اشهر فرعون بالنسبة لنا كمسلمين .. وحتى بدون ما ندرس التاريخ هو فرعون موسى ..
ادعى الأولوهية .. وقال " انا ربكم الاعلى "
تجبر وطغى .. وجعلة الله آية لمن بعده ..
يقولون ان مصر ارسلت جثمانه لفرنسا عشان يسوون عليه اختبارات وفحوصات اثرية
كان الخبراء مهتمين بترميم المومياء ، وواحد من الجراحين كان يحاول يكتشف كيف مات هذا الفرعون ؟
وفي آخر الليل اكتشف ان هذا الفرعون مات غريق .. من بقايا الملح على جسمه ..
وانهم استخرجوه بسرعه من البحر وحنطوا جثته .. !
استغرب الدكتور .. وصار يبحث كثير في القرآن والتوراة والانجيل ..
طبعاً القرآن هو الكتاب المقدس الوحيد الي ذكر ان جثة فرعون بتنجوا ..
اما الكتب الباقية فذكرت بس انه لحق بموسى وغرق في البحر !
كثرت دراساته حول الاسلام .. بس مدري هو اسلم والا لا :/
’،
اخناتون
من اشهر الفراعنه ..
وهو الفرعون الي نادى بالتوحيد يعني بعبادة إله واحد ..
نقض كل دين المصريين الي كان قائم على عبادة العديد من الآلهة
وغير اسم الاله من " امون " لـ " اتون "
فيه كتاب قريته قبل فتره يتكلم عن اسرار يأجوج ومأجوج .. وذي القرنين
الكاتب يقول ان ذي القرنين .. هو اخناتون ..
كان مؤمن بموسى ويقول كاتب الكتاب ان اخناتون طلع من مصر وراح في رحلته يبحث عن مشرق الشمس ومغرب الشمس عشان ربه
ناس يقولون انه انسان شاذ واخلاقه منحطه ..
يقولون انه تزوج بنته .. وكان يحب اخوه ..
وهذا الشي سبب له تشوه في جسمه ..
كنهم يقولون الي فيه عقوبه ..
طبعاً كلامهم باطل ..
’،
اشهر فرعون
" توت عنخ آمون "
نسيب اخناتون
تزوج بنته ..
وصار فرعون مصر
رجع مصر لوثنيتها .. رجع لـ " آمون " بدل " آتون"
مقبرته من اغنى المقابر في وادي الملوك
فيها ذهبانٍ .. وخيرن واجد خخخـ
هالملك الغني مات وهو ما كمل 18 سنه يا حبة عيني .
مدري كم كان عمره يوم يحكمهم
الخبراء استغربوا سبب وفاته في ذا العمر المكبر .. وشرحوا نظرية انه اغتيل
بس بعد الفحص بالاشعه .. اكتشفوا ان عظم فخذه انكسر .. وهالكسر سبب تسمم لدمه ادى لوفاته
’،
بقى الملكات الجميلات ..
اشهر ملكتين هم " نفرتيتي .. وكليوبترا .. "
نفرتيتي
زوجة الملك اخناتون .. وخالة توت عنخ امون <-- آوت
معنى اسمها يعني " الجميله اقبلت .. " أو " الزينه جت " خخخخـ
عالم الماني لقى تمثال لها وهربه لبرلين .. والحين معروض في متحف برلين ..
والمصاريه يطالبون به بس ما حاولك احد
’،
كليوباترا
اشهر ملكات مصر
اصلها مقدوني .. يعني اوب مصريه
اسمها باليوناني مكون من مقطعين ..
الاول "كليو" ويعني فخر ..
والثاني "بترا " ويعني وطن ..
صارت ملكه وعمرها 17 سنه .. بعد وفاة ابوها
وكان طبعهم ان الاخت تتزوج اخوها عشان مايضيع الملك ..
تزوجت ثنين من اخوانها
كونت علاقات جيده مع قيصر روما
احبت روميو انطونيو الروماني .. وتزوجته
ماتت منتحره بسم حيه ..
ويقولون انها كانت تسبح بالحليب
وانها تحب تعطر اشرعة سفنها عشان يدرون انها بتوصل من الريحه .. قبل لا يشوفون السفن !
بقى اقول ان الحضاره الفرعونيه من اغنى واثرى الحضارات
وهي تقريباً اول حضاره برزت وكان لها ثقلها الفكري والاقتصادي والسياسي
كل الحضارات كانت تقتبس افكارها من الفراعنه
’،