الســـلامـ علـيكــمـ
..
..
//
//
بمنــاسبه الالفيــهـ الاولــى لي
(ادامها الله باليمن والبركهـ)
حــابهـ افتح موضوع اسولف فيه وادردش معكم
==========>مشرفــات المجلـس لاتجـي وحده وتقفل الموضوع ترا امـزح
*اسمعو زين لحد يجي ويصدق نفسه ويقلب لي المكــان شـات ويوديني بداهيــهـ
[بمنــاسبه الالفيــه راح اســولف لكـــم عن تــاريخي مع منــتدى القنــاص 
وكيــف بدايتي كـانت فيه سوده,,
مع ذكـر المـراحل اللي جربتــها,,,
والكــروت الحمرا اللي اخذتهــا,,,==>فديتها
//
ندخــل في القصهــ==>متعوب عليها
في يــوم من الايــام وانا جالســه اطقطق في قوقل وفي روايه اخرى جوجل ,,وكنــت ابحث عن مدري ايش..؟
فجأه,,
وبلمــح البصـــر,,
بــدون اي موعــد مسبــق,,
شفت شــي اسمهـ منتدى القنــاص ,,لفــت انتبــاهي الأســـمـ,,,وضغطت عليــه,,ودخلــت,,
وماانـاظر فوق,,الامكــتوب,,الموقع الرسمــي للاعب يــاسر القحطــاني ,,
ماشفــت الاقلبي جــالس يتراقص بدون مــزيكا,, ,,,الموقــع الـرسمي مرهـ وحــده,,
حــلفــت يمين مااطــلع الا وانــا مشاركهـ فيه,,سجــلت فيهـ,,وقمــت اتصفح بالأقسـام والمواضيـع,,
عجبــني كل شي فيه,,اقســامه,, ,,اعــضائه,,
حســيت كل شي فيــه ممــيز ويخــتلف,,مواضيــع لاصــارت ولااستــوت,,ماقد شفتــها في منتـدى من قبل,,
قلــت مايصير ادج مع الخــلق على طول,,لازم موضوع تــرحيب,,(ومن هنا بدأت قصه غرامي مع الكرت الاحمـر)
كــتبت موضوع تـرحيب ومادخلــت اليوم الــثاني الاوهو مخــتفي,, ,,وين راح,,مدري,,؟!!
ونــزلت موضوع عــن يـاسر الله يســتر مانزلته في قســم (صدى المشـاعر),,المهـم جاني مسج يقول:
نقــلنا موضوعــك للمــكان الفــلاني
ورحـــت للمــكان الفــلاني ,,الاوهم عــاطيني كــرت احمــر ,,طبـعا انا مدري ايش يعني كـرت احمـر,,
وقمــت انزل مواضيع ادخـل بعدها بمــده الا والمــواضيع مختفيــه==>تقولون مثلث برمودا
قلـت اكيد الموضوع مــاتنزل,,وقمــت نزلــته قصدي نقــلته مره ثــانيه واختـفى مره اخــرى
انا جــاني نوع من الاحـباط قلــت مافي غــير ذول,,,
1-يــاسر مايحبـــني
او
2-الخــلل في جهــازي
او
3-او الخـلل فيني ههه
وقــمت اشتــغل بالنســخ والـــلـــصق,,وكــل مره يختفوا المــواضيع,,
دخـلــت بعــدها,,والا يوزري منــقلــب,,رصاصي,,قلــت ايش صايــر لايكــون خـلوني مشــرفه او شـي
وكــل ماابي اشــارك او ادخــل قسم ماينفتح لي,,ماانفتح لي الا قسم المنســقين,,
تقــولون سجــن ذاك القســم,,هنــاك انواع العــذاب,,,
اللي يطــالب بالحريــهـ ,,,,
واللـي يبي ياخذ بثــاره,,,
واللــي يطـالب بالقصــاص,,
المهـم جــلست معـهم فتــرة بســيطه ,,وبعدها اطلقــوا ســراحي,,وانا جالسه اتمشى في القـنــاص
اكـتشــفت قســم اسمه,,(الكــروت الحمرا ),,ودخــلته,,ومااشوف الا المــواضيع اللي تكلــمت لكم عنهم,,
كــلهم مجتمعــين هنــاك,,
ومــ،ـن ذاكـ اليـــوم استوعــبت ان ,,المنقول ممنوع,,وجاتني عقده شــي لونهـ احمــر
وجــلسـت افكــر كيــف اقدر اشــارك واعيــش في ســلام بعيدا عن الكــرت الاحمـر,,
رد علي صدى قائلا: مالــك الاتكتـبين بنفســك
قـلت لهـ: ياصدى معرف اكــتب ويني ووين كتــابه المـواضيع
قال:مايبــيلها شوفي اي مــوضوع بـراسك اي قضــيه تبــين تناقشينها اي شي تبين توصلــيه للـناس
امســكي القلــم واكتبي حــرف عـلى حرف تصير كلمــه,,وبعد الكــلمه,,تصير لــك جمله,,وجمله على جمله
يصيــر موضوع,,,
,,قمــت اسمــع الكــلام اللي قـاله وكــتبت موضوع ونزلــتهـ,,شفـت الاعضــاء ايش حلاتهم,,تفاعلو مع المـوضوع
وقمــت اكـتب وانـزل,,مابين التـحطـيم والتشجــيع,,حــاولت اواصل واستــمر,,
بعــدها عشــقت شي اسمه,,منتـدى القنــاص وخصوصا (قسم المجــلس)
صــرت احســه جزء من يوميــاتي,,كــل يوم لازم ادخــل,,
اذا مــااشارك عالاقــل لو بس اخذ طله علــيه,,ووصــلت للألفـيه الاولى,,
مايستفاد من المــوضوع
1-لاتقول انا عضو جديد وش يخليني اشــارك محد بيهتم فيني,,
(لاياشيخ اللي بيميزك عن غــيرك مواضيعك موب عدد مشــاراكاتك)
2-لاتقول انا معرف اكـتب خلاص مابشــارك لأ,,حاول تكَون لكـ اول موضوع ,,لين تتعود عالكـتابه
ويصيــر الامـر سهل بالمـره عليـك
3-اذا تنســقت او محد رد علــيك او بنيـت لك مصنع من الكروت لايجيك احبــاط,,بل واصل لتوصل ليي تبيه
الــواجب..
س1-كيــف كــانت بدايتك مع منتـدى القنــاص؟
س2-من كــان سبب دخولك للمنتدى؟
س3-كم كــرت احمــر حصـلت؟قد مرة تنسقــت؟
//
في الاخــير تحيـاتي لكـم من اول يوزر لأخر يوزر وخصوصا الاداره ومشـرفات المجلـس العـسل
ملاحظه*اللي اشــوفه مهســتر وراد علـي يسلموو او مشكورة عالموضوع الرائع مارح يلوم الانفسه
(ملاحظه تراني ماكان لي خلق انسق الموضوع والون وارتب لأني نعسانه وبروح انام بكرا دوام يعني لاتدققون)