سلام عليكم ...
لتجديد العهد ..
اضعها بين ايديكم ..
اقبلوها بتواضعها وعفويتها ...
عيون قلبي من عنا البعد تبكيك ""
""وعيون وجهي ماأذرفت دمع فرقاك
..............................
الأوله ؟ من كثر ماأفقدك وآبيك
والثانيه ؟ خوفٍ من إعداي وإعداك
...........................
سنه وست شهور أرقب ملافيك
لكن لا ذا الحين مازان ملفاك
.....................
تعال واجمع ماتشتت بيديك
وإبن الهدام اللي نتاجه خطاياك
..........................
تعال ياغيمي برعدك وضاويك
وأمطر على أرضٍ مابها غير الأشواك
..........................
الشوق والحرّه ببعدك... وناهيك؟
عن هاجسٍ ماياتي إلا بطرياك
...........................
مثل الممالك في عيون المماليك
غلاك في عيني عسى الله يرعاك
............................
على ليال البعد صارت مساريك؟
وانا مساريّه على عكس مسراك؟
.........................
ياصاحبي ماهو كذا الله يخليك
شرع المحبه لا تماديت ينهاك
.........................
ياللي حلا السكر نبع فيك من فيك
وياللي مضاويح البدر من محياك
..........................
تقول أحبك لا بعد ميتٍ فيك؟
وإنته تجرعنّي مرارة جفياك؟
...................................
إلحق على من هو يحبك ويغليك
وبعرف مدى حبك ليامنه أمداك