يــا هلا <= ما عندها وقت * 1- بعــز الشتـا والبرد واعتقد الكل حس بموجه البرد اللي جاتنا انها موب طبيعيه ابد وكيف جمدتنا وفي بعض المناطق ذبحتنا المهم.. وحنــا واقفين في الاشاره حيث كانت الاشاره حمرا==>بشري امك مانشوف الاواحد يطلع بكبره يطلع من فتحه السياره اللي فوق ويصب على نفسه مويه بارده ونصها ثلج.. وقسم اني بس شفت الموقف جمدت من البرد اجل كيف هو!!! س1/الحكــمه من ذه التصرفــ ؟!! يلفت انظر النـاس لا اكثر ولا اقل س2/اللـي يسوي مثل كذا عـاقل؟!! عـاقل يستهبــل * * 2-في المستشفى وفي غرفه الانتظار كان في كرسيين فاضيين ووحده جالسه بالوسط يعني صار بيني وبين اختي وحده طبعا ذي الوحده اللي جنبي لااعرفها ولاتعرفني بس قامت تسولف معي شوي..وبعد شوي الااختي تكلمني انا ماسمعت اختي زين..قلت لها ايش تقولي؟! الاالبنت تقول لي:اختك تقول عندك مسج قمت عطيت اختي جوالي عشان تختار مسج وبعد شوي عطت اختي البنت الجوال عشان ترجعه علي الاالبنت مسكت جوالي وربي ماخلت شي اللي راحت له الاستيديو... الصندوق الوارد.. الرسائل المرسله.. وطبعا اني في ذي اللحظـه كنت اغللللللللي شوي وبنفجر بس بنفس الوقت مانيب عارفه كيف اتصرف اقول لها لاتحوسين بجوالي..استحي وبعد ماخلصت تفتيش وحوسه بكل برود تسأل وش نوع جوالــك؟! حرقه دمي من قلللللللب س1/الميانه هل تسمح للكل يقطها معــك؟! لا مو للكــل ع حسب المعرفة والعلاقة س2/متى تقط الميانه؟! اذا حسيت مكانتي عندهـ س3/هل ترضى احد يفتش بجوالك؟!ومين اللي تخليه يفتش بجوالك؟! لا ما أرضى احد يفتشــه شيء خاص فيني // أمـي بس مو كل شيء تشوفه ع طاري الميانة // ايام الاختبارت في الكلية وحدة معاي ف القاعة يعني ما بيني وبينها اي كلام قالت لي بأروح معاك وصليني البيت قلت لها اوكي عاد كلمت السواق يجيني والسواق تآخر شوي شوي تصارخ تقول دقي عليه خليه يجي ما فيني استني <= خير ان شاء الله انا بس جالسة افكر وشلون لو كان ابوي بيجي لي ولا اخوي يعني لهالدرجة تمون * * 3-في احـدى المجمعات وكنت واقفه اطلب لي عشا وانا جالسه اطلب جاني ولد تقريبا عمره11_13سنه مايتكلم قام يأشر لي انه يبي اطلب له عشان يمشي بسرعه كسر خاطري وقمت طلبت له.. وبعد مااستلم الطلب.. . . . . الايقــول لي مشكوره مره ماقصرتي س1/تصرف الولد ذه يدل على/ذكائه_نذالته..الخ؟! مدري عنــه س2/تفكرون انكم تسوون مثل هالتصرف؟! الحمدلله والشكر لا اكيــد * * حمــلات التطعيم اعتقد الكل شاف هالسنه حمله التطعيم اللي صارت وحنا بدورنا كل سنه يذلفونا لازم ان نشارك بحملات التطعيم ونطعم البنات والحين وانا جالسه اطعم ماقد مرت وحده ماحرقت دمي كل وحده ترفع الضغط اكثر من الثانيه بس اقرب الابرة تجلس تناقز وتطامر والثانيه تقولون مطارده معها واللي سوت هوشه ماتبي تطعم هي حلفت يمين ان هي موب متطعه وحنا نحلف من جهه غصبن عليها تتطعم ==>بالله وش الحكم هنا كل ذه خوف من ابره صغيره..بس اللي يعصب انهم بنات ثانوي لو كانو ابتدائي بنعذرهم تصدقون قاموا يبكون لنا كل وحده دموعها اربع اربع نهدي فيهم نقول لمصلحتكم يابنات تراها ماتعور لكن لاحياه لمن تنادي.. هل تخافون من الابرة؟!وكم نسبه خوفك منها؟! ايــه اخاف منهـا مووووت قبل يومين رحت مع اختي جلست انا اصارخ بدالها س2/مواقفكم في المدرسه اثناء حملات التطعيم؟! دمووووع بس س2/مواقف نص كم صادفتها بحياتك ما فيني افكر س3/حركه نص كم قد سويتها بعد ما فيني افكر اول مرة ارد بدون تفكير عوافي يــارااا
: اللهم لك الحمد كما ينبغي لَـ : جلال وجهك وَ عظيم سلطآنك :