باك ..
وفقتي يا غيداء بإيصال فكرتك بأسلوب بسيط جدا ..
مثل ما قالت الاخت صعنطوطه ..وانا اقرأ تذكرت مسلسل العولمه
...
بتكلم بعيدا عن المثاليه مثل ما طلبتي : $
أُقدس واُقدر التمسك بعادات وتقاليد اجدادنا القيّمه
يعني فيه عادات تعتبر همجيه وتخلف وهذي لاتندرج ضمن من أُقدرها ..
بعطيك مثال على كل حاله عشان تتضح الصورة /
* الاجتماع العائلي الاسبوعي ..اتمسك به
هذا يعتبر من الا ساسيات والواجبات في وقت مضى ..لكن حاليا على حسب الفضوه
واكيد ما هنا فضوه الجدول اليومي مشغول وبكذا الاجتماعات تكون من شهر لشهر او اكثر بعد ..
* الولد لازم يسكن مع اهله اذا تزوج ..ويعتبر عيب لو شرطوا اهل البنت بيت مستقل ..
هذي تقريبا للحين موجوده مع ان من حق المرأة في الاسلام البيت ..
يعني هالشئ اجحاف بحق المرأة .. .. هالتقليد والعرف هذا اعانده بكل ما أوتيت من قوه
<ترفقي
طبعا فيه امثله كثيره بس سردت هالمثالين للتوضيح فقط..
..
لو هي على افتشت والا تغطت تهون يا غيداء ..بلاك من انعدام المسؤوليه في الاهل
وترك البنت تسرح وتمرح في انصاص الليالي بحجة الثقه
ثقه يا ناس بحدود المعقول ..موب تسهر لاخر الليل وترجع مع السواق
اكيد الكل بيقول وش دخلها بالموضوع ..لكن هو جزء من تغيراتنا بسبب
الناس كلهم كذا .
.
يعني نشوف ناس ارخوا الحبل بقوه مع بناتهم ..واذا سألناهم ليه ؟
يجاوبون : وش نسوي كل اللي حولنا كذا ..
حتى انتشار جوالات وبلوتوثات مع الاطفال والسبب ..الناس كلهم كذا ..
المختصر ..انه التربية تغيرت ..والثوابت صارت لاشئ والسبب
التحضر ومماشاة العصر ..
..
والله اننا نجاهد انفسنا مجاهده على التمسك بديننا وقيمنا في هالوقت
اللي انطبق عليه قوله صلى الله عليه وسلم..(يأتي على الناس زمان فيه القابض على دينه كالقابض على جمر)
الله يثبتنا على قوله الثابت
..
غيداء
تسلم يمينك ..