العين صارت بالدموع تلالـي
لين استوت من تحتها ماريّـه
والبال مشغولٍ وزاد إشغالـي
سارح ولا كن به عرب حوليّه
والحزن اعده صاحبٍ واموالي
ماقد تركني في عشي واضحيّه
والضيق حاودني على موالـي
والشعر تخفيفٍ من اللي فيّـه
قولوا لمن هو قاطعٍ ميصالـي
من حث خطوه ماهي ابمحسيّه
فجأه بـلا علـمٍ ولا مرسالـي
شوفته صارت عندنـا ملغيّـه
لو أني أعرف ديرته أشوى لي
بس المصيبه ديرتـه مخفيّـه
ميسم فراقه أحتمر .. عزاّ لي
وألحقني الكيه عقـاب الكيّـه
باحت خوافي الخافق المتعالـي
حاول يخلّـي ضيمتـه سريّـه
بس البلا عيني تبيّـن حالـي
والضحكه اللي ماهي ابصدقيّه
ياصاحبـي يالعاقـد الحلاّلـي
إفهم كلامي وإصتصغه شويّـه
الحب ؟ (بنٍ) والقلوب (إدلالي)
والوصل (جمره) نارها مصليّه
لاصارت الدله بجال الصالـي؟
البن فاحـت ريحتـه فوريّـه
ودلتك يرقب صبهـا فنجالـي
ياحي بنّـك لا سكـب ياحيّـه
عيني تخايل رجعتـك يالغالـي
تبغاك ترجع تمسـح الماريّـه