تحية لكم جميعاً وصباحكم ومساؤكم بمنتهى الجمال أعرف أني ربما أعرض قضية قد تطرق لها قبلي الكثير لكننا لن نسكت عن طرحها حتى يجدوا لنا الحل .. دائما يقولون أن الشباب عماد الأمه ويجب أن توفر لهم كل المقومات حتى يعطوا كل ماعندهم وبشكل يعود بالنفع ... (( لحد هنا والكلام جميل وصح وماعليه غبار )) عندما يكون الولد طفلاً ربما لاتتضحه له كل الرؤيا لأنه لايشعر بالتمييز ضده لأنه في اول الامر واّخره طفل ,, لكن عندما يصل لأن يكون شاباً يصطدم بواقع مرير يجعل من الشباب أكثر فئه مضهده من الأمه وليست عماد الأمه ... ندخل بالموضوع : ياناس متى تنتهي كلمة " للعوائل " ؟ لانعرف نتهنى باجازه ولاطلعات ولاشي والسبه ان الاماكن كلها للعوائل وممنوع دخول الشباب تقولون كن فينا مرض ولا عدوى وبنضر الناس طيب لقيتوا لنا الحل ؟ طبعا لأ مافي انسان عايش بالكره الارضيه الا ويعرف الفرق الكبير بين نظام الاماكن الترفيهيه الموفره للشباب عندنا وعند غيرنا .. نحترم تقاليد المجتمع ونتفهمكم بس هذا مايعني ننظلم ؟؟ ماانكر ان الوضع تحسن شوي عن الاول لكن بنسبة 1 في الميه يعني مو ملحوظ ,, طيب والحل ؟؟ أنا بعد تفكير طويل ومتعب ومبني على دراسه لقيت الحل اللي يرضي كل الاطراف .. حل ظاهره وانا متأكد ان الكل يفكر فيه وينتظر تطبيقه الحل هو : نقل فئة الشباب بسفينه فضائيه لكوكب المريخ يقولون لقو فيه شوية حياه ,, توصلونا هناك مع كرتونين مويه وبكيفنا نوفر اماكن ترفيه بالشكل اللي نبيه هناك ها ؟ وش رايكم ؟