,
السؤال اللي واقف بيني وبين المواجع ..
ليه راجـع .. !؟
ومن قبل مديت لك يديني .. جرحتني ..
صرخت ارجع حبيبي .. تركتني ..
بكيت لك دم عيني .. رفضتني ..
انكسرت أشياء بقلبي .. خذلتني ..
ليه راجع .. بعد ما قلبي تعود عالموادع ؟!
وصارت غيبتك .. ما تهزني ..
ما تحرّك .. شي فيني ..
ما تبكيني .. ما تسهرني ..
وما عدت إنتَ .. تهمني .. !
ليه راجع .. والحزن شيّد بداخلي مجامع ؟!
خذاني لأبعد حدود الألم .. وأوجعني ..
نهى الفرح من حياتي .. وكسرني ..
قبض روح الطفولة .. ودمرني ..
وطى كرامة الأنوثة .. وشتتني ..
ليه راجع .. بعد ما سدّيت عني المسامع .. ؟!
همست لكْ لا تخليني .. خليتني ..
قلت لكْ خلّك جنبي .. بعّدتني ..
أزعجت العالم بـ نبضي .. سكّتني ..
اتصلت فيكْ بـ شوق .. تجاهلتني ..
ليه راجع .. ليه راجع .. ليه راجع .. !
ما أبيك .. أبيني ..
ما أبكيك .. أبكيني ..
ما أرفعك .. أرفعني ..
ما أحتاجك .. أحتاجني ..
,