بسم الله نبدأ .. حامي حامي
استعد يا ياسـر بالاحزمه الناسفه
*
*
يسعد مساءك يا ابو عمار ..
وتو ما نورت الشرقية بطلتك ..
واظلمت الرياض بمغادرتك
زي ما تقول انت يومك تروح للشرقية
تفقد ( نادي الهلال ) و تفقد ( زحمة الرياض ) ..
حنا كذلك .. نفقدك ونفقد الأودي حقك
والرياض بكبرها .. تفقدك
بدخل بالأسئله دوغري ..
السؤال الأول / ياسـر وش سالفة المصري اللي
كان يشتغل عندكم ايام زمان اللي قلت له
رح شب الضوء وقال يا ابني انا ما فهمت
الاولى علشان افهم الثانيه ههههههههههههه
نبي تقول لنا هالذكرى الجميله عليك .. !
.
.
السؤال الثاني .. / ياسر صراحه انا ودي احرجك شوي
ابي اكشف هل انت شاعر زي ما يتردد بوسائل الاعلام المقروءه
والمختلفه .. أو لا .. ما شاء الله عليك حتى مجلة شاعر المليون
ما سلمت منك .. وضعوك بمقارنة مع الشبرمي خخخخخ
فهذي قصيده متواضعه جدا ً كتبتها مشاعري المتواضعه
بعد ما شفتك تطلق صرخة الفرح بالفوز على الأتفاق
بكأس سيدي سلطان بن عبدالعزيز .. الجمعه الماضي .. 
ابي رايك فيها اولاُ 
يعني تخيل نفسك الدكتور غسان وانا مشارك قدامك ..
ونبي برضوووه نسمعها بصوتك بطريقة ألقاءك
^
^
في ليلة الجمعة بتشريف سلمان ..
بمساندة جميع الصفوف الغفيرة
الأزرق أعلنها على رؤس الاعيان ..
غير الهلال الكأس محدن يديرة
والكاسر اللي هدته طير حوران ..
خلا اتفاق الحلم بافضع بصيره
قناص .. حاسم .. بالمهارات فنان ..
تشهد له على فنه جموع ً كثيرة
أوعد جماهير السعد كأس سلطان
وافي بوعده نجم شبه الجزيرة
عم الفرح بالعاصمة والطرب زان ..
وخلوا له الأفراح نار ً سعيرة
غنوا على صوت الفرح كل الالحان ..
واللؤن الأزرق عارف ً وش مصيره
معالم الانجاز على مر الازمان ..
قصة هلال المجد فعلا ً جديرة
هذا الزعيم اللي سطع نجمه وبان ..
فوق العلوم العابرات المثيرة
ياما عزف فنه على كل ميدان ..
ورٌدد له الجمهور في كل ديرة
أهلالنا يختال في كل الاحيان ..
بقلوب عشاقه مكانه كبيرة
أنجازه الشامخ على كل عنوان ..
وتاريخه الحافل مبادي وسيرة
تاريخ ( يوسف والنعيمة ) بالاذهان ..
و ( الذيب سامي ) للنوايا سفيرة
واليوم جاءنا ( ياسر ) الحر كحيلان ..
وكمل التاريخ ببطولات ً وفيرة
هذا زعيم المجد والعز والشأن ..
الله من صدوف الليالي يجيرة
واختامها صلوا على نسل عدنان ..
محمد شفيع الخلق يوم السريرة
.
.
و و و بس ..
وفالك التوفيق انت وزملائك بهالمعكسر
وان شاء الله تجيبون الثلاث نقاط ونواصل
رحلة البحث عن التأهل للمونديال العالمي
للمره الخامسه بتاريخنا .. وتحت قيادتك
كاكبتن للمنتخب السعودي ..
.
.
*
*