السلام عليكم ورحمة الله وبركاته
أطرح لكم هذا الموضوع وهو عبارة عن مقالب اعتمدت عليها من خلال موضوعي افتح قلبك
فبعد استشارت روبن هود قمت بالعمل على المقالب
بشكل سريع
&
&
الفكرة ببساطة :
هي أن أكون شخص غير مؤتمن على الرسائل وبمعنى آخر فتّان وناقل للكلام يرغب بأن يسبب
المشاكل بين الأعضاء بنية الإصلاح والمصارحة .
أقوم بالإتفاق مع بعض المشرفين باختيار المقلب بأن يرسل لي رسالة أقوم بتحويل هذه الرسالة
إلى المعني بالأمر ولا أقوم بطرحها بالموضوع ومن خلالِ ردة فعلهِ سيأكل المقلب 
.
&
&
أول مقلب كان الاتفاق بيني وبين تميم وأكله
سـآمي
قمت بإرسال الرسالة التالية له
//
\\
//
\\
أخوي أنا مالي فيك علاقة لكن من واجبي أنبهك وأحذرك من تميم
لأنه قبل شوي أرسل لي رسالة يبيني أعرضها بأفتح قلبك
وهذا نص الرسالة
اقتباس:
المشاركة الأصلية كتبت بواسطة TAMeeM
لـــ ( سآمي ) :
هالعضو تميلح الشعب السعودي كله فيه ..
كل ردوده تميلح للبنات ..
يعني مادري هل هو توم كروز على غفله ..
ودي اعرف ليــه كل هالتميلح .. ؟؟ !!
بعدين احس فيه كمية ثقل دم ما تنوصف
اتمنى تغير من هالطباع الشينة..
وفيه رسايل ثانية بعد مرسلها لك
بس لشعوري بأنك إنسان صريح وصادق وعفوي حبيت ابلغك
أخوي أتمنى يبقى الأمر بيننا سر
وإذا حاب تشوف رسايله الثانية ماعندي مانع
بس عندي سؤال أخوي ياترى بينك وبين تميم مشاكل ؟
أتمنى يبقى الأمر سر بيننا
//
\\
رد سآمي بشكل سريع على رسالتي وهذا نص رسالته
اقسم بالله وانا اقسمت بالله العظيم .. ومن حلف بالله فصدقووهـ
اني مابيني وبينه شي ولا قد غلطت والا تلفظت عليه بحرف واحد فيه سوء ادب
واني محترمه اكثر من حقه .. ويعلم الله اله اني اقول الصدق .. لكن مابيدي شي ياخوي .. وابيك تعرض الرساله عشان ارد عليه علني تكفى يالغالي
شكرا على التنبيه
انظر ردك وتمت اضافتك
//
\\
على الهامش :
ماسويت له قبول لإضافته عشان ما انكفش وواصلت
ورديت على رسالته وهذا نص رسالتي
//
\\
أخوي أنا مقفل ماسنجري
على فكرة الرجال أحس بينك وبينه شيء لأنه فيه رسالة
مرسلها لي يقول أنه لك علاقة بأكثر من بنت بالمنتدى
وتحقد على الشباب إذا ردوا على مواضيعهم صحيح أخوي هالشيء
ولا لا وفيه رسايل ثانية
ماودي أولعها بينكم وتتهاوشون بسبتي
إلا إذا وعدتني يبقى بيننا سر
&
&
ورد عليّ بشكل سريع وهذا نص رسالته
زوبعه ابي كل الرسايل اللي قصدني فيها تكفى
&
&
ورديت عليه برسالة نصها الآتي
ياخي فيه شيء ماودي أقوله خايف يزود الزعل بينكم
إلا أبغا أسألك هو معك بالماسنجر ولا لا ؟
&
&
وعلى الهامش :
طلبت من تميم بالماسنجر يسوي له بلوك 
جاني رد سآمي سريع كالعادة
اي والله توي ضايفه مالي خمس ايام وابي اتعرف لا اقل ولا اكثر 
&
&
رديت عليه بشكل سريع وهذا نص رسالتي
أخوي أنا خايف من ردة فعلك
أشوفك زعلان مرة وبهالشكل خايف تفضحني
وأنا بيني وبينك علاقتي فيه كويسة بالمنتدى خايف يتكلم فيني
زي ما يتكلم فيك ممكن أقول تقولي لي هو معك بالماسنجر ولا لا"
&
&
أرسل لي سآمي رسالة فيها مايلي
ايه عندي على المسن
زوبعه الله يرحم والديك اعرض رسايله ابي الكل يشوفها تكفى
&
&
رديت عليه وهذا نص رسالتي
طيب حاول تتكلم معه بالماسنجر شوف كيف اسلوبه معك
لأنه الحين ظاهر أولاين في المنتدى ورد لي ابغا أعرف كيف اسلوبه معك ؟
&
&
وعلى الهامش :
عندي خبر أنه تميم حاضره بالماسنجر .
رد عليّ سآمي برسالة
ماتكلمت معه الا مره وحده بس وكنت اكلمه بادب وربي .. وهو بعد بس ليش كل هالحقد ..؟؟
رديت عليه وقلت برسالة
أخوي سامي ما أقدر أعرضها لأنه كذا راح تخلي روبن هود يقفل موضوعي
لأنه في رد قال لي اي رسايل ماهي حلوة لا تعرضها
ورسايله للأسف كلها انتقاد لاذع لشخصيتك
&
&
رد علي سآمي برسالة نصها كالآتي
طيب مب مشكله ماقدر تنزلها باسلوب ذوق مثل عادتك
ماراح اجبرك على شي بكيفك
&
&
رديت عليه برسالة نصها كالآتي
هذا اللي مستغرب منه
يمكن عشانك مع اللجنة الإعلامية والرجال غاير منك
طيب أخوي تتوقع لو أعرض رسايله يزعل مني روبن هود ؟
&
&
رد عليّ سامي برسالة نصها
واللي يرحم والديك .. اللجنه الاعلاميه اقل من الاشراف في المنتدى وش يخليه يغير ذا المريض 
مدري يالغلا والله .. لكن انا راح ارد باسووب ذوق وادب لاتخاف
&
&
رديت عليه وقلت برسالة
أبغا استشير روبن هود
بس بشرط بليز لا تلمح ولو من بعيد على اسمه ابغا ترد بأسلوب هادي
كذا تراك تقهره وتحرق دمه
&
&
رد علي بسرعة برسالة وقال
تكفى نزلها بسرعه واللي يرحم والديك قبل لا اخرج لاني انا ادخل مقى ماعندي نت في البيت
&
&
رديت عليه وقلت برسالة
هذا اللي مستغرب منه على العموم بالليل أو بكرى قبل مايتقفل الموضوع راح
أنزل رسايله بعد إعادة لصياغتها صراحة أنا متضايق منه ومن أسلوبه
وتهجمه عليه
صدقني هذا أنا ما أعرفك ولا تعرفني بس بجد ردودك توحي لي
بأنك إنسان أخلاقه عالية
&
&
رد عليّ برسالة سآمي نصها
والله ياخوك اني ماقد ضايقته ولا حتى فيني اللي هو يقوول ..
عالعموم الله يعطيك العافيه الي نبهتني منه والله اني كنت رافعه فووق لكن للاسف دنيا وصخه .. حتى بالنت نقول عن بعض كذا ولا حتى هو يعرف عني شي سبحان الله
لاحول ولا قوة الا بالله
منتظرك تنزلها
رديت عليه وقلت برسالة
أخوي مالك إلا اللي يعرضها بكرى إن شاء الله
لا تحسسني أخوي بتأنيب الضمير لأني أحسك متضايق منه
أخوي أنسى اعتبرني ماقلت شيء
ماتوقعت تشيل همه كذا وتتضايق وسع صدر وأنا أخوك ؟
رد عليّ برسالة وقال :
ورب الكعبه ماراح اسامحه طول عمري .. دام قال عني شي انا بري والله منه
الله يقهره مثل ماقهرني
مشكور اخوي على ادبك وذوقك معي .. وهذا جميل عمري ماراح انساه لك نبهتيني لي زي كذا
رديت عليه برسالة وقلت
صراحة ارفع لك القبعة احتراماً لك
ردك يوحي لي ثقافتك وتفهمك
احترامي لك
رد علي برسالة وقال
جزاك الله خير وجمل الله حالك
ولو بيدي اكثر من الشكر كان قدمته لك
جل احترامي وتقديري لك
وهنا انتهى المقلب الأول
وأكرر اعتذاري لشخص سآمي
ردة فعله توحي لي بمدى نقاء قلبه
ويبشر باللي يراضيه إذا هو زعلان مني
يتبع بقية المقالب
جاري التنسيق
يتبع