. هلا والله وغلا مميز ..! وش الحركات ذي اثرك ماتلعب يالمخيس .. تغطيات وحركات من متى ؟! المهم بس ماعلينا كوهـ لـ ستار .. هـ السنه أنواع قلة الحيا والمصاخه .. خير ان شاء الله ما كأنها لـ الأصوات كلها أحبك وتحبني .. والمشكه ياليته حب صدزي بس من يقضى البرنامج روحي بطريق الله يستر عليتس وانا بـ طريق .. مع انه من عمرهم ماهنا عندهم اصوت تفتح النفس إلا قليل .. وشسمه والمشتركين هـ السنه أول مره يصير عندهم أصوات زينه بدرجه كبيرهـ .. مع انه لي فوق الشهر ماتابعته من كثر ماحامت تسبدي منهم ومن مصالتهم بس مايمنع نتطقس أحوالهم من فتره لفتره سعد .. هذا شخص صدمه عاطفيه ومعنويه ونفسيه وش ذا الصوت بس خل الشكل على جنب صوته ألم بـ شكل يصدع الراس .. تذكر يوم حفل برجا يوم غنى طلوا حبابنا طلوا .. هنا شي يخليك تنهار على ذاك الصوت يهبل ماشاء الله عليه .. ولا غنى لـ حليم لاتعليق صدز شي مادري وش أقول .. صح طاح من عيني عقب سالفته مع " دياء " بس اشوا بدى يتعدل عقب ماسحب عليها .. واحسه حليل بس تجي منه حركات يعني احيان تحسه من تحت لـ تحت .. كودهـ يصادق عبادي ونرتاح .. << ياكثر قلوبتس أنتي بعد المهم شهيناز .. ذي مع أنها مهيب ذاك الزود شكلن بس صوته بنت اللذينا شي ثاني أليم .. ياخي في البرايمات تتغير يطلع وش ملحها يعني تنهضم أصرف من الـ 24/24 والا ؟! وتحسها من بنات شارع [ السيدهـ زينب ] .. نادر .. ذا ابد ابد ماخش مزاجي مع انه طيب وودك تخمه من كثر طيبته .. بس أبد ماعجبني يعني لو يطلع هو الستار بـ يصير ظلم وظلم بقوه لانه مايستاهل ابد .. قويدر .. أبصم بـ المليون فيه مرض نفسي خيير ..! وش تبي أنت اللحين وقسم بـ الله دواهـ من يمسكه ويتوطاهـ .. يابثرهـ بثرااهـ وش يحس بس ذا الماصل بس المشكله صوته زين .. الله يصبر الطلاب والأكاديميه عليه وقسم شخص لايطاق .. وشكله والله أعلم طاقته الغيرهـ من عبادي وإلا يتهيء لي .. جد طلعوهـ وفكونا من شرهـ ذا البثر .. من كثر مصالته الله ابوهـ كانه تذكر مرهـ كان قاعد هو وبوشوشه ومحلاوي .. ياربيه يوم يقول ليش احنا نقول [ واااو ] مانقول [ زاااز , داااد , شاااش ] .. قل أمزح تكفى لاتخليني أنتحر يالمااصل يرحم امك قل أمزح .. وإللي يقهر انهم قاموا يضحكون على ايش يرحم امكم فهموني يمكن أضحك مهوب لازم اضحك على الاقل ابتسم .. يمكن أنا مافهمت النكته زين ياربيه ربااهـ .. ما أقول إلا الله يعين أهله عليه .. << شالت هم أهله وقسم عبادي الشخص الذي كويس .. هذا أنسان أحسه عالم ثاني بريء برائه مهيب فـ أحد .. حليل وفي حاله مع أنه ماصل الله يصلحه بس يعني تتقبل مصالته أصرف من قويدر الله ابوهـ .. صوته وآخ يا صوته جد هذا هو وسعد يستاهلون الستار مع شهيناز هم الوحيدين بلا قويدر بلا هم .. جد صوته شي ثاني عالم ثاني راشد الماجد إلا شوي .. أنا فاتني يوم غنى مع [ وديع ] ماشفته بس يوم غنى [ نيويورك ] كان أليم هـ الانسان .. وهو أول سعودي يحبونه الأستاذهـ كلهم بـ الإجماع وخاصه [ إليسار ] .. ميرهان .. ياصبر الأرض بس لا صوت ولاشكل ولاضروس ولاشي .. وش تحس به مادري بـ كامل عقلها داخله الأكاديميه .. وإلا هم من جدهم قابلينها عادي صح مانستبعد عنهم أي شي .. وبعدين خير وش تبي ذي تحب مصطفى نعنبو بليستس أصغر منتاس بـ 20 ألف سنه .. مهوب تقعدين تلعبين علينا " أخويا الصوغنن أخويا الصوغنن " والله أني اشك أنه أخوتس .. إلا وقسم انتس خاقتن معه وهو بعد بس على ايش مادري بس صدز من قال " الطيور على أشكالها تقع " بعدين ليش ليش ليش لييييييش قاعدهـ إلى اللحين يعني من زين هـ الخشه مخلينها .. دياء .. أوصخ مخلوقه شفتها في الاكاديميه نعنبو بليستس يالمخيسه فيه أحد مايتروش إلا في الأسبوع مرهـ .. ياربيه وش أسوي انتحر والا انتحر وصخه يا نااس مهيب تتروش ابد ابد ابد .. ذاك اليوم وقسم بالله شفت شعرها لو تمسكها وتعصرهـ طلعت علبة زيت كامله .. بـ تجيب لي ارتجاج هـ الانسانه وبعدين صوتها [ عربي , أنقلش ] الله بـ الخير ولا واحد حلو ولا هوب يعجبني .. أحسها لاقامت تغني وتنطط المسرح يرج يختي وش الله حادتس وراتس ماتركدين يختي وتريحيني .. أمل بو شوشه .. احبها إلا شوي يعني عاقله وقسم مهيب عندها حركات الحب .. حتى يوم جاها زاهر وقام يلمح لها قالت في وجهه انا داخله عشان أنجح واتعلم وادرس مهوب داخله عشان الحب والمحابب منيب فاضيه لك ولأشكالك وهي صادزهـ وقسم تعجبني والله .. مع أنها تجيبها حركات تميلح بس انها تنهضم أكثر من ميرهان .. :/ زاهر القبيح .. أنا أول ماشفته مادري وش لون خقيت معه مادري وشلون كنت أقول انه زين .. بس اشوا اني عقلت وراجعت نفسي واكتشفت انه شخص يحوم التسبد مافيه من الزين شعرهـ .. مسيكين ذا مثل [ ميرهان , دياء ] لاصوت ولاشكل ولاشي مادري وشوله قاعد إلى اللحين .. يمكن لأن البنات خاقين معه والاكاديميه تقول الفلوس ثم الفلوس ثم الأصوات الجميله .. وشسمه بعد ذا كله أبصم بـ المليون إن الأكاديميه خسرت عشرين ألف من متابعينه .. وخاصه خاصه خاصه بعد ماراح عنهم [ أسامه الرحباني ] .. جد هو إللي كان محلي البرنامج بـ تعليقاته وخفة دمه ياناس أعشقه .. كودهم يرجعونه بس السنه الجايه كان فيه ستار 6 .. آخ على أيامك يا [ مسيو أسامه ] .. مميز عافاك الله يابطل ونحتري التغطيه الزينه .. إلا أقول مميز ناظرني .. وش ذا اللي طلع لـ قويدر وبو شوشه يوم فتحوا الباب ؟! كانه ألمح [ ضاطور ] هو أصلا عندهم هذا النوع من الحشرات ؟! */ بس صدز المقطع إللي حطيته وش هو اللي طلع لهم أرجوا الإجابه .. ليش ردي أكثر من الموضوع ليش ؟! .