كوزمين .. مدرب ناجح .. وفكره ممتاز ..
ومايتحمل اي شيء .. وش ذنب كوزمين .. اذا هو يدرب .. ويحط الخطه المناسبه .. واللاعبين مع الأسف ..
يخذلونه .. وش ذنب كوزمين اذا لاعبين الهلال بعيدين كل البعد عن مستوياتهم .. وش ذنب كوزمين ..
اذا الاصابات اللعينه .. تنتقل من لاعب للاعب ..
كوزمين عقليه مميزه .. والكابتن ياسر .. قالها .. تفكير كوزمين يفوق تفكير اللاعب السعودي ..
وبعدين .. السبب الرئيسي .. في ظهور الهلال بهالمستوى السيء .. خاصه هنا في الرياض ..
هو الجمهور .. كيف تبغون اللاعبين يظهرون .. بمستوياتهم .. ويقاتلون بالملعب .. والجمهور .. مايحضر ..
والله لو الهلال يلعب بالأولمبي والجمهور يكون حاضر .. اللي مايعرف يلعب بيلعب .. زين وبيقدم كل اللي عنده
عشان هالجمهور .. مباراه أمس .. خطه كوزمين كانت ممتازه جدا .. لكن .. مع الأسف ..
لاعبين الهلال خذلوا .. المدرب .. وقبل كذا .. الجمهور خذل اللاعبين .. كنت اتمنى لو الجمهور كان حاضر ..
صدقوني الفريق بيلعب بأحسن مستوياته .. وبيقاتلون اللاعبين في الملعب .. عشان مايطلع هالجمهور خايب ..
لكن مع الأسف الجمهور خذل اللاعبين .. واللاعبين خذلوا المدرب ..
والمدرب مايتحمل ولا حتى جزء بسيط من المسؤوليه ..
وبالرغم من المستوى السيء اللي ظهر فيه اللاعبين ..
ياسر والتائب زادوا الطيب بلّه .. لما اخذوا البطاقات الصفراء اللي مع الأسف ماكان لها اي داعي ..
والمشكله انهم كلهم لاعبين محترفين وقائدين لمنتخباتهم .. ويعرفون انهم بيحرجون فريقهم في الملعب ..
لما اخذوا البطاقات الصفراء مع الأسف .. لكن العشم بالبدلاء .. ان شاء الله ..
واذا تبغون التأهل للنهائي .. احضروا للملعب .. وبأذن الله لاعبين الهلال ماراح يخذلونكم ..
واذا ماحضر الجمهور .. من الحين اقول مبروك للشباب التأهل .. لأنهم هم العامل الرئيسي بعد الله .. بتفوق الهلال ..