*متى أخر مرة قبلت أمك؟؟
والله يوم أمي رجعت من الحج
*لماذا حين نكبر نبتعدعن حضنها.؟؟
بالعكس أحنا مو اللي نبتعد
هم اللي ماعودونا
مجرد ماندخل المراهقه ..
معناها خلاص كبرت .
موقف اثر فيك لام شاهدتها .؟؟
مشاهداتي لأمي تكفي ...
تأثر فيني المواقف اللي تسويها
اذا مرضت تسهر ماتنام
ماتتغدى إلا لما أجي من الدوام
تسهل علي أموري
تشيل همومي قبل أشيلها
ويكفي دعواتها
والله الكلام قليل بحق الأم ..
اللي تسويها أمي وأمك وأمهاتنا كلنا
أنجاز بحد ذاتها ..
موقف حصل لك مع والدتك .؟؟
موقفي هذا ماراح أنساه .
انا قبل شهور جتني فتره كرهت العالم
والدنيا ضاقت علي , ماأدري وش صار فيني .
أبتعدت عن الأهل شهر , بس قاعده في غرفتي .
ماني قادره أنزل وأكلمهم أو أسولف معهم وأجلس معهم .
والله ماأكذب لو أقولك حتى السهر مع أخواتي كرهته .
وحتى أعتزلت الناس ماصرت اطلع لأقاربنا ولا الملاهي .
أمي شكت أني حالتي مو طبيعيه .
قلبت عليها 180 درجه.
قبل كنت أجلس معها وأسولف
خصوصاً الضحى يوم الخميس على القهوه .
صرت ماكأني أعرفهم .
وللأمانه أمي مو مقصره علينا بشيء
وأمي ماصبرت .. على هالتغير ,
خذت أختي وراحت للشيخ
قالت : بنتي ماتحبني
تخيلي .. .. ..
وش كان تأثير الكلام علي يوم وصلني من أختي .
بعدها تبت لو عندي مليون سبب
ماأتخلى عن أمي ولا عائلتي
لأنهم سندي الوحيد في هالدنيا .
...
أختي ريميه نجد 
شكراً لما خطه قلمك الرائع .
وجميل أن نلخص تجاربنا ومشاهداتنا للأخرين ..
سلمتي دائماً .
أختك / جاكلين . CC
وعذراً اذا كانت أجوبتي خارجه عن الطفوله ..
لأني ماني فاهمه إي فئه عمريه تقصدين .
...