مرحبا بالجميع...


في إجازة الصيف الماضيه انفتحت مواضيع عن وش مخططين تسوون بالصيفيه..


ولما قربت هذي الإجازه..نفس الحكايه صارت..


كثيير أحلام ومخططات..إذا جت الإجازه بسوي...إذا جت الإجازه بفعل..


وتنتهي الإجازه ماسوينا ربع اللي خططنا له..إلا من رحم ربي..


أنا عندي فكره في بالي...

وأرجو الجميع يقول رأيه..

فيه ناس يبيلهم من يلحق وراهم..عشان ترتفع هممهم...

ويكملون المشوار..

فكرتي كالتالي..

الي يجد نفسه من هالنوع يحتاج نوعا ما دفعه أو تشجيع...

يحط مخططه لهالإجازه..نساعد بعض في التخطيط وتقسيم الوقت...

ويصير فيه متابعه (يوميه أو أسبوعيه) حسب رغبة الشخص نفسه..

عشان أوضح لكم فكرتي...بضرب لكم مثال..

شخص خطط إنه يحفظ 4 أجزاء من القرآن..نتفق على تقسيم معين..

مثلا وجه واحد في اليوم..

يصير كل يوم يدخل يقول لنا خلصت وجه...أو مثلا نص وجه وبكمل الباقي الساعه كذا..

وإذا تأخر في الحفظ مثلا...يلزم نفسه بالتعويض..فيحفظ الجزء اللي كان مطالبه فيه اليوم السابق..بالإضافه إلى الجزء المقرر اليوم عليه..

وهذا ينطبق على جميع الأنشطه..(حفظ-قراءة كتاب- كتابة كذا موضوع)وبحسب رغبة الشخص يكون مقدرا المتابعه(يومي-شبه يومي-أسبوعي)...

أتمنى فكرتي وصلت...
منقول