** ** اذا تكلمنا عن المهازل في الكرة السعودية فصدقني منب منتهين من المهازل اللي تصير ، والله قهر دولة كبيرة ومدنها كثيرة وفلوس الدولة وااجدة ( الله يزيدها ) ومع كل هذا مافيه لوا ملعب صاحي الا ملعب استاد الملك فهد في مباراة الهلال والاتحاد الاخيرة والله جرايم صارت .. انا والله ماحضرت المباراة بس اتوقع اللي واقفين اكثر من اللي قاعدين واللي برا الملعب اكثر من اللي جوا الملعب وحتى تنظيم الملعب ( زفت ) يعني اول مرة اشوف اختلاط جمهور الاتحاد بجمهور الهلال فيمكن كانت بتسبب جرايم ومشاكل بين الجمهورين يعني انا على خبري من قبل كاس العالم الاخيرة وهم يقولون بنسوي استاد الملك عبدالله في جدة وبس الى اليوم ما صار شئ واتوقع مالهم نية الرئاسة انهم يسوون استاد جديد ، وهذا غير ملعب الحزم في الرس اللي اتوقع ان ملاعب الاستراحات اكبر منه يعني حتى الملعب يمكن يسبب اصابات للاعبين وهذا غير المدرجات اللي ما تكفي الا لـ10 آلاف مشجع وهذا غير الملاعب الباقية .. يعني والله جد شئ يقهر الفلوس موجودة والاتحاد السعودي يقدر يسوي استاد كامل خصوصا ان جدة تحتاج لاستاد ، واتمنى ان ملعب الرس ما يلعبون فيه مرة ثانية وتصير كل مباريات الحزم في بريدة او حتى على الاقل المباريات الكبيرة واللي يتوقعون فيها حضور جماهيري كبير يعني مو شرط كل المباريات بس المباريات اللي فيها جماهيريه مثل الهلال والنصر والاتحاد والاهلي . [ تركي .. ] والله اسميك ( اسطورة الاقلام القناصية ) ماشاء الله عليك ما اقدر اقول الا شهادتي فيك مجروحة ياتركي ** **