شبكة القناص - الموقع الرسمي للاعب ياسر القحطاني - عرض مشاركة واحدة

**سطام الشمري** · 10-04-2008, 08:31 PM

بسم الله الرحمن الرحيم ..

.

.

.

فقط // لِروحها الطَاهره

.

.

.

يمه تواريتي ولا بعدك أوناس
......................... بعدك زماني صار حوسه بحوسه

همٍ وغم وكسر خاطر وهوجاس
......................... والعين معبد والدمع من طقوسه

الصدر ضايق والمعاليق يبّاس
......................... والحال عظم وجلد والهم سوسه

تجبرني الذكرى ويكسرني الياس
......................... وأنهرت بين طعون وقتي وموسه

تعبت أعزي النفس وأقول لا بأس
......................... ظلماي بعدك ماتنيره شموسه

بين البشر عايش ولاني مع الناس
......................... النفس عيت لا توالف نفوسه

أجلس مع الجلاس والفكر منحاس
......................... شارد ذهن كل المسافات أقوسه

بعد السعاده صرت للهم نبراس
......................... وقصر الفرح ينهار من ضرب فوسه

ياكثر ماطقيت في كفي الراس
......................... وياكثر ماعضن بهامي ضروسه

وياكثر في طاريك ماحبس الأنفاس
......................... خوف الدمع يشرح على الخد بوسه

وأشم ريحك كل ماهب نسناس
......................... لا صار من يمة مكانك عسوسه

لو الغلا ينقاس يمه بمقياس
......................... حبك بقلبي صعب محدٍ يقوسه

أنتي ذهب قلبي غناتي والألماس
......................... أنتي بنات الفكر وأنتي دروسه

أدعي لعل إللي تَخَضَّعْ له الناس
......................... يجبر عزا نفسٍ زمانه يدوسه

يالله عسى لك بين الأكرام مجلاس
......................... بالخلد يمه بين يانع غروسه

.

.

.

(( سطام الشمري ))

10-04-2008, 08:31 PM	#1
سطام الشمري ( وهج الشعر )	يُــمّــه بسم الله الرحمن الرحيم .. . . . فقط // لِروحها الطَاهره . . . يمه تواريتي ولا بعدك أوناس ......................... بعدك زماني صار حوسه بحوسه همٍ وغم وكسر خاطر وهوجاس ......................... والعين معبد والدمع من طقوسه الصدر ضايق والمعاليق يبّاس ......................... والحال عظم وجلد والهم سوسه تجبرني الذكرى ويكسرني الياس ......................... وأنهرت بين طعون وقتي وموسه تعبت أعزي النفس وأقول لا بأس ......................... ظلماي بعدك ماتنيره شموسه بين البشر عايش ولاني مع الناس ......................... النفس عيت لا توالف نفوسه أجلس مع الجلاس والفكر منحاس ......................... شارد ذهن كل المسافات أقوسه بعد السعاده صرت للهم نبراس ......................... وقصر الفرح ينهار من ضرب فوسه ياكثر ماطقيت في كفي الراس ......................... وياكثر ماعضن بهامي ضروسه وياكثر في طاريك ماحبس الأنفاس ......................... خوف الدمع يشرح على الخد بوسه وأشم ريحك كل ماهب نسناس ......................... لا صار من يمة مكانك عسوسه لو الغلا ينقاس يمه بمقياس ......................... حبك بقلبي صعب محدٍ يقوسه أنتي ذهب قلبي غناتي والألماس ......................... أنتي بنات الفكر وأنتي دروسه أدعي لعل إللي تَخَضَّعْ له الناس ......................... يجبر عزا نفسٍ زمانه يدوسه يالله عسى لك بين الأكرام مجلاس ......................... بالخلد يمه بين يانع غروسه . . . (( سطام الشمري )) التوقيع: تعال وزف الحكي ديم .. تبرق لك عيوني إطراء أبي أحيك لك مداي ... أبشكل منظّـم وراقـي أبي أهد النبض فيّ .. إلين .. توزعني أشـلاء يمكن لحظتها تقدر الورى ... تقراك .. بحداقي حبيبي يا بعد حييّ لا يابعد ... كثير .. أشيـاء أنا ما زلت من البعاد أعيش وأطيش أشواقي !