السلام عليكم ورحمة الله وبركاته ناقتي يناقــتي لارباع ولاســديـس ... وصليني المجلس العام من وراء هاك المنتديات ناقةٍ حولا ومن بعيد تحسبها تثمال رمسيس .... كن كراعها لا درهمـت كراع عنزٍ محسحس اكيد قاعدين تصفقوووون بحرارة ... الله لايهينكم الله لايهينكم الله لايهينكم تراني حلفت محد يقووم << مسوي الفراعنه ابطال الرواية ..!! زينب .. فتاة شق تسدح الطير من قوة جمالها خشمها كنه حد سيف عيونها ناعسه <-- انشهد ذي شايفها بعيني >>> والباقي مشفر بوقف قبل اجيب العيد شيء ثاااني تحب الوناااسة والهسترة نانسي : اخت زينب واصغر منها.. بس سبحانه خلق ثم فرّق غرّب بالزين وشرّق يعني شينه اللهم لاشماته الخشم كنه مكرفون والاذان السماعات الزبدة ازين مافيها انها سمية بنت ال عجرم بس على عكس اختها ملتزمة ومحافظة ..!! شليويح : شاب مهايطي مطفر شبهه وجهه كنه اللوحه هذيك ( 5،5م )اللي تجي معلقه على الجسور في البيت : زينب : يمممممممه ابروح لم خويتي شوق بذاكر عندها .. الام ( مسكينه مغلوب على امرها يعني لاتهش ولاتنش ) .. لا يابنيتي اقعدي ذاكري مع اختك نانسي ..!! زينب : بالله هذا وجه يفتح نفس للمذاكره عشان اقابله <--- نعنبوها تزبد نانسي تحط الريموت وتطلع ساكته من الصاله لغرفتها لتروّح عن نفسها بالبكاء من اختها اللي كل ماشافتها قعدت تذب عليها الام : وجع يوجعك وش هالكلام طسي باللي مايحفظك راحت يم خويتها شوق ( شوق هذي على علاقة هاتفية بـ خوي شليويح .. صويلح ) وصويلح يعطيها من الارانب مايبخل عليها وقعدت عندها بلا مذاكرة بلا هم وتجلس تسولف لها عن حبيبها صويلح وانه يملك يخت في روما وان الرئيس الفرنسي بيته اللي في باريس مستأجره من ابو صويلح وزينب مفهية وتقول لها بيوديني اذا تزوجنا كل دول العالم حتى طائره ابوه الخااصه ملبقينها بالكراج متى مايبي يدعس دقها سلف وحرّك زينب: وااااااااااو ياحظظظظك ياليت يكون عندي حبيب زيه شوق : لا زي لؤي ماتحصلين ..!! <--- صويلح الفقاش قايلها اسمه لؤي رجعت زينب لبيتهم وهي تفكر في كلام شوق وانها بتتزوج مطخطخ ويمووت فيها وتقول في نفسها آآآخ لو القى لي زي لؤي شوق كان يكلمها صويلح وعلمته عن خويتها زينب وانها تبحث شخص يهتم ويحس فيها قال بس عطيني رقمها ... خويي اليوم جاي من لندن وبعد يبي وحده تهتم فيه ( يقصد شليويح ) و شليويح وقتها بالصناعية الددسن خبطت مكينته ويبي له 1000 ريال توظيب وهو مطفر راس ماله 20 ريال ويمكن اقل بعد قالت شوق اوكي بعطيك رقمها بس لاتعلم اني عطيتك الرقم لأنها يمكن ترفض ان حد يكلمها وهي ماتعرفه او ماتكون واثقة فيه ..!! قال اوكي ولايهمك ماراح يجيب سيرتك ابد ..!! راح صويلح لم شليويح وعلمه بالسالفه وانه بيعرفه على بنت .. شليويح عاد توه جاي من الصناعية مليان زيت وحالته حاله وثوبه لو يشمه قطو خر مصروعا وهو يناظر في صويلح ويطلع مفتاح 14 من جيبه ناسية من الصناعية بمخباته ويفلق صويلح من قوة الونااسه ..!! المهم قال شليويح: بس كيف اشبك معها مااعرف اتكلم لاسمعت صوت بنت احس بقشعريرة خخخخخ ولساني يتحنط قال صويلح عاد صويلح خبرة في البنات خش بعينها وخلك ثقه لاتهمك وبتخق معك عطاه الرقم : بالليل شليويح يتصل اول مرة ماردت ثاني مرة رفعت السماعه زينب : الو .... شليويح : ساكت زينب : الووووووو شليويح : احبـــــك >> << الولد صريح من اولها خخخخخخخخخ زينب : حبتك القرااادة ياحقير ... طووووط طوووط << صوت القطار قفلت بوجهه تحطم شليويح وايقن انه مهوب وجه بنات زينب : كان فيه شيء في نفسها يقولها حراام عليك ليه تقفلين بوجهه يمكن الرجال مقصده شريف او يمكن ... او يمكن .... المهم ابليس يلعب في راسها ويقولها ردي عليه ماراح تخسرين شيء انتي ببيت اهلك وهو في بيته ووسعي صدرك معه سواليف وفله بس <<< نعنبوه ابليس ملعون جد يبي يدشر البنت اليوم الثاني راح شليويح لم صويلح وقاله بالقصه صويلح تربع وطق صدره وقال انت يالزلابه ماتعرف تشبك بنات هات اوريك قال صويلح اذا شبكتها لي بعشيك اليوم على حسابي ..!! قعد صويلح يفكر وتذكر كلام شوق ان البنت تحب الضحك والوناسه قال بس شف بنسوي فيها حركة منسمين وبكذا بتشبك معنا ..!! اتصل عليها صويلح : الو زينب : الو ...... صويلح : خالد موجود ؟؟؟ ... زينب : لا غلطان .... صويلح : طيب اسف باي ..!! قفل الخط صويلح شليويح قام ويخنقه والله انك زلابه هذي حركتك انت وجهك قال صويلح لا . الحين بتبدا الخطة قال : وش .... قال صويلح طلع جوالك ودق عليها ..!! واذا ردت عليك بعد ماتسلم قلها : قلها انا خالد فيه احد اتصل يبيني قبل شوي >>> اتصل شليويح والبنت اول ماقالها هالكلام وهي تموت ضحك وشبك معها شليويح وفي رواية خالد وبدا يعطيها الارانب وهي خاقه معه وصدقت انه يحبها وتعلقت فيه وبدت تشوفه فارس احلامها المنتظر وهو يقولها انه ماراح يعلم احد بالله يصير بينهم والكلام اللي يقولونه وانه لو درت جبال طويق مادروا الناس عن علاقتهم وهو في الليل اذا رااح عند الشله كب عشاها كله المهم نانسي كانت عندها في الغرفة واستغربت من تغير اختها وتشوفها اغلب وقتها ماسكة الجوال حاولت ان تنصحها مالقت منها الا ذبات اليييمه على خشمها ..!! وفي يوم قالها شليويح : ابي اقابلك ياقلبو << مهوب عاقل شليويح رومنسي في البداية رفضت البنت قطعيا ولكن مع المحاولات بدت توافق وخصوصا انه بس بيقعد معها في مطعم بس عشان يشوفها اذا عحبته يجي يخطبها حسب كلامه << اشوا انها اذا شافته هي اللي بتبطل ..!! وافقت زينب انها تطلع وتقابله : وراحت لأمها ولقت عندها وحدة من قرايبهم قاعده عندها تبي تخطب لولدها في زينب .. قال يمه بروح لم خويتي بذاكر عندها قالت امها لا اجلسي وبعدين وين اختك نانسي ؟؟ قالت ... بغرفتها قاعدة تقرا قرآن << يالبى قلبها نانسي مع انها قصه بس اني احس حبيتها المهم طلعت زينب ماطقت لأمها خبر ..!! ايضا الحرمة اللي كانت جاية عشان تخطب لولدها طلعت بعدها على طول لأنها ماعجبها وضع البنت وقالت بجي مره ثانيه ان شاء الله وقد بدا قلبها ينشرح لنانسي بعد ماقلت انها تقرا قران في غرفتها ..!! ..!! يــســــتــــكـــمـــــل :