وعليكم السلام والرحمه
هلا والله وغلا بـ صعنطوطه 
ياقلبي قلبك وأنا أقول وش فيها البنت ماعاد لها شوفه
أثره من أسلاك التليفون 
جبتيها على الجرح والله
ذكرتيني كنا إذا تزاعلنا طقينا برووس أصابعنا السبابه
وإذا تسامحنا نتسامح بأصابعنا الخنصر آآآآآآآآه ياذيك الأيام ليتها ترجع
زمن مافيه لا غيبه ولا حتى نفاق وزور
ياليته بس لو يرجع ونسترجع طفولتنا
صغارقلوبنا بيضا نعيش بعالم محصور
ولا نعرف ابد أغراب ماغير عيال حارتنا
حركات والله على قولة بيلسان
يالله على كلامك ذا قلت ذي داخله الثمانين مو العشرين
هونيها وعيشي وانبسطي وسوي ما بدالك إذا ماانبسطتي ألحين متى
بتنبسطين بالخمسين وإلا بالستين 
هذي نظرة المجتمع وش نسوي فيهم إذا عقليتهم كذا
لو أقولك شيء بتكفخيني عليه
هذا ياطويلة العمر والسلامه وحده نعرفها مزوجه كل بناتها على 15 و16
وألحين أصغر وحده عندها عمرها 18 وماجاء نصيبها وتقول عنست عندي ما أعرست 
18 وعانس أجل لو أنها أكبر وش بتقول
لا والله ما بعد دخلتها وعمري 17 وشهور بس والله ما حسبتهم كم شهر 
قلت لك ما دخلتها هالمره تعديتها 
ترا سألتلك بنات خالتي يقولون عادي ما فيه فرق بس فيها تكون
البنت مسؤوله عن كل شيء تسويه لآنها صارت أكثر نضج من سنوات المراهقه .
مرحلة المهاد أذكرها زين << مناك الله لايهينك
الصراحه أنا ماعشت غير الطفوله والمراهقه
وكل مرحله لها أسلوبها وحلاوتها
الطفوله ما أحد يحاسبك على شيء وماتهتمين انت بشيء
تعيشين كل يوم بيومه وماتفكرين بكره وهمه
أما المراهقه حلوه بس تتضايقين فيها شوي لأن فيها تبدأ التوجيهات
لاتسوين كذا سوي كذا خليكي عاقله ومن هالكلام
صعنطوطه
ونستيني بفضفضتك يامال العافيه