الجزء الثاني والثالث من قصتي مع شبيهة هيفاء وهبي ...


باااااك ... بسرعـه قولو ولكمــو <<< متعــود على الشات هع هع هع :D

سوري على التأخير ... بس كنت اتغلى اشوي عليكم مع وجهي ... خخخخخخ

واخيرا ... كملت القصة واخليكم مع القصة ...


(( الفصل الثانـــي ))

وين وقفنا ؟

ايه صح ...

تطورت العلاقة بين مدحت اللي هو انا ... وبين اللي تشبه هيفاء ...

مثل ماقلت لكم .. صرت انسان حساس ... اه يا الحسااس وماادراكـ

مااقدر اشوف الدجاجة تنذبح قدام اعيوني .... بعد ماكنت اذبح خرفان الحارة كلها بالعيد كنت امر قدام بيوت ازهلها وعمر الرياض ونحبك ياهلال زعيم هلالي والحلم الازرق واشوفهم واقفين الصبح ... قبل يذبحون خرفانهم ... يقولون انتظر القصاب يجي يذبح خرفانه ...

قلت لهم : افا عليكم ... انا موجود ... << على فكره صاير بورسلي هع :D

قالو : يعني ايش ؟

قلت لهم : انا اذبحهم لكم ... واروح اجيب السكين والساطور عشان اخاف السكين توقف يخلص بانزينها ... ومطرقة عشان اهجد الخروف ... وبدلت اثيابي .. ومسكت خرفانهم ... <<< المبالغه كلمه وهو معناها هع هع :D

قلت يا شباب ...تبون شاورما ولا على شكل قطع ...

يقولون الشيبان ما يحبون الشورما اكيد يحبه على شكل قطع ...

ذبحت خرفانهم وقطعتها ... حتى اذانهم قطعتهم ...

ولكن للأسف نسيت اقول بسم الله يوم ذبحت الخرفـــان << هذا من الدلاخه

ماتذكرت الا بعدين ... قلت ازهلها ونت يا عمر الرياض ونت يا نحبك يا هلال ونت يا الحلم الازرق ونت يا زعيم هلالي اذا سألوكم شيبانكم منهو اللي ذبح خرفانكم قل له القصاب .... وماجاك بصدري ونا اخــوك

<<< خفت من شيبانهم

ملاحظه (( الشيبان هم ابو كل واحد فيهم بس خفت في بعض الاعضاء ما

يعرف الشيبـان داري في ناس تعرف بس لازم اوضــح للكل >> اقول كمل

القصه بلا فلسفه هع هع هع هع :D ))

طبعا كل هذا الكلام قبل مااعرف شبيهة هيفاء وهبي ... للاحظـو

بس من يوم عرفتها ... صرت حساس ... اذا قالي واحد كلمة تزعل اصيح على طول ... من بعد ماكنت اضحك اذا جاء واحد يزعلني ...

لدرجة اني رحت التسجيلات ... وشريت شريط هيفاء وهبي وعلقت صورتها على الجدار عشان وانا اكلمها يشبك الصوت مع الصورة اللي اطالعها ...

صار بينا عيش وملح ...

والبنت مااخبي عليكم عليها اسلوب روعة ...

اقولها وش فصيلة دمك ... ؟

تقولي ... فصيلة دمي مدحت موجب ... اه يا الموجب من اول سالب والحين موجب الله يا الدنيا صرنا كتاب رياضيات سالب موجب والمره الجايه جبر وقسمه وضرب هع هع هع هع هع :D

قلت ها ... كيف يعني ...

<<< مسوي مافمهت عشان تقولها ثانيه وربي مو مصدق :eek:

قالت لي يعني انت في دمي ... انت تمشي في اعروقي .. انت نبض قلبي ...

انا في ذاك الوقت ... صرت خروف ضعت رحت في خرايطها هع هع هع

صرت ديك ... مااعرف وش اسوي ...

صرت دايخ من هالكلام الحلو ...

لدرجة ان طحت على سريري من هالكلام الحلو ...

ماحسيت بنفسي الا الصبح والوالد يقومني لـــ صلاة الفجر ...

تطورت العلاقة بيني وبين هيفاء ...

وفي يوم من الأيام مثل كل يوم جاء يوم ما مثلة ابد ... <<< ماادري اشلون يوم مثل كل الأيام ومامثلة ابد ..

ماني عارف اشرحها ...

وانا كنت اكلمها ... ومنسدح على جنب ... <<< مسوي رومنسي

ولاابس برموده ومشغل في الغرفه موسيقه رومنسيــه ومشغل النور

الهلوجين الاصفر ومقصــر عليه عشان ادخل جــووو رومنسي هع هع

قلت لها يا الغلا يا هيفاء .. قالت لي اعيون هيفاء ... << صرت خروف

سم امر ...

قلت لها ... ينفع اشوفك خلال هاليومين :confused: << خايف من ردة الفعل

قالت لي ... اخاف مايعجبك شكلي ...

قلت اخسي مايعجبني شكلك ... انا يوم شفت اعيونك المره الماضية مااتوقع انها على وحدة شينة ...

وحتى لو طلعتي شينة ... انتي توأم روحي ... انتي كل شيء في حياتي بدونك مااقدر اعيش ...

<<< واثق انها حلوة .. ولا كان ماقال لها ذا الكلام ... :p

قلت لها ... انا بدونك مثل الدرج ( السلم ) بدون درابزين ...

انا بدونك مثل الجوال بدون شريحة ..

انا بدونك مثل الكمبيرتو بدون كيبورد ...

قالت لي ...

والله عليك اسلوب ... وكلام يذوب

قلت هذا الكلام كله صادر من قلبي بدون ماتحكم فيه يا قلبي ...

قالت ... وانا ودي اشوفك بعد

اوكي حياتي ... موعدنا بكرة العصر في نفس سوق الخضار <<< ناشبه في

سووق الخضار مدري وش فيها عليــه مالومها دقيقه اجيك في السالفه ...

انا استانست ...

قلت اوكي بااااااي حياتي ...

واقفل واروح اتجهز ...

واروح الحلاق .. وحلق وسووي سكسووكه وجلس معه الحلاق كل اشوي

ووسوس لا السكسوكه هذي طويله والثانيه قصيره وهي عدله بس

الوسواس ضارب عندي اشووي وقووله ليه تخفف السكسوكه انا احبها

ثقيله وهو ما خففها ولا سووى شي طيب الزلف ابيه عكس طيب ليه تخفف

من الزلف اشووي واللتفت علي الحلاق طبعا الحلاق جنسيته تركي واذا

عصب عصب قال وجه سهامك انت من اول تجي الحلاق وتغمض عيونك

ونا احلق واذا خلصت تقووم تحاسبني لانك واثق في حلاقتي انت فيك شي

انا اخبرك مو كذا <<< لا تلومه بيقابل وحده تشبه هيفاء وهبي على باله


المهم وروح للوالد وقووله ابي موتـرك قال وش عندك قلت ابد بروح اذاكر

بيت خويي قال يا وجه سهامك اليوم الخميس مشااء الله بذاكـر مشااء الله

<<< لا تلمونه بدون ما يقوله بيذاكر يعطيه الموتر بس الوسواس والخوف

ان ابوه ما يعطيه الموتر قام وكذب هع هع هع

طبعا موتر ابوي اسكلد جيب كدلك لؤلؤي يمكن تشوفونه يفرفر عند الراشد

المهم اشووي وابووي يقول ان طالع مشوار مقدر اعطيك الموتر اشووي

ويجيني ابوي يقولي وش فيه موترك طبعا موتري كشخه بس بدون جلد

ما يصلح هع هع هع هع فاهميني انتووو الوكــاد ...

المهم وتذكر ان عندي خوي عند بي ام دبليو الا وهو العضو قحطاني وفتخر

المهم وفرفر جوالي ابي رقمه مني منه منو مناك لين شفتــه ...

قلتله تكفى يا بو قحط قالي اعنبوك لا تقول تكفى قلتله ابي موترك بطلع اليوم

قال وش طلع قلت خويتي قال اخذ المفتاح وش دعوه مسووي زحمه عشان

موتر يا الرخـمـه وتقوول تكفى جلست اناظر فيه بنص عين مسوي زعلان

اشووي وضحك في وجهه اشووي وقووله ذيب انتـ يا بعديـ ..

(( عشان اكشخ فيها ))

واروح اغسلها بمغسلة السيارات ...

واروح المغسلة ... واغسل ثيابي وغترتي البيضاء ...

واتسلف من اخوي ساعتة الي توه شاريها ... وخذت منه طقم اديور حقه الكبك والقلم ...

وانام مبكر ... وصحيت مبكر وفطرت فطور صحي ...

عشان يصير وجهي منور ...

المهم ...

وجاء وقت الموعد ...

واروح سوق الخضار ...

وانا على اكشخ صورة ...

وادق على الغلا هيفاء ... وتجي وتركب معي بالسيارة ..

طبعا مالي غنى من خبرة اخوي قحطاني ... ومعلوماته اللي وصاني عليها ... سووس كذا وسوو كذا تعرفون انا غشيــم

تمشيت معها ... اشوي ...

وقفنا على جنب ...

قلت لها ... هيفاء ... ممكن تشيلين الطرحة ؟؟؟

سمعت ضحتها بقمة الحياء ... دخت ... بس الحمدلله مسكت نفسي ...

المهم ... وكانت المفاجاءة هنا ...

شالت الطرحة ... وقالت لي شووووف ...

قلت اتكلم من جد يا هيفاء شيليها ...

قالت لي لاتستهبل يا مدحت ...

انا شايلتها ... شوف زين

انا صرت .... :eek:

ناظرت تمقلت طالعت ... ماشفت شيء ... يوم انها ضكحة شفت اضروسها ... تقول برج المملكه من طولهم

اقتنعت ان وجهها هو مع الكفر حق السيارة واحد ... بس الفرق ... ان الكفر فيه صواميل ...

انصدمت بقوة ... قلت معقولة هذي هيفاء اللي دفعت عشانها كل هذي الفواتير ... ؟؟

معقولة هذي هيفاء اللي كنت اظن اني ماراح افرق بينها وبين هيفاء وهبي اذا شفتها ؟؟؟



قلت لها : هيفاء حبيبتي ... ترى السيارة اختربت ... انزلي دفي السيارة من ورا ...

قالت لي كيف تعطلت وهي 2005 ...

قلت وانا معصب انزلي ودفي ولا تكثرين هذره ...

اول مانزلت .. رحت انا دايس البانزين كله ومشيت ...

بس لاتخافون ماقطيتها بالبر ...

كنا جمب بيتهم ...

واروح لقحطاني وفتخـر من القهر وانا شايل اكبر عجرة عندي ... كنت ابفقع راسة ... معه انه ماله ذنب بس كذا من القهر ...



قالي انا وش دخلني ...

هونها يا وجه سهامك ... ترى اليوم كفر بكره تطلع لك وحده قمر ان شاءالله ...

قلت لا قمر ولا كفر .... توووووووووبة

.................................................. ..........

حكمة العدد :

اذا شفت بنت حلوة في السوق واعجبتك ... تذكر قصة مدحت ...

.................................................. .........

الجزء الثالث ...

(( الفصل الأخير )) ...

وهو اهم فصل ...

قبل لايجيني واحد ويقولي تجاهر بمعصيتك انت ويسوي لي سالفة ...

ترى السالفة من وحي الخيال ...

بس انا كتبت هذي القصة عشان شيئين ...

الا وهما ...

1_ الشباب :

ترى الثقل زين ... و مو كل ماشفتوا عباية مخصرة واعيون مكحلة درعمتوا وراها ... ركووود ...
ترى يا ماتحت السواهي دواهي ... اثقلوا ...


2_ وبعض الشباب اللاحظ فيه هذا الشي اذا شاف بنت تناظر فيه يمكن البنت مسكينه مو قصدها تناظر يمكن هي مشبهه عليه انه يشبه اخوها ولد خالها قريب لها او كذا تناظر هلى طول تشوفه يقول تبي الرقم ... يحط في
ذمته انها تبي الرقم وهي لا تبيه ولا تبي وجهك ...وبعض البنات يمكن انتو
تلاحظون تحب تناظر كذا مو قصدها شي بس تحب تناظـر ...

وبعضهم عاد الشكوى على الله عيني عينك وش نكك في البلتوث

3_ بعدين الرجال يا حلوه ويا ملحه اذا صار ثقيل مو طياره اي بنت يشوفها
مثل قصه مدحت ههههههههههههااي حكم على العبايه بس :D



قبل يومين قريت عن واحد ... يحب وحده بس علاقتهم على الشات ... لهم 5 اشهور ... وبعد الـــ 5 شهور ... طلعت البنت اللي يكلمها ولد بس متخفي ورى الشاشة ...

يعني ... ركوووووووووود لأن ( العالمي ) برشلونه موجود ...

2_ للبنات :

ترى العباية اللي على الكتف مالها داعي ... لأنها تسبب مشاكل ... يا زين العباية اللي على الراس قمة الحشمة والأحترام ... بعد هل اليومن طيحتو على العبايه الفراشــه بس احلى مافيه انها مو مخصره وسيعه مركتها كذا
والسمكه ومدرري وشووو ولا وحتى الحذيان الله يعزكم الـز**ــيريـه يلبسونها تشوف لونها موف وردي طبعا هذا الكلام اشوفه في الراشـد
الا بقووه الي في مسلسل عديل الرروح هع هع هع هع هع

لأن ماعمر الزينة ... غطت زينة ...

في الأخير :

اكيد ان القصة اللي انا كتبتها لكم خرافية ... وسامحونا اذا كنت طولتها معكم ...

وشدوا حيلكم في امتحاناتكم ... كتبت القصة عشان الواحد تنفتح شهيته للأمتحانات يا طلاب ...

كان معكم اخوكم مدحت ... اقصد وجه سهامك ... خخخخخخخ

من وراء الكواليس ...

<<<

والله مدري وش معناها بالضبط بس دايم اسمعهم يقولونها بالراديوا ...

واسفين على الأطالة ...

تحياتي ... اخوكم وجـــه ســهــامــك _20