* * * السلامـ عليكم .. والله من زمان عن المواضيع والحركات ايه اخباركم ؟ عسى مافقدوتني واجد تراني موجود بس يعني اتغلى حبتين عليكم واحب ابارك للمشرفين الجدد في كل بقاع القناص .. من المجلس لين منتدى الماسنجر .. كل ابوكم تستاهلون .. وان شاء الله انكم كفو تكملون مسيرة اخوانكم السابقين .. الموضوع واضح من عنوانه واشين مافي هالدنيـا البثاره ودي اجلس مع شخص ملقوف ولا شخص بثر .. يعني الملقوف تهضمه شوي وتقدر توزي عنه الاشياء اللي ماتبي يعرف عنها شئ بس البثر قولوا لي وش تسوي به ..! يعني مهما سويت الا غصب بينكد عليك عيشتك وبتاكل وشسمه غصب عليك ووممكن تقفل الاخلاق وتوطى ببطنه لين تواسيه مع الارض <- اخس يامهايطي مثلا مثلا عندك يوسف الثنيان يقولون انه بمعسكرات المنتخب بثر كان احمد جميل يحب يلعب بلوت وكانوا يجتمعون بغرفه يوسف عاد يقولون يوسف كان مايبي احمد جميل لانه زلابه بالبلوت قام كتب ع غرفه ممنوع دخول العبيد يااااااابثره يوسف ليش كذا يفشل احمد جميل ولا يوم يجى يكحلها اعماها .. يوم درى ان احمد زعلان كتب لوحه ثانيه ممنوع دخول العبيد الا احمد جميل وقسسسسسم انك بثر بس احبك في هالدنيـا عشت اكثر من ربع قرن ..! واجهت بثرين بشكل موب طبيعي ( ترى يمكن انت ياللي مظلل الكلام تكون منهم بس الظاهر انت ملقوف منتب بثر ) 1 اتذكر ايام الابتدائي كانوا العيال يلعبون في الحارهـ كورهـ وانا واحد كنت مااحب العب كورهـ في الشموس ( يحلفون اني راضع مع اليسا يوم اني خايف على بشرتي ) عاد كنت اصلي العصر واهج لبيتنا بسرعه عشان مايشوفوني الورعان بس انهم يتصلون على بيتنا ويطلبوني ويصرفونهم اهلي .. ويجون ويدقون الباب ويصرفونهم اهلي اخر شئ صار يتصيدون لي عند زلفه الباب يعني للدرجه هذي مافهموا اني ماابي العب ..! صدق انهم بثرين 2 مره من المرات كتب الله اني امرح عند عماني .. بعد صياح وبكاء عشان اخلي امي وابوي يوافقون اني ارقد عندهم ( لبي قلوبهم اهلي يخافون انوم عندهم عشان ماانخطف ) عاد كان فيه ثنين من عماني واحد اكبر مني والثاني اصغر مني كان الكبير مسوي كاش وانه كريم وقال بباشر عليكم بحلاويات وحركات هو طلع من الباب جاني عمي الصغير قال عندي لك فكرهـ بنت كلب قلت وشو ؟ قال برش على سرير اخوي مووويه وبشبك سلك كهرب تحت وبمده لين غرفتي ولين جى يرقد بشبكه وبخليه يفلسع ويشب قلت تستهبل انت ؟ قال صدق واصبر بسويها .. وفعلاً قام وسواها وسهرنا وانبسـطنا وانا ساكت وخايف وبالعن العافيه ودي اعلم عمي الكبير بس اخاف يقلب علي عمي الصغير ويسويها فيني قلت السكوت احلى شئ عاد طفى عمي وجاه النوم وراح انسدح على سريره قام ذاك شبك السلك .. وخذ يااااازعاااااق وهبااااااال جانا عمي الكبير وشوشته منتفشه ( ذكرني بذاك حق دعايه سفن اب ) وجلسوا يتطاقون هو وياه ساعه وانا خايف وزابن في الزاويه اتفرج وكان ببالي سؤال يدور لييييييش البثاره من عمي الصغير ..! يعني كان مشتهي ينجلد ويتسطر 3 في موقف من المواقف مستحيل انسـاه .. كنت مره طالعن مع ثنين للبر .. وكان واحد منهم مثانته مليانه للاخر كرمتوا عاد يقول للي يسوق وقف عشان وشسمه قام ذاك عيى واللي وشسمه جالس يترجاه مابقى الا يحب رجليه قلت له يااخي وقف خله ينبسـط لاتنفجر مثانته علينا قال لايكثر بس واستمتع بشكله الله ابوووو بليسك من بثر يعني للدرجه هذي بثـاره ..! <- ياكثر مواقفك .. 4 اخر موقف بقوله لكم عني اتذكر مره بالمدرسه كنت جاي لمها وقافله معي وكنت جاي اول واحد الظاهر للمدرسه دخلت الفصل وجلست وقعدت افكر وطننننت بمخي فكره <-- ماكان ودهـ يحضر قمت وطلعت افلام حبر اللي هي اسود وازرق < ماتستخدم غيرها اصلا واشغل المروحه واوقف عند الباب واذبها على المروحه ويتنـاثر الحبر على الماصات والكراسي والجدران وانحااااش واصف طابور واسوي انا الولد المؤدب العاقل ولا من شاف ولا من دري بعدها رقينا للفصل وبما انها اول حصه كانوا العيال نصهم نايمين وجلسوا على الكراسي <--- وخذ يااشكال ورسمات ورى بثيابهم طبعا سوت المدرسه تحقيق وجمعت الطلاب اللي ماطبع الحبر على ثيابهم وسوت جرد لهم لين اكتشفوا انه انا عاد بعدين سألت نفسي ليش سويت كذا ؟ صدق هو انا بثر ولا فضـاوه .. ؟ من هالمواقف هذا هو الموضوع .. البـثاره عندنا انتشرت بشكل فضيع .. يعني خلاص فيه ناس استأصلت فيهم البثاره وصار مايمر عليهم يوم الا لازم مستبثرين فيه ولا يحسون يومهم ناقص جداً مووواقف كثيـره عشتها ولو بذكرها بتعبكم بقرايتها <- يقاله راحمكم من هالمنطلق ومن هالموضوع .. نبي حل للبثـاره وكيف القضاء عليها من المجتمع // .. للدردشه .. \\ 1/ بترد على الاسئله بس ترى بسطرك ؟ رد على كل ابو شئ ( كيفي موضوع وانا اتحكم ) 2/ تشوف انك انسـان بثر ؟ ولو كنت بثر تستمتع بالشئ هذا ؟ 3/ تعاني من البثرين ؟ اذا كان جوابك ايه ارسل رقم 1 قصدي اذكر لنا مواقف ..! سلامو