أخـــــوي المبدع دائمـــاً زعيم ..
بصراحة اخوي انت من الاعضاء الي انتظر ردودهم على مواضيعي ..
لانك تناقش الموضوع واحيانا تطرح الحلول..
يعني ردك دايم يكون هادف وحتى لو كان فيه جرأة ..
ربي يعطيك العافية .. وربي يكثر من امثالك..
.
.

مرورك وردك هو الرائــع.. حياك الله .
.
.

اقتباس:

وانتي الصادقة تقفين منبهرة<<<<< يحب يدقق معليش بس كذا للترويح عن النفس يعني مداعبة

والله يا اخوي انا من نقلت الموضوع وانا في خاطري اغيرها .. بس قلت بنفسي ..
الافضل اني اتركها مثل ماهي .. لأن الموضوع مو انا الي كاتبته ..
وبس
مشكووور على التدقيق .. والمداعبــة ..

.
.

اقتباس:

ابو طالب وهو كافر خدم الاسلام اكثر من المسلمين حاليا دافع عن الرسول وبيننا من يكذب عن الرسول وهذا امر على الاقل انتي شاهدتيه من خلال النقل الاعمى والتحريف في الاحاديث على اهوائهم .

ايه والله يا اخوي صدقت بهذي الكلمة .. وبتشوف أكثر وأكثر من التحريف واختلاق الاحاديث والكذب على الرسول ..
استغفر الله العظيم ..
الله يهدينا جميعاً..
.
.

اقتباس:

كاد ابو طالب ان يهتدي لولا صديق السوء وهو ابو جهل حين قال له هل تترك دين عبدالمطلب ودين آبائك الاولين؟ يعني كان الرسول الكريم يدعوه من جهة الى الايمان وابو جهل من جهة أخرى يدعوه للثبات على الكفر واتباع العادات والتقاليد ولكن تبع الاخير على طريق الكفر. .

فعلاً صديق أو صديقة السوء لهم تأثير قوي .. خاصة وخاصة بالنسبة للفتيات ..
اعطيك مثال .. تلاقي بنت دخلت الجامعة وهي ماشاء الله .. قمة في الاخلاق .. خلال فترة بسيطة تتعرف على كم بنت سيئة .. حتى الصلاة استغفر الله بالتدريج تبدأ ماتصليها .. !!
"طبعاً هنا اقصد بعض الفتيات "
.
.

اقتباس:

ضف وجهك لاصفقك وش يبي ذا النتفة قام يتكلم علينا انا لله وانا اليه راجعون والله بغيت اخمه بذاك الكف بس في صلاة مايصير..!!

ونعمـــــ الأخلاق ..
.
.

اقتباس:

وعلى عكس ذلك قلت هالكلام لولد مصري نفس العمر تقريبا وابتسم وهز برأسه يعني موافق انه يترك مسك المصحف في الصلاة ويصلي مع التراويح والى يومنا ماشفته يسوي هالعادة واثلج صدري ردة فعله عكس ذاك البزقة اللي هاوشه امامنا هو واخوياه مغير طردي في هالمسجد قلبوه منتزه سلام حشا مو مسجد..!!

أستغرب تصرفات بعض الشعب السعودي .. لما يشوفون الأجانب (سواء العرب او غيرهم) .. يبدون الكلام والمعايـــــرة .. ليه بس مو بشر ومسلمين هم ...!!!
شوفوا تربيتهم لعيالهم كيف .. انا ما انكر انهم عندهم هفوات في التربية واخطاء .. بس افضل من بعض عيالنا بكثير من ناحية الاحترام والمعاملة .. !!
اخوي زعيم يعطيك العافية والله وربي يوفقك على امرك بالمعروف ونهيك عن المنكر .. ربي يقويك ..
.
.

اقتباس:

اللهم آمين لكن استنكر في لهجتك اتهام المسلمين بعكس الانسانية ولو بحثتي جيّدا لوجدتي ان الاسلام والمسلمين اكثر الخلق انسانية غيرنا يخطفون ويبيعون الاطفال في السوق السوداء غير بيع الجنس وحنا نسلم الطفل المفقود لمركز الشرطة او الجهات المعنية واعتقد بل اجزم ان هذه النقطة مرّت عليك فليس هذا بتفكيرك

أخوي الموضوع يوضح رأي كاتب المقال .. طبعاً ويوضح البعض من رأيي الشخصي ..
صحيح .. المسلمين اكثر الخلق انسانية ..
و
انا اتوقع ان الكاتب يقصد بمقاله هذا فئة معينة من المسلمين .. الله يهديهم ..
ولو لاحظت بالنقطة الاولى هالجملـــة ..

اقتباس:

وهذه العلاقة صفعة في وجه كل من يريد أن يسلب من المسلمين إنسانيتهم بأن يحاول أن يصور التدين بأنه كره وبغض وحقد لكل غير المسلمين على وجه الأرض...وهو مبدأ لم أجده في سيرة الحبيب صلى الله عليه وسلم..

هو ماينكر ان المسلمين عندهم انسانية ..
.
.

اقتباس:

البرنامج تقريبا اختصار لـيللا شباب المميز لولا وجود شخص لاسباب لا اود الخوض فيها في هذا الشهر الفضيل هدانا الله واياه لكن البرنامج ناجح واحاول اني اتابعه قدر استطاعتي سواء يلا شباب او خواطر شاب مع ان هالفترة تزدحم برامجي المفضلة سواء لاتحزن على الاولى او ابن شرهان مدري متى هو يجي ماشاء الله عليه ذاكرته قوية وخواطر شاب وبرامج مفيدة ومسلية في نفس الوقت لايحضرني اسمائها .

ماشاء الله عيني عليك باردة .. ونعم الاختيار لهذي البرامج الرائعة ..
ربي يقويك ويوفقك..
.
.

اقتباس:

تقصير؟؟؟؟؟؟؟؟؟؟؟؟؟؟؟؟؟؟ تقصدين تطوير؟ وضحي الكلمات مو انتي المقصرة بارك الله فيك على هذا الموضوع القيّم

شاكـــــرة لك اخوي ومقدرة .. وكلامك هذا تاج احطه فوق راسي ..
حياك الله ..