أقتباسلذلـك: أقتباس لكـم أنتــم : الأغلبيه هنا طلاب جامعييـن أو خريجيجامعات.. هنا أنثـر معاناه الطالب الجامعــي لعل يكون لنـاالصوت المسمــوع..! هنا طالب بما ينقصك لأجل أن يتهيأ لكالجو المناسب! الرجاء النقاش هو المطلــوب! أريد أن نناقش المعاناه أو الحاله السيئهلما وصل له التعليـم العالي في المملكه..! : . . هلا والله بحلاها .. يعني على بالك احد بيسمعك .. شوفي اذا صرت عميدة سعود بارجع لموضوعك ان شاء الله .. بس انا بشاركك في الاحساس .. رغم اني الحمدلله الحين اتذكر المواقف واضحك .. اول شئ الاعتذار .. صراحه بقسمنا وبكليتنا بشكل عام .. فيه احترام للطالبات .. واذا الدكتورة مقرره تغيب تعلمنا قبل .. مرات كثيره بعد يرسلون لنا مسجات واحنا نعمم على الشعبه .. طبعا فيه ناس يقهرون .. ونوصل ونلقى الورقه ياحسافه القومه بس .. غير ان بعض البنات ما عندهم احد يطلعهم فيقعدون لين ما يفتح الباب 11ونص .. انا والله يضيق صدري بس وش اسوي انطق يعني فاكلم ابوي يجي ويطلعني الله يمده بالصحه والعافيه يا كثر ما تعبته.. طلعت نقطه سلبيه من كلامي وهي منع الخروج مع السواق لين ما يفتح الباب حتى لو جدولك خالص من بدري .. بالنسبة للتصحيح وما التصحيح .. باللي واجهوني الحمدلله كلهم يصححون .. الا اذكر استاذ مصري الله يسامحه .. من اول الترم وانا اصيح الين اخره .. في محاضرته انواع الرعب اغمض عيوني اذا طلع ع الشاشه .. المهم دخلت المد الاول وحليت مدري وش صار .. الثاني نفس الشئ .. دخلنا النهائي ما معنا معدلات فصليه اصلا .. موب ما صحح وبس ما عطانا درجات .. النهائي اسألة من مواد سابقه يعني من خلفيتك المحاسبية .. طبعا اول مره في حياتي اغش واصلا غشيت ولا ما غشيت كله واحد .. لان كل البنات ما يعرفون الحل .. اذكر جتني المراقبه وتناظر فقره قالت صح عليك .. انا طارت عيوني خير تغششني المراقبه .. قلت مين حال مثلي قالت فلانه قلت لا الله لا يهينك روحي لذيك وجيبي لي وش هي كاتبه .. بس طلعنا من الامتحان ولا وحده تدري وش مصيرها .. يمكن اجيب A و يمكن اجيب F بس الحمدلله اهم شئ نجحنا وعدينا .. بالنسبة للبحوث .. مره استاذه حبيبه مره احبها وتحبني .. قالت روحوا للمكتبه سوا بحث ورقه وحده .. وتعطينا بونس كانت تبينا بس نزور المكتبه .. رحت اسلم البحث وانا امشي وراها الا ترمي الاوراق في الزباله الله يكرمك .. رحت اسملها قالت خلاص خذيه قلت لا والله ان تشوفينه .. قالت تسوين شئ موب زين روحي خلاص البونس جاك .. من خلال دراستي وخبرتي يعني .. <- اغلب الاجانب هم اللي ما يصححون .. ولا السعوديات فيهم خير والله صح يحطونها اختياري بس تصححها بذمه .. المشكله في ضعف الرقابه وان الطالب ما يعطى حريه في الكلام .. يعني لو تجين تشتكين استاذه ممكن تتقعد لك وترسبك ويالله خلي احد يقول ليش .. الجامعه فيها سلبيات كثيره .. ومع ذلك الحمدلله احنا افضل من غيرنا .. وما انكر ان فيها مميزات انا عشتها افضل بكثير من المدارس .. اضافه الى نخبه من الاستاذات اللي ينحطون ع الجرح بيرى .. الله يكثر من امثالهم .. حلاها الله يوفقك ويسهل امرك والجميع .. هونيها وتهون كثره الانقادات والتذمر تتعبك ..