الموضوع اطرح إليكم خواطر لك تكتمل
كتبت في وقتها حاولت جاهده بأن اكملها لكنني لم استطع..
بإختصار يمكن ان تسمى رسائل لم تصل..
،،
،،
الرساله الاولى
يشتاقلك قلبي قبل العين
وغلاك بعروقي ولا هو بزايل
وانت عيوني وقلبي يا اغلى الحبايب....
::
::
الرساله الثانيه
كانت ( امي )
كانت اختي
كانت حلمي
كنت افكر في رضاها
كنت افكر في غلاها
وفـ ليله وبدون مقدمات
ارحلـ ت ( امي )..!
قالوها لي كذا
( امك ) ماتت..!
آه يا صعب ذيك الليالي
طفله بدون ( أم )
ناس داخلين
وناس خارجين
وزحمة معزين
( معزين ) وشو معزين..؟
كنت ادور في وجوه الناس ( امي )
وما ألاقي الا حلم حتى الشبه اختفى..
بعدها اتعب وارجع اسكن
في غرفتي فجأه اناظر
ويتجدد فيني الألم
هنا وقفت وهنا جلست
هنا احضنتني وهنا لعبتني
هنا قصة لي قصه
وهنا قالت لي يا حبيبتي يابنتي..
آآه ( يمه ) وينك..؟
كنت اقول بكره تجي
ويطـــــول الانتظار
بالنهايه كنت طفله بس كبيره..
،،
،،
الرساله الثالثه
احبك كثر دقات الساعه بالثواني
كثر ما تبكي عيون الاغترابي
كثر شوق الصحاري للامطاري
كثر شوق يتيم لحضن دافي
احبك يا متعب قلبي الضامي..
،،
،،
الرساله الثالثه
شلون انام وانا الحزن غالبني
ودمعاتي..
تسبق بعضها على خدي
من هم سرى بقلبي وجسمي
ومن احزان صارت تعيش معي كنها دمي
الفرح عيا يجي
وان جا بسرعه يسري
والأمل هذا الشي اللي فقدته
حتى في حلمي
كل ما تنور دروبي وتضوي
ألقى الظلام اسرع من نور شمعتي ويطفي
حتى الحب غاب عني من يوم ما فقدت امي..
،،
،،
الرساله الرابعه
عيوني للأسف ذبلت
من دموع على خدي هلت
ومن هموم لقلبي احتلت..
،،
،،
الرساله الخامسه
ان كان قلبك نساني
قلبي عجز ينساك
وان كان في شوق
اكيد بيكون شوقي لأغلى الأحباب..
::
::
الرساله السادسه
لا تحسب اني فـ هالبعد مرتاح
انا ما اطيق البعد عنك ولو ساعه..
ولكن نفسي تغلبني
واثر الجرح اللي بقلبي
انا احبك ولكني اعاند
نفسي بنفسي..
واصبر قلبي فـ بعادي
عسى يبري جروحي اللي بقلبي..
::
::
الرساله السابعه
احتاجك بدنيا قست فيها قلوب البشر
احتاجك بدنيا زرعت في قلبي ألم
دنيا غريبه اعطتنا كل الأمل
دنيا عجيبه اعطتنا كل اليأس
آآه يا قلبي تعب والله تعب...
::
::
الرساله الثامنه
لو بيدي اعيش معك ليالي
ولو بيدي ما افترق عنك ثواني...
::
::
الرساله التاسعه
مرات احسك اقرب لي من النفس
ومرات احس ك ابعد لي من الشمس..
::
::
الرساله العاشره
خايف من غدر الزمان
ابقى وحيد بالمكان..
وانسى شي اسمه امان
وينتهي من حولي الحنان..
::
::
الرساله الحاديه عشر
وش لنا بالناس لا صار
اقرب الناس يصدون..!
::
::
الرساله الثانيه عشر
يا وقت عجزنا نفهم اللي يصيبنا
ليه الحزن ما يفارقنا
وليه السعاده اختفت من ملامحنا..!
ليه الدموع هي دايم صاحبنا
وليه اليأس يقتل املنا ..!
ليه الظلم من كل اللي حوالينا
وليه الحياة تاخذ منا وما عطتنا
ليه المشاعر تموت داخلنا..!؟
::
::
الرساله الثالثه عشر
اشتقتلك كثر نبضات البشر
اشتقتلك كبر السماء والبحر
اشتقتلك كثر رمل الصحر
اشتقتلك كبر الأرض والقفر
اشتقتلك كثر نجوم السحر
اشتقتلك كبر الشمس والقمر
::
::
ومضة النهايه
حتى وانت جنبي احس الروح تشتاقلك
كيف لو غبت عني اكيد النفس تشقى بك..!