.. ** ..
" طحت " من عيني بعد ما كنت عالي
وحبك ارخصته بعد ما كان غالي
كل شي برضاه منك " الا الخيانة "
بعدها يحرم على حبك وصالي
~
كم سهرت أيام في حبك مولع
ما دريت انك " بتمثيلك" خيالي
أشتكي لك منك وأشكيك العدالة
كل منهم قال قلبك " ما صفالي "
~
كنت مالي كل قلبي وكل عيني
وكنت أحسب أني وسط قلبك لحالي
وأثر قلبك " كل يوم " له حبايب
وأثر قلبك من احساس الحب " خالي "
~
يا خسارة وقت في حبك قضيته
ضاعت أحداثه هدر طول الليالي
روح أنا ماني " بمتحسف " بعادك
بس " اعزي " من بيرضى بك بدالي !
..