بسم الله الرحمن الرحيم
أبغى كل واحد يدخل يدوس على همومه ويبدا الفله والوناسه
:D
:p
;)
:cool:
طبعا انا كتبت الموضوع لأني احب أزرع البسمه على شفاهكم ملاحظه (أنا ماعندي شيء اسمه ابتسامه عندي ضحك اللي يقعد معي يموت من الضحك وينسى الدنيا ومافيها)
كل واحد يكتب موقف صارله او لأخوه اولأمه او لأبوه او أن شاء الله جده وجدته خاصه المواقف اللي تصير بالسوق
ولا نكته او صوره تضحك ولا مقطع فيديو مضحك أهم شيء يكون يضحك(يموت من الضحك):D
ورايح أبدأ انا واقول لكم نكت;)
.واحد دخل الملعب ومعاه ملعقة .. لييييش ؟؟
عشان يحرك اللعب !!
.مهاجم خطير دخل الملعب وهو متلثم .... ليييييييش ؟
لأنه خايف من المراقبة !!!
.واحد حوطي قاعد يسمع تعليق مباراة مع صاحبه .. سمع المعلق يقول : دربكه في نص الملعب _ دربكه بين اللاعبين – دربكه قرب منطقة الجزاء – يا ساتر .. دربكه أمام المرمى
يا سلااااااام .. أخيراً هدف جميل جداً من دربكه أمام المرمى .
المستمع قال لصاحبه : ( دربكه ) هذا لاعب نشيط وممتاز ليش ما يضموه للمنتخب ؟
.فيه لاعب نزل للملعب بالبطانيه .. ليييييش ؟
علشان يغطي خانته !!!
.عجوزتين مروا عند شاب ،الأولى قالت له : تتزوجني ،فقال لها : أتزوج ***ة وما أتزوجك،
فقالت الثانية: هو هو هو !!!
.فيه واحد أخذ أمه عند الطبيب النفساني .. قاله الطبيب : إن أمك تعاني من الوحدة .. ولازم تتزوج لها واحد عمره خمسين سنه عشان يونس وحدتها ..
وهم طالعين من العيادة قالت الأم لولدها : شوف يا وليدي .. إذا ما حصلت واحد عمره خمسين .. جيب لي أبو خمس وعشرين !!!!
.فيه عجوز راحت للصيدليه وقالت للصيدلي : " عندك فيكس ؟ "
قال لها : " وش قلتي .. يا بنت "
قالت : " أقول عندك .. تويكس ؟ " !!!
فيه عجوز راحت تعزي ناس . قالت لهم :" كيف مات أخوكم ؟ "
قالو لها : " كان واحد من زملاه يمزح معاه بمسدس .. فطلعت رصاصة بالغلط مع راسه "
قالت العجوز : " ايه .. الحمدلله ما جت في عينه " !!!
في واحد هادي اشترى شريط فاضي و جلس يتسمع عليه جا واحد اهدى منه قام سجله !
وهذا موقف صاير لشغاله بتاعنا:
.هذي شغالتنا ملقوفة مررره وتحب
تستعمل اي شيء ما خلت شيء الاإستعملته
اذا شافت دهان عود
قامت ودهنت به .. حتى أي عصار تشوفه تلطه بوجهه تقول هذا مزيل للحبوب
وكلما شافت عطر تعطرت به .. حتى بخاخ مزيل الشحنات الكهربائيه راحت تبخ في
خلقينها وجسمها تحسبه عطر .. علتنا الله يعلها ..في مره من
المراررريرات دخلت غرفتي وشافت مزيل الشعر ( نير) طبعاً
عصار .. المره
خذته تحسبه دهان للوجه راحت وخبصت وجهها كله وبعد فتره
راحت وغسلت وجهها ويوم
شافته في المرايه خافت من شكلها .. عاد طلعت
علينا في الصاله وهي تقول :
ماما .. ماما شعر روح ما فيه شعر .. ويوم شفنا الوجه
بدون حواجب ولا رموش كل
اخواني واخواتي تبطحوا من الضحك عليه انا
قمت ازحف في الصاله وماسكه
بطني لا ينفجر ضحك ..
والدموع تخرخر .. عاد
تخيلوا وجه مستطيل
ابيضاني ما فيه ولا شعرة :D:D:D
والحين عاد الدور عليكم الله الله بشيء اللي يضحك(يموت من الضحك):p