السلام عليكم ورحمة الله وبركاته وبعد .. مساكم الله بالخير وصبحكم الله بالخير وبعد .. بشروني عنكم ؟ ؟ وبعد .. ابشركم انا بخير <-- قل قا الموهم نسوي حركة ذولاك المثقفين ..:: مـدخـل ::.. الاختلاف في الود لا يفسد لرأي قضيه << يقولون لي دايم انت مثقف نبدا نقاشنا بمواضيع كثيره جدا لا والله وجهي اوب وجه نقاش نبدا سواليفنا بلغه عربيه فصحى بحتة عندما تتصافق المواضيع في رأسك وتحتآر عن مآذا تكتب عن البرد ولا عن الواسطه ولا عن ارتفاع الاسعار ولا عن الفن الهابط ولا عن الفن المنحرف شايفين مواضيع كثيره ولاكن نتناولها موضوع موضوع لكي نسوي نقاش حلو وكويس بحته << ماهوب فاهم بحتة غلط اول شي عن البرد عندما تشرق الشمس بعد أذان الفجر << قل قا وتسمع زقزقة العصفورات و هدير المحركات و صياح الامهات على ابنائهم الطالبات << اهم شي الوزن فاعرف ان الشمس طلعت وان الصبح جا و صلاة الفجر قضت وراحت عليك نومه فأذا بك تقوم من على سريرك وانت لابس دولابك من شدة البرد فتقوم لتسرح الى دوامك او الى جامعتك فإذا برجليك تتراعد بردا وتشهق تيبسا فأعلم انك في الشتا وماهوب اي شتا في الشتا الشتا << مايدل الباب الموهم تروح جامعتك وانت ميتن برد ويمكن تموت وانت ميت برد المهم بالله مانستاهل اجازة بسبب البرد اللي مايعرف يمزح زين اسئله للنقاش سـ1\ هل تعاني من البرد القارس ولا عادي ماتفرق معك ؟؟ سـ 2 \ انت معاي بأن يعطونا اجازه بسبب البرد اللي يشق الوجه ؟؟ سـ 3 \ قولتك الشتا اللي بيجي ابرد من الشتا اللي احنا فيه ؟؟ سـ 4\ في الصباح ماتحس انك في موسكو ؟؟ نجي للواسطه اللي اخونا فهد التمياط ناقشها بس ودي اهدر شوي واتفلفس تقولون الواسطه ماهيب زينه ومدري وشو لا الواسطه انا اقف معها موقف محايد << كيف طلعت مني الموهم الحين ابوك لامن جابك وصرف عليك بالله علشان تجلس مرتز في البيت ولا عشان تصير رجال وتفلح مع الرجاجيل طيب انت داج وماجبت نسبه ايش يسوي لك يخليك مرتز قدام وجهه لا والله انه ليستخدم معارفه و من يعز عليه علشان تصير رجال وتفلح مع الرجال ياللي وايشسمه ياخايس ياللي ..... << لا عاد تتحمس طيب ممكن هنا تكون الواسطه شي مفيد بس الحين صارت تستخدم بشكل مايرضي الله ولا رسوله يعني واحدن يمشي ودعس على منديل وجرحه المنديل في رجله و هو معاه واسطه يروح المستشفى ويطلعون واحدن معاه كومة بزران وهو بين الحياة والموت بس علشان يعالجون رجلك ياقلبي لا والله اذا كان فيه احدن بيستخدمها كذا الله لا كان بها للمناقشه سؤال واحد بس سـ1 \ انت مع ولا ضد الواسطه؟؟ وليش ؟؟ ارتفاع الاسعار اول شي بالله احدن راضي عن اللي يصير الحين وقسم صرنا زي اندونيسيا وطقتها الحليب النيدو ذا صك السبعين واللبن اللي كان بأربع ريال صار بسبعة ريال طيب افرض ان واحدن راتبه مايتعدى الخمسه آلاف ومعاه كومة بزران بالله وشلون يصرف عليهم واللي اعجبني في الهرجه حقت الاسعار كلها كلام مواطن يوم جات قناة الاخباريه تسأله وايش تفطر ؟؟ فكان رده انا افطر الحين جبن وشاهي والسنه الجايه اظن بنصير نتغدى جبن وشاهي اللهم لك الحمد على كل حال للمناقشه:: سـ1\ راضي عن الارتفاع في الاسعار ؟؟ سـ2\انت مع المقاطعين للاجبان ?? الفن الهابط بوس الواوا شوف الواوا يصير الواوا بح مدري اح بالله وين الفن هنا ماحد سمع عزازي يوم يقول صدقني اكرهك واكره من يطرونك واكره طريقن تجيه رجليك وتدوسه ياخي هنا تحس انك تنطرب اوب يوم تجيك الست هيفا ولا نانسي بنت عجرم وتتمايل بجسمها الافعواني << لا يكثر صدقوني ماعاد به فن .. غنآء من اجل الماده فقط بالله شغل هيفا واسمع حقت الواوا ذي ومن ثمن شغل عبادي الجوهر - ماعلى الدنيا عتب ياخي تحس انك حقير بمجرد انك سمعت لهيفا يعني الواحد لو يتكلم من اليوم لبكره عن فننا العربي الحديث ماقضى لان ماهوب فن بل اقرب الى الدعاره والعياذ بالله للمناقشه سـ1\رأيك في بوس الواوا ؟ ورأيك في ماعلى الدنيا عتب ؟ سـ2\ تسمي المصخره اللي احنا فيها فن ؟؟ سـ3\ لو كلفوك تشيل فنان من الساحه الفنيه من تشيل ؟؟ << لا عاد عمرك تسأل سـ 4\ ماقلت ياكثر هرجك ياعزوز ؟؟ مع خالص محبتي وتقديري وامتناني وعرفاني و اخلاصي لكم << كل الكلام اللي اعرفه منتدى القنآص وهل احب سواك