×
.. قـبل البداية ..
][ عـذوب ][
هي طفلة دوت صرخاتها لتعلن موعد قدومها للدنيا .. وقد كانت كفيلة لتعيد البسمة لأم عبد المجيد ولأبو عبد المجيد ولخالها حـمد .. صاحب مسماها العجيب الذي أضفى لروعتها روعه .. ولعذوبتها عذوب ..
حمد: الحمد لله على سلامتك يا أم عذوب
أم عبد المجيد : هههههههههههههه خلاص سميتها وخلصت
أبو عبدالمجيد: من أول ما عرف إنها بنت قال تراك مواعدني اني أنا بسميها ..
أم عبد المجيد: الحمد لله الإسم روعه وإلا كان صارت علوم..
حمد : نعم نعم وإلا عندك نية تعارضين.!
أم عبد المجيد : لا وأنا أقدر أرفض لك طلب ..
أبو عبدالمجيد: أيوه بدينا بحركات الخيانه
حمد: لا تسوي تغار لا أرقدك جنب حرمتك ..
أبو عبدالمجيد: أفأ والله وطال لسانك يا حميد ..
أم عبدالمجيد: عن الهذره الي مالها داعي عبودي شخبارهـ عسى ما أزعج خالته
حمد : لا أبشرك طيب صح انه هبل في خالته بس عادي خاله ببلاش
أبو عبدالمجيد: أي والله صادق ..
أم عبدالمجيد: بس تكفى حمدانتبه له هو يسمع كلامك ..
حمد: أبشري يا أم عذوب من عيوني ..
×
حوار دار قبل 20 سنه في موعد قدومها ..
حمد الأخ الوحيد والأصغر لأخواته الأربع
وهم نوره .. عزيزه .. جواهر .. منيرهـ ..
بعد وفاة أمه وأبوه طلبته أخته منيره يسكن عندها بالبيت ووفرت له مكان عباره عن غرفة نوم وصالة صغيره بدورة مياه .. خصوصاً انها محرومه من العيال وزوج منيره ماعارض وبالعكس رحب فيه ولأن حمد كان وقتها صغير بالسن كان عمره 8سنوات وما كان عنده احد يرعاه .. وبعد ما سكن عندها استبشرت منيره بمولدها الأول الي سمته عبد المجيد .. وجلست بعده أربع سنوات ورزقت بإبنتها عذوب .. الي كانت عيون حمد برغم ان خواته كان عندهم بنات بعمر عذوب إلى ان قربه منها خلى عذوب تتميز عن الباقين ..!
×
إذاً عـذوب هي المحور .. إذاً عذوب هي روح سكنت بقلب حمد وأصبحت مدللته وابنته والقلب الذي يحويه بكل حين ..!
هي تلك الفتاة المكتملة الجمال .. تسحر الجميع برقتها وعذوبت انفاسها ..
×
