** هلا هلا زياد المواقف كثيره كثيره جداً وراح اقول كذا موقف مو كلها هالمواقف اللي ابي اقولها دائماً تصير وولد عمي وواحد من الاصدقاء العزيزين على قلبي عندي أو واحد منهم على الأقل وش السبب مدري عاد صاروا ما ينادوني الا بالـ ...... ( والا ما لها داعي اقولها بعد تمسكونها علي ) (1) كنا والمذكورين انفاً بمحاضره من المحاضرات طبعاً بمعمل الحاسب بما انه تخصصنا المهم انا فيني نووم وجالسين نشتغل عملي وكنت حاط جوالي ع الطاوله بجنب الماوس .. واحنا نشتغل احرك الماوس يمين يسار ما يتحرك واضربه فوق تحت [ الا الشباب يضحكون واناظر اثريني ماسك الجوال واضربه ) (2) ومره من المراريت انا والاثنين اللي فوق بعد عندنا محاضره ويوم خلصنا وطلعنا برى الا فيه حمامه واقفه على سياره أنا بخوفها عشان تطير جيت الله يحفظني واقول [ بس ] قاموا ويفقعون ضحك علي يقولون انت تشوف بس واقف على السياره ( بس يعني قط ) (3) كنت انا وولد عمي بسوبر ماركت جالسين نشتري اغراض وكذا والصلاه جت وسكروا الباب الزجاجي وذاك مدري وش تسمونه زي الكراج مسكرين نصه انا جيت بطلع ما دريت ان الباب مسكر نزلت راسي من تحت الكراج وطرطاااااااخ بالباب وابو الشباب يضحك طبعاً ولد عمي ماا يصبر راح واتصل على خوينا وقاله وذاك اظنه يسجل المواقف (4) هالمره اشوى كنت بلحالي الصباح رايح للدوام وكاشخ ومتزبرك وقفت عند البنك ابي الصرافه اللي داخل صرفت وجيت بطلع نسيت ان الباب يسكر من حاله ما انتبهت الا الغتره بجهه والبوك بجهه ثانيه وحالتي حاله واناظر فيه سيارات يمشون بالشارع شكلهم شافوني (5) هالموقف قريب جالس اشرح للطلاب على الداتا شو ومسترسل وبسألوني الطلاب واحدد اللي يبونه بالماوس لهم سالني طالب وش نكتب قلت هذا واشرت بيدي على شاشة الجهاز من زود الفهاوه ما سلكت لنفسي قلت لهم نسيت احسبكم تشوفون يدي على الداتا شو ووصلهم الموقف الشباب (6) والله المواقف كثيره جداً بس قررت اني اوقف خلاص عافاك الله زياد لحد يضحك علي **