: / السـلام عليكم ورحمـة الله وبركاتـه منزمـان عن أهـل المجلس .. شلونكم عساكـم بخيـر .. / { مدخـل الموضوع عبـارة عن وجهـة نظر ومابي أحد يزعـل على اللي بكتبـه وانا ماأقصد أحد في كلامي .. لأني أتكلم بشكل عـام ..!! * اثقــل شوي بعـض الشباب والبنات الله يصلحهم من تضيفهـم تطيح الميانـه .. كأنك تعرفـهم من سنين مو أول مره تصير هالمحـادثه .. سوالف غشمره لدرجـة توصل للسوالف بالمايك وبآخر المحادثه ختم العلامة التجاريه الرقم يعني اتصـلي !! تخيلوا ترى هذا كلـه من أول محادثـه مايك ورقم وصور والحـالة حالة .. يعني يمكن بالمحادثـه الثانيه بتصيـر فيديو ! الواحـد يثقـل شوي اذا تكلم مع خلـق الله مويصير مخفـه للي يسوى واللي مايسوى .. لاويعطي الاسم كامـل والسالفـة عاادي .. ماتخـاف على اسمك هاللي انت شايلـه ولالأنك ولد شايل عيبـك وتسوي اللي تسويه .. حتى البنـت ماتخاف على سمعتهـا !؟ س / رأيـك/ ـي ..!! * خيـر انشالله !؟ الشبـاب الحلوين اللي حاطيـن ايميلاتهم في تواقيعهـم ومرززينهـا لاضافهـم أحد قاموا ينافخون ويهاوشون منين جايب الإيميل .. خيــر !! الحين انت اللي حـاط ايميلك في توقيعـك يعني ياناس ضيفوني موتنافخ وتهاوش لاأحد ضافـك ! في ناس حاطـه ايميلاتها في التوقيـع ماشالله لأنهم مهمين والنـاس ماتستغنى عن مهماتهـم الصعبـه ! ظنتي مافي منتدى مافيه برايفـت اللي يبيـك يالمهم يطلـب ايميلك عالبرايفـت .. س / للي حاطين ايميلاتهم في تواقيعهـم . أبي السبب أو الهدف من حطتك لايميلك ؟! س / واللي موحاطين ايميلاتهم ممكن يجي يوم وترز ايميلك .. هـه ! * لهالدرجـه مهـم ! بالخـارج ( نايـمـ/ ـه / طالـعـ / ـه / أردس / ..الـخ ) من تخصـيص أغلـب الناس صارت تستخـدم هالطريقه في الماسنجر ماأنكر اني ماأستخدمهـا لكـن انا أخصص الحـالة 5 دقايق بعدهـا أفصـل لكن أغلبهم يخصصون ويخلون الأجهزة شغـالة ويمشون عنها ! مادري شنو الهدف بالضبط يمكن يحسبون نفسهم مهمين أو يعتقدون أن الناس ماتستغنى عنهم ولازم تحس بوجودهم 24 / 24 .. إذا تنطـر أحد معين الماسنجر فيه رسائل فورية اذا انت اوف لاين أو ارسـل ايميل .. انا هالكلام ماأقوله عبث لأنك لما تشغـل جهازك وتحطـه عالشحن وتمشي عنه ماتخـاف على عمرك ؟ مولازم تخاف على عمرك .. خاف على اللي معاك بالبيت يمكن هالبطاريه تنفجر من كثر الشحـن والحرارهـ .. وللعلم صارت عندنا هالسالفه وتوفـا عندنا صبي لأنه مبطل اللابتوب 24 ساعة ! ماعندي سؤال لهالفقره لأنها تعتبر نصيحـه للناس المهمـه !! { مخـرج اختـلاف وجهـات النظر لايفسد في الود قضيـة بانتظـار وجهات نظركم في الموضوع تحيـاتي بنت العدواني الكويتية .. ..