:
البارحه القلب يكتب ..
البارح القلب يكتب والسهر يقرا
والليل دفتر عجز يتحمل عتـابي
قلت انقض الجرح واجعل سيرته مسرى
مليت اروح بقصيد(ن) مابعد جاء بي !!
حنيت لك يالقصيد العذب وانت ادرى
ياأغلى وأجمل واعز واطهر احبابي
من غبت والناس كن نفوسها قشرا
ألطفهم اللي كســـر روحي وهلابي
يامرحبا وان لفيت وصادفك غدرا
عزاي بانك تميزني عن القــابي
الجرح يبرى لو ان الوقت ...مايبرى
شف وقتي اللي خذلني ويش سوى بي !!
والجاهل اللي يبينا نفترق وازرى
اللي قصر عن سماي يعود لترابي
أكتبك سيل(ن) يجي له فالورق مجرى
وليا كتبتك ...نبت فالطــرس غيّابي
تدري بلاش ...اكتبتك ...والناس ماتقرا
يكفيني انك اعز واطهر احبـابي
الضيق
الضيق ضيفٍ .. زارني مادعيتـه
................ يومه غمرني في وفـاه وغمرتـه
ان ماعمرت من اصدق الشعر بيته
................. ولاَ سكـت ولا غلطـت ودمرتـه
جرحي وله مني صبرت ورضيتـه
..................وحزنٍ ملى عينـي لعينـه ذخرتـه
الوقت تنقل هرجة النـاس صيتـه
...................وانا ماأشوف الا تـرزم غبرتـه !
ليته تجمل فـأول العمـر ليتـه ...
.................ان كان يمديني رضيـت وشكرتـه
كم قلت لي شيءٍ وانـا مابغيتـه !!
................وكم شيء ابيه ولا قويت وذكرته !!
الا غرامك لا سرحـت ولقيتـه...
.................في درب بالي دون ماأشعر نثرته ..
على الورق يمكن لو انـك قريتـه
.................تدري عن اللي في غيابك شعرتـه
جفني على جمر السهر كم حديتـه
...............وقلبي على رمضا الرجاء كم جبرته
واذا سهيـت ومـال دمـعٍ كنيتـه
.................صديت عنه وقبل الومه عذرتـه !!
كلٍ عرف جرحك وانا مـا حكيتـه
.................أخاف اقوله واعتبرني (هجرتـه)!!
خله بصدري كـل ماضقـت جيتـه
...................ولا متى ما جيـت فالبـال زرتـه
الى هنا ...قلي وش اللـي نسيتـه
.................عن حال حالي في غلاك وخبرتـه
الى هنا ...ماقلـت شـيءٍ بغيتـه
..................واللي عجزت ولا قويـت وذكرتـه
علمٍ يخايلنـي ....وانـا ماسقيتـه
.................اخاف يظهر ...ونتقاسم ثمرتـه !.
ياصاحبي
له يمكن أكثر من ســنه في مكـانه
والآصعب اكــــثر لو تركته وشانه
وأن طـــوّل اكثر …بأعتبرها خيانه
ان جــــاد صوتي قلت ماهوب أوانه!
حتى ملت صدري جروح الميــانه !!
على جروحي لكنالشعــــر أمانه
ويلقاني الضلع ان سعوا في طمــانه
واذا قراني نــــال قدر ومكــــانه
يكبر ويبقى طيـــــشه وعنفوانه
تدك صدري …بين جهـل ولعــانه!
وياكثرهم وقت الرخا والليــــانه
حملي على متني وحمـــله وزانه
والله يجنبني دروب الهوانــــــه
عندي كلام …و ودي أطلـــق عنانه
كلمه لها في صدري اليوم خـــانه
الا ظلالي ...يجرح الشـــمس شانه
اللي له أكثر من سنه في مكــــانه
غريب لكــن غربته عن زمـــانه !!
ياصاحبي واللي ورى ضــيقة البـــال
أزريت لآقوله …وهو صعـب ينــــقال
الصمت وافي ..لكـن المشكله طـــــال
الى متــــى وأنا على نفس هالحـــال
مليت اداري خــــطر النـــاس الأزوال
ياصــاحبي في ذمـــتي ودي أحــتال
القاه غير اذا تســــاون الاقــــوال
اذا كتبته أشعـــــر ان التعـــب زال
وانا التعب فيني من الجــال للجـــــال
هذي سنه ..وأنا مجاهيم الأ نـــــذال
ياقلهم وقت الشـــــدايد والأهـــوال
أطيبهم اللي لا غدت صــــلف وثقــال
الله يعـــدل ميلة الحـــال لا مـــال
ياصاحبي ...صـــبرك عليّ تـو مـازال
انا اذكر انـــي قلت ياطــيب الفـــال..
طــاح الشـجر ..ولا بقى حولي ظــلال
ياصاحــبي واللي ورى ضيــقة البـــال
الارض ضاقت وأنكرت وجه رجـــــال
البحرين
والله انك لو تـعــذر فـي مثــل ها ليوم عـار
وأنت تعرف وش كثر محتاج لك في هالنهار
وابـد كــل اللي يجول بخاطـري ســرا جهــار
قـول شيٍ في رضاهـا ماحصـل قبلك وصار
معـك امانـه لا تعــود الا بطعــم الانتصـار
حي فال البــــــــيرق اللي وقفته وقفة وقار
كل لونٍ غيــــــر ذاك اللون شافه ثم غــار
شامـخٍ خلى الجبال الشم في وضـع انكســار
صـــامتٍ لكن اذا جار الزمــن ينطق شـرار
أرضه اللي من رساوتها رست فوق البـحار
من غلا من شكر من اعجاب من حق الجوار
كل طيــرٍ حـب وجـه ترابـهـا ما عــــأد طار
والله انك فــي عيوني عــن مية مليـون دار
اعذرينـــي وانتي اكبر من حجم أي اعتـذار
لأجل ازيل بعيــدها وافراحــها طعــم المـرار
كيف ما فــرح لاهلها وقلوبــهـم مثل المحار
الكـــريم ابن الكـــريم الحر من نسل الحرار
الحليـــم اللي ليامنــه وقف للحــق نـار
هيبته هيبة سحــــاب وسيرته سيرة خضار
ياحمــد يابيت ضيفانك متي ما الضــيف زار
وانت الفـــرج للي عليه الوقت جاار
انت غيــــر ان عودت للغير يعني باختصار
وان حكت جغــــرافياء الارض حبتك الديار
سقتها لك من خيــارالناس.. للناس الخيار
عاد عيدك يالكبيــــر ابن الكبيــر ابن الكبار
العزا في قلــبك اكبر من حــجم أي اعــتـذار
لاني اعـــرف لو تعذر في مثل هاليوم عــار
لا عرف وش كثر انا محتاجله في هالنهـار
يا قصيدي لا تعــذر.. مـانت والله مـعــذور
لــو تبورا لناس كل الناس ما ظنك تبـور
هاك لك صدري بياض الطرس وضلوعي سطور
في رضا البحرين تكفى ياولد سبع البحــور
لا تــخيب هقــوتي مـــدام لك صــوتٍ جهــور
خـذ معـــك قلبي واذا منك تعديت الجســور
أحمرٍ لو تســــأل الالوان عن لونه تثور
أحمرٍ غير احمر الالوان وأسراب الزهـــور
ثــابـــتٍ من عزتـه مادار والدنيـــا تـــدور
يالله انك تحفظه والارض من كيـــد الشـرور
كل شبـــــرٍ في هذيك الارض له عندي شعـور
طيّبه من طيبهــا لا وقعت فيهــا الطيـور
دانــة الدنيا مــا أشـوفك دار لا والله دور
عاد عيدك ..عاد عيدك وان حصــل مني قصور
وان ملى صدري فرحها ليت لي عدة صـدور
كيف مافرح واسمها لا عدت الاسماء نــور
ليه مافرح وانتي اللي يحكمك صــقر الصقور
الشجاع الشهم ابو قلبٍ على الشـــده صبــور
المليك اللي نصــــاه الخير واخطــاه الغـرور
ياحــمد ياســـور شعبك لا بغاك الشعب سـور
ياحــمد وانت الدواء للجــرح ياجبر الكسـور
انت أصل الطيب دام الطيب له اصــل وجــذور
لو حكــى التاريــخ عن سيرتك حبتك العصور
عاد عيدك عاد من مسكٍ وعيدك من بخـور
عاد عيدك عاد من فرحه وعيدك من ســرور
عاد عيدك عاد عيدك وان حصل مني قصـور
في رضا البحرين جبت الشعر من سبع البحور
لـو تـبـور الناس كــل الناس ماظنه يـبـور
: