هلا هلا زياد ..
يالله حيه .. الحين انت في ثالث وكاتب موضوع ياكبرها <- بعقدك زيادهـ ..
تصدق عاد اني اتمنى ارجع لمدرستي .. واتمنى ارجع للاختبارات والقلق ..
وبتذكر كلامي اذا دخلت الجامعه المخيسه ..
يعني استمتع بالمدرسه باقي الايام والفصل الجاي ..
.
.
نخش في الاسئــله ..
اول انا كنت ما اعرف اغش واخاف ربي ووشسمه وما احب اغش ابد
بس يوم جينا لثالث ثانوي .. فصلنا كله خرب
المهم اقول لك موقف لي انا وصديقتي جنب بعض ..
عندنا مدرسه الله يذكرها بالخير حبيبه على سبهه على نياااتها ..
المهم اناظر صديقتي واقول لها السؤال اللي ماعرفته ..
تجيب قرطاسه حقت العلك وتكتب فيها وتعطينيها من تحت .. ياجرئها ذيك البنت ..
انا كنت اتنافض بس وشسمه الحاجه وماتسوي
..
انا ما احب التاريخ ... وقسم ما احبه ابد
ومره ماحفظت تواريخ المعارك ومتى ذا انولد ومتى ما انولد ومتى تولى الحكم ..
عاد انتم تعرفون التاريخ الوع
المهم اخذت الكتاب وكتبت كل التواريخ على الطاوله .. وتتسلط علينا ذاك اليوم
المدرسه وتدور على الطاولات وانا اللي يتغير وجهي
وذيك الاستاذه شديده اشدد شي ..
وما احبها ابد
وتقول انتي انتي تتغشين .. ماهقيتها منتس ..
المهم الاختبار ذاك عادته لي خمس مرات وفي الاخير جبت العشره مابغيت
..
صديقتي مره في قاعة الامتحان جالسه وخايفه مره من الاختبار
المهم تجي اللي وراها تسأل ..
كان عليهم ادب .. وتسأل سؤال في الحديث
واختبصت المعلومات عندها .. قالت لها وش تبين انتي
مير صديقتي تموت ضحك قالت اليوم علينا فقه ..
ماصدقت وتسأل كل البنات و القاعه كلها ضحك ..
عاد مدري وش صار لها
تاريخ ياقلب العنــا ..
تاريخ وش ذنبي انا ..
ومكتـــبه ..
اي معجنات اي بصل .. اروح اخم اقرب مخده
حديث + فقــه ..
موضوعك طويل تعبت وانا ارد
ابد بس كنت بقول ان المدرسه حلوه ولو فيها تعب راح تشتاق لها .. وللمــدرسات
والهبال والرجــه
والله يوفقكم ياحقين ثالث وتجيبون نسبــه حلوهـ ..
ويعدي الاختبارات على خيــر ..
.
.
بالتوفيق زيــاد ../