* * عافيه أبو يزيد . انا بسرد لك كل شي . وطبعا كلامي يعتبر وجهة نظر فقط لأأكثر قبل كل شي أقدم شكري للأمير الشاب محمد بن فيصل ونقوله ماقصرت يابطل والله يوفقك قدم الشئ الكثير للزعيم وماقدمه لاينكره الأ انسان جاحد رغم الانتقادات الشديده واللي كذالك بعضها مالها أي داعي . لكن يبقى الجمهور مابين (( واعي وماحولك أحد )) نجي لموضوع الرئاسه الحاليه واللي مابعد رسينا على بر للحين وتأجيل الأجتماع اللي ماله سنع الأمير بندر بن محمد مما لاشك فيه انه محنك وله تاريخ مرصع بالذهب مع الهلال وحققنا مع بطولات مهمه جدا غير كذا هو يعرف كيف يتعامل مع أي حدث وعقليه كرويه لكن سبق له وترئس الهلال وانا عندي قناعه بأن اللي يكرر الشي مرتين ربما يخفق في الثانيه غير كذا الجمهور بيقول والله بندر بن محمد حقق وحقق ذيك السنه ولو تجي مجرد هفوه في توليه الرئاسه الجديد بدى شغل المقارنات وبكذا بيصير فيه اختلافات وضغوطات كثيره . نجي للأمير عبدالرحمن بن مساعد مثل ماتفضلت انه عقليه احترافيه واستثماريه عاليه وهذا شي مطلوب حاليا وبقوه غير كذا الأمير عبدالرحمن عنده دعم قوي جدا . كذالك هو داعم لنفسه (( عنده دراهم )) غير موبايلي . وفي ظل رئاسته طبعا بيحاول يقدم الكثير الكثير للهلال واللي يرضي جماهيره لأثبات نفسه وان قادر على فعل مايفعله غيره ويمكن أكثر . لذا من الطبيعي أي واحد يكون جديد وجاي على منصب كبير نلقاه يسوي كل شي للظهور بالصوره المطلوبه .. عموما كلا الأثنين يهمهم بالمقام الاول خدمة الفريق الهلالي ومواصلة الركض نحو البطولات وحصدها ونتمنى كل التوفيق سواء للامير بندر بن محمد أو الأمير عبدالرحمن بن سعودي في ترئسهم لكرسي الرئاسه , , بالتوفيق