. اهلن زوبعه .. موضوع بسيط في الطرح .. ويحمل في صلبه معاني كثيره .. / موقف العجوز و جوالها ، يخذني لقول : مع الخيل يا شقرا طيب وحده من الحريم قالت جوال كاميرا .. مافي وحده ثانيه تتأكد من صحه كلامها ؟ الله يرحم ضعفها ، رحمتها .. الشايب المسكين بعض الكبار في السن يصعب عليهم فهم الامور الحديثه .. مثل الصراف .. وخاصه وانه كبير في السن يفسر الامور ببساطه كـ الاطفال ما يفهم للتعقيد وممكن ما يقتنع فيه .. بجيب لك مثال .. مره من المرات جالسه ع النت في صاله جدتي .. و كانت جدتي تتكلم عن خالتي اللي في امريكا وانها ما اتصلت من زمان .. قلت لها .. هي اون لاين معي الحين تعالي افتح لك المايك .. طبعا قلت لها : ( تعالي يمه اخليك تكلمينها بالكمبيوتر ) طبعا ما صدقتني و قام تتتطنز خخخ يوم سمعت صوت خالتي قالت : الله يغربلهم ما خلو شي ذا الكفار وبعدها صارت كل ما شافت احد فاتح اللاب حقه قالت : عطوني اكلم بنتي خخخ تحسب الدعوه خذني جيتك خخ و جدتي الثانيه كبيره في السن مره ماشالله ( جده امي ) مره فتحت اللابتوب لها بوريها صور العيد قامت تغطت قالت : لا لا تصوريني .. اما الصدفه فـ لعل اجمل صدفي هنـا في القناص .. ابتداءاً باكتشافي ان محاسبه تقرب لي مروراً بالوشسمه .. وانتهاءاً بالصدقات اللي كونتها هنا ما مرت علي صدفه مثل اللي ذكرتهم .. بس حلو كذا < خقت على حقين جده زوبعه .. لفكرك الراقي .. .