* * * بسم الله الرحمن الرحيم .. يالله ان تحييني وتبقيني .. تخبرون أنا آدمي بتاع قصص وروايات وتقديمات .. يعني بونكس 3 في 1 <-- الله من البداية اللي تبشر بخير أولاً أبارك لصاحب السمو الملكي : عبدالله بن عبدالعزيز وصاحبي سمو ولي العهد : سلطان بن عبدالعزيز بمناسبة لا أدري ما هي <-- أكيد متحمسين تعرفونها صح .. تابعونا الحلقة القادمة <-- منقهر من المسلسات ..!! يالله عاد بس بلا بياخة .. .. في ليلة سعيدة عمت على أهالي قريش .. وهو قدوم مولود جديد اختار اهله تسميته بأسم نايف فكان منبوذاً من أطفال قريش لكبر راسه ولسواد ركبته منذ قدومه .. حتى ما بين اخوانه أيضاً كان كريه ودمه ثقيل ولا يعرف من خفة الدم شيئاً .. لدرجة ان ابوه كان حالف يمين يتبرى منه ان ما صغر راسه وطلق أمه طلقة وحدة لأنه موب طالع عليه ولا على امه .. فشك في زوجته فهل يعقل هذا ( كل تبن ) .. فمنذ ولادة نايف وهو داخل جينيس كـ أول طفل يأكل ولا يشرب .. نعم انا الولد الوحيد اللي طلعت وأكلت علطول .. عجب عجاب ما أفعله ... كبر نايف ونضج ودخل المدرسة وكان طريق الأنحراف من أول متوسط .. رجع نايف من المدرسة ودخل علطول غرفته وفتح دفتر الرياضيات وشق صفحة الدرس اللي كتبوه اليوم .. وجلس يلف الورقة ويلفها ثم ولعها بالكبريت اللي اشتراه يوم انحاش من المدرسة .. ويدخل عليه ابوه فجأة وقال تدخن تدخن .. فرديت عليه وقلت تكفى يا بريء انت اكثر واحد تدخن ولك مقاطع بلوتوث ( التدخين عندهم أول زي قتل شخص ) رد علي ابي وقال وش دخلك فيني يا ابن الكلب .. وألقيت عليه كلمة فأصيب بجلطة وشلل نصفي وهي الحين انت تسب نفسك يا خبل .. فقدروا مشاعر الأب الجياشة .. بعدها بقليل دخل علي عمي فرأى ما في فمي فقال ما هذا فقلت خس .. قرب مني وشم الريحة فقال هذا جات يا نايف .. وشاف ابوي على الارض فقال وش فيه أبوك قلت له يتدلع بس خله شوي ويقوم .. ثم وداه عند الحكيم لكي يكشف عليه فقال اخوك مصاب بجلطة وشلل نصفي .. قال بس .. قاله الدكتور تبي الصراحة الوالد متوفي دماغياً يعني لو فصلنا عنه الغاز مات ( الطب قديماً ) قال خلاص افصله .. ثم راح عمي عند ابوي وشاف ورقة بجيبه وفتحه لقاها وصية محتواها كالتالي : أخي الكبير ( ابو لؤلؤة المجوسي ) كبير قريش .. هذه وصيتي لك واتمنى ان تضعها حلقة في خشمك .. أن ابني نايف اتعبني كثيراً ولا طالما تمنيت الموت لكي أفتك من خشته السيئة .. طلبي لك ان تركبه سيارة وتضعه في مكان بعيد جداً .. فضحك أبو لؤلؤة المجوسي وهو رافع سكينه ودخل الغرفة على نايف وقال : أرتدي ثيابك سريعاً يا حيوان واجعل امك تربط عينك .. فعل ما يريده فأخذه أبو لؤلؤة المجوسي ببعيره ابو اربع كفرات .. بجوار طريق خريص ، ووضعه هناك وذهب .. مرت السنين ونايف مغمض العينين لا يرى سوى يسمع او يتحدث لأن امه من شدة حقدها على ابنه ربطت ما يقارب 5 ربطات على عينه .. وبعد مرور 5 سنين كعدد الربطات التي وضعته امه من شدة الحقد على عينه ( خلاص فهمنا ) .. أتت سيارة فيها ما يقارب 3 شباب ان لم تخن نايف الذاكرة .. فـ فكوا ما كان على عينه .. فقال لهم نايف ببراءة من أنتم .. قال نحن رأيناك بجوار طريق خريص قلت آآهـ بس من أبو لؤلؤة الكلب سواها .. سألته حنا الحين في أي عام .. نحن في العام الـ15 .. طيب هل لكم ان توصلوني طريق أمممممم .. قالوا طريق أيش خلصنا .. طريق نسيت 5 سنين وبتذكر .. خلاص ودني محل كله محلات بس أهم شي يكون قيم المكان .. ودوني حارة كلها محلات جاني واحد جلس يشوف جسمي فوق تحت ثم قال هذا الشخص المناسب .. قلت سم .. قال ولا شي بس أبيك تعال انت وريحتك .. رحت عنده قال ابيك تصير عبد ويجي واحد ويشتريك منا ويكون هو يدفع لك راتب وزي كذا .. انا بدون أي تردد قلت خلاص صار بس ابي اتروش واضبط نفسي .. تروشت وكل شيء ولقيت مكتوب على ظهري .. أبو لؤلؤة المجوسي ( عايش جو ) طقيت ترويشة وكلش .. قام جاني الرجال وعطاني ملابس قال أبيك توقف هنا ولا تتحرك زي ذوليك اللي بالمحلات المجسمات اللي ما يتحركون .. قلت ان شاء الله وسويت حركة القناص ووقفت مر شهر ولا أحد جا اشتراني وانا مسوي حركة ياسر واشوف واحد مقبل علي كشخة ووراه ثنين بودي جارد بس شادين جسمهم ويناظرون كل الناس باحتقار .. دخل ذاك على راعي المحل ثم ناداني وقمت تفكك انا كني لاعب اسوي حركات احماء .. قال جب شاهي لعمك .. قلت ان شاء الله يا الوليد بن مغيرة .. وجبت وعطيت الشاهي لراعي المحل قام كب الشاهي علي قال عط الضيف اول يالله رح سو واحد ثاني يا غبي .. والدمعة متحجرة بعيني ان شاء الله سم تامر أمر .. ورحت عطيته الضيف وحطه على الطاولة ثم قاله راعي المحل .. تفضل واشرب الشاهي .. قال الضيف وهل هي بيالة شاهي على الماشي .. قلت نعم ولا تخشى من الواشي .. قال فـ هيا بنا يا كحيل العين ودخل المكتب الخاص حقه وانا اذني لازقه بالباب .. ما قدرت اسمع شي يوم طلع واسمع راعي المحل يبارك له وزي كذا .. ثم جاني راعي المحل قال والله وجاك الخير يا نايف .. قلت له ليش .. قال مسيلمة الكذاب شخصياً طالبك علشان تكون خدام عنده .. قلت وان شاء الله وافقت .. قال ايه .. قلت يالله نشوف بس ترى يمكن بأي لحظة انحاش قال راعي المحل لا تكفى ترا ذا يقطع رزقي .. أها يعني معطيك من تحت لتحت كم قطعة معدنية ورحت ودخلت بيته وقل اف اف اف اف كل ذا بيت .. قالي :- ماذا تقول .. قلت سلامتك والله هذي الساعة المباركة اللي اشتغلت فيها عندك عاد عسى عندكم جاريات حلوات .. قال هههههاي همك هذا يا ولد القبيح .. قلت بنفسي من وين وصلك الخبر .. ورحت وجلست بغرفتي واشغل راديو حق أول بس سماعات وهم يحطون على كيفهم بس حنا عاد راديو قريش راقي .. وجت اغنية ( شاب الشعر يا عبيد ) وقمت ارقص ويدخل علي مسيلمة قال ماذا تفعل .. قلت رجلي بس تعورني .. قال هذه الاغنية جميلة جداً والذي يغنيها كان عبد عندي .. قلت ماشاء الله اجل انت مدرسة المستقبل .. قلت له يا كذاب فيه شي من زمان ودي اسألك اياه .. قال قـُل .. قلت فيه سرير جنبي حق مين ؟ .. قال هل نسيت ما كليت يا نايف .. أليس انت قلت لي الا تملكون جاريات جميلات وحسنات .. فـ ها أنا أتيت لك بواحدة .. قلت : نتعب وحنا نقولك مدرسة .. أحبك حب يا شيخ ماله حدود .. وانت قدها وقدود في الليل انتظر الجارية تدخل .. وانا مولع كل اللمبات وتدخل وهي فاتشة ثم قلت انا .. أحبك والقمر يشهد ونجم الليل يا روحي .. أحبك تشهد الدمعة احبك تشهد جروحي .. قالت لي : ياااي شو مهضوم يا ئمر .. قلت مين الئمر انا الئمر .. قالت شو بنا انت الئمر .. قلت تستاهلك يا نايف انت وهلك .. انت سواد عيونها شعب وملك وفوووق فوق فوق هام السحب وان كنتي ثرى .. هي : ههههههههههه مجدك لئدام وامجادك ورا .. قلت يا ويلااه بس وش يسوى ابو نورة عندك نيوتن غلطان يوم حط قانون الجاذبية لو الحين يشوفك كان حط للجاذبية عنوان آخر .. يا بنت والله أحبس .. قالت : حبيبي .. تعرف شو يعني حبيبي .. قلت بس انا حبيبك لا يا شيخة انا حبيت مسيلمة .. ليت كل الناس مسيلمة .. ما يخسر اللي عنده مسيلمة .. وخسران يا معانده ( الحب وما يفعل ) .. قلت لها يا ئمر ما تعرفنا على اسمك .. قالت رولا .. قلت لو أمي اسمها رولا انحشت بس علشان انتي اسمك رولا اجلس لعيونك .. ترا يا رولا لك سرير هنا يا بعدي .. قالت لا خل هـ الليلة بس انام بؤوطتي .. يعني بغرفتك صح قالت ايه يا مهضووم .. مع السلامة .. بعدها بشوي دخلت علي وحدة ثانية يوم شفت خشتها قلت لها اطلعي برا انتي ووجهك عكرتي مزاجك .. وجه ذا ولا نعلة برا .. علطول سكرت الباب .. قمت الصبح وانا منتشي بشوفة القمر .. جاني مسيلمة قالي ما رأيك بالجارية .. قلت يا شيخ ممكن تعطيني اجازة مرضية .. قال خير ان شاء الله .. قلت لا خير بس أبي يعني اتوسع مع الجارية لبى قلبها ..وخلها تجيني الساعة 10 .. مسيلمة : لنشاطك الدؤوب موافق .. يالله فصخ اللي عليك ورح غرفتك .. وانا جالس استنى الساعة عشر ويوم جت وينفتح الباب الا وهي القمر الضاوي .. أول ما دخلت قلت : ألا يا حبي السامي لقيتك في اول ايامي تعال وجدد احلامي ترا قلب الهوى سهران .. ولعيونك يا رولا بصير سكران .. قالت ههههههههه .. قلت والله هذي الضحكة موب ضحة امي .. قلت اليوم بتنامين عندي ترا .. قامت وباستني وانا اللي طحت حسبت جتني جلطة زي ابوي .. لقيتها نايمة جنبي يوم قمت وشسمه ونمت انا بعد جنبها يعني ما استحيت .. ومرت الأيام والاشهر وكل شوي وانا اجازة .. يوم قمت الصبح خلاص قلت بباشر عمل الا واشوف مسيلمة يناظرني وقال : يا غبي هذه هي آخر ليلة لك على وجه التاريخ .. قلت ليه .. قال بنتي حامل قلت منهي .. وجابها لي الا وهي رولا قلت ذي بنتك والله احسبها الجارية .. بس الجارية شينة والعياذ منها .. ولطمني كف وانا اشوف السكين اللي بجيبه واخذه واطعنه 495 طعنة وكانت نهايته على يدي وبنته تصارخ وطلبت شرطة المنطقة واخذوني وحكموا علي اعدام بس قبلها اعمال شاقة شهر .. وكل اللي معي بالحبس يخافون مني حتى الشرطة تخاف مني ويخدموني .. وانا طالع الحمام كانوا شايليني اثنين من العساكر لما وصلوني ( الزنزانة ) .. وجاني واحد وحوله اربع رجال قلت من انت .. قال : انا ابو لهب وهذا ابو جهل وهؤلاء الحرس .. قلت والتبن والله .. الا يطبون علي هـ الأربعة ويفقعون وجهي ويخلونه كنه خريطة فـ لكثرة مشاكلي بالزنزانة نقلوني سجن الحريم .. ودخلت زنزانتي كل اللي فيها بنات شابات حلوات ودخلت وافصخ ملابسي كلها وكل الحريم تغطوا .. وارسم خريطة علشان اروح سجن الرجال واقتل أبو لهب وابو جهل والبودي جارد حقينهم ( سفــاح ) .. ورحت سجن الرجال ودخلت على ابو لهب وحقينهم من عند البيارات وهالوساخة .. لأن تفكير المجرمين اللي زيي يكون ما همنا لا وصاخة ولا شي أهم شي قتل في قتل .. وامسك السكين اللي طعنت فيه صديقي ( مسيلمة النصاب ) وادخل عليهم قال لي أبو لهب : تريد ان تُضربْ مرة أخرى يا حقير .. قلت اوريك واطعن الاربعة كلهم .. شافوني الضباط كلهم وكل اللي كانوا بالمخفر واطلقوا علي النار كلهم .. وسقطت أرضاً .. وكانت نهاية سفاح .. أو بالأصح نهاية مجرم عانى الكثير من أجل ان يعيش حياته بحريته الشخصية .. وكما يريد هو .. !! تمَّـــت .. .. - ما يستفاد من خشمي - 1- أي جارية تشوفها لا تروح لها الا انت عارف من هي بنته 2- ان عرفت ان موتك قرب ابدأ بقتل الناس واصبح اكبر سفاح .. 3- رسم الخرايط على الجسم شي جميل وللتجربة فـ المنازل سكر الستاير خخـ نايف