* هذا مكانه يابحر وأعرفه زين .. رغم البطا كنه هنا من .. / ثواني ! كنا هنا قبل نتفارق بعامين .. قبل المطر يجتاح وجه .. / المباني ! وينه غلاتي ؟ يابحر وينه اللحين ؟ .. مرك ؟ لمحته ؟ مانشد عن حناني ؟ بالله قول إنه هنا قبل يومين .. ودي أحس إنه هنا .. / مانساني ! حتى الكراسي تسألك يابحر وين ؟! من غيبته حتى الكراسي تعاني .. ! كنا هنا قدام وجهك محبين .. نرسم على سطحك كثير .. / الأماني ! شف يابحر علي جالك اثنين .. واليوم ماغير الدمع .. / والمواني ! دونه أشوف الزين بناظري شين .. وبسمه أنادي واحد ٍ من .. / اخواني ! وين السعادة .. ناسيتني من سنين .. مدري بعد هو مثل السعادة .. / نساني ! آه يابحر الدمع في محجر العين .. مقدر على ذكراه هزت .. / كياني ! مااقول يسوى في عيوني ملايين .. يسوى عيوني وماغلا في .. / زماني ! هو القمر في الأرض يمشي برجلين .. مافيه مثله يابحر شخص .. / ثاني ! شف يابحر ماهزني غير ثنتين .. فرقاه .. وميسم هالزمن .. / لاكواني ! لكن أمانة يابحر احفظ الدين.. لاجاك ثير الموج لهفه .. / عشاني ! قله غيابك عن حبيبك سكاكين .. ماهو حرام الذبح بانسان .. / فاني ! دايم يحن لموعدك يعرفه زين .. ودي بشوفه يابحر لو .. / ثوااني ! وبعد هالكلمات المتواضعة حبيت أقدم لكم صور لبعض مناظر الغروب .. وكودها تعجبكم يارب .. وياحبي للي رجعني للقسم مرة ثانية ، الله لا يحرمني منه قولوا امين ! ( pic 1 ) ( pic 2 ) ( pic 3 ) * مع تحيات مغليكم .. محمد ولا ابوفيصل اللي تبون ! !