منـ عذاب البرد جيت ابغى دفآك ُ واثرك بصادق حنينك لي شحيح .ٍ~ْ..الرياض وما ادراك ما الرياض .مدري متى هالديره تثبت لها على حال .نوب .. .تقعد تحك اسنانك من البرد.. .ونوبً.. .الجو مررهـ غبي مدري شـ يبي . حر وقرف ولعنة ثوى..؛ يعنيــ ) ياطخهـ ياطلع مخهـ ( . . واللي يزيدني مرارهـ .. حتى دش الترويش ماهو قادر يتخذ قرار نهائي هو ‘بارد‘ولا‘حار‘....) ..) ياشينها لا صار السخان خربان على الحرام ان النظافه اللي كذا تنعاف.. .. وفي معمعة عدم الاستطاعه على اتخاذ قرار نهائي انا للحين ماني عارف . اتكلم عام ولا سوا ولا اسمج امها واخش فصحى *.. اشوف انو عام احسن(.. يلمح يبي يهرج شمالي .., . المهم في شي بخاطري ودي اقوله بس والله ياجماعه يحتاج هالشي اصغاء ذهني .. اذا تقدرون.." في وقت يجينا الشتآ ونقول هلابه والله اشتقنا اشتقنا للمطر والفله والوناسه وسعة الصدر بس وقتها نحس بشي غير عن كذا يوم يجينا المطر زود على هالوناسه نحس بشي يسوى هالوناسه مليون مرهـ ندري ..؛ ان الرحمن علينا راضي نحس بلذة المطر لاصار كذا الموضوع مايحتاج بهارات توضح اهميته خلونا نشوف واقعنا بصراحه يعني..؛ الصلآهـ.. في اقوى من هالمصطلح شي ماضن والله ياجماعه والله العظيم اشوف شباب قمه في صحته تبارك الرحمن ولاهو ناقص عقل .. لو تحتسي معه ينحاس راسك تلقاه يمر من قدام المسجد ولاكنو في شي صار طيب خش المسجد وش خسران كلها بالكثير وربي خمس دقايق عالاقل خش بس عشان ماتلفت النظر ولا هذي عنده رجوله وقوهـ يابوي قوة ايش..؟ اقسم بالله انك قمه في التخلف وانك مريض مرض نفسي وهذي خذها مني ياجماعه الارض اجدبت كفايه ذنوب.....* اللهم يارب العرش العظيم اسقنا غيثا هنيئا انت ارحم الراحمين .. رحت قبل فتره لـ مجمع في الرياض ^ بس وشو من مجمع يعني من جد سكبه ذاك السوق انا بصراحه .. حبيته يخرب بيته.., لمعرفة اسم المجمع اضغط هنا (ح ـــياة مول) .. المهم جيت بدون عايله مسوي واثق انا وخشتي يوم قربت من المجمع قلت مالك الا تجمرك السكيوريتي ومن هالكلام..؛ يوم جيته لا والله الا ذاك الجلف الذي لايشق له غبار والله يوم شفته بغيت اهون بس قلت ياولد جرب امكن تضبط المهم واجيه واسولف انا وياه واحتسي واثرينا اعجبنا بعض.. مدري كيف بس حبني الرجال وانا بعد ابادله نفس الشعور بس لـمصلحه .. المهم وشوي تجي ذيك السياره قدام البوابه الرئيسيه سياره سبور حيل والرجال الله يهديه رافع الصوت لاخر شي صعب والله تفكر وش كان يبي ..؟ يبي بنات ورجه وقلة حيا .. ... طيب وبعدين..! .. بكل بساطه ماحد عطاه وجه الكل كان ينظر له بأنه صاحب فكره غبيه كفيله بأننا نقول عنه " واطي" لاحظ هو بعد هالشي انو لو ماجاء احسن له يعني شي من جد يخليك تحمد الله مليون مرره على نعمة العقل لانو هالاشياء احس انها صارت قديمه واصحابها متخلفين وبقوه بعد .. .,عاد بعد هذا كله وبعد هالمهزله مادخلني الله يهديه مع اني كنت اكوس شاب بالسوق.. ومحترم لاخر درجه يخزي العين حوليـ..؛ . شي بصراحه يهز البدن نشوف ذنوب بالجمله ومع هذا كله تشوف الاقبال يزيد على فعل المحرمات يالله نسألك الثبات .. " في وقت نشوف انو حنا بحاجه للكسب وكفايه تفريط ..؛ لاننا كلنا درايه بأن غضب الرحمن شديد لاحول ولا قوة الا بالله ينتهي الـ 2007 ويصير ودنا انو ماينتهي كل هذا عشان مانشوف ضعاف العقل وش يسوون يعني نشوف حركات بصراحه تشمئز منها الانسانيه قبل عاداتنا وتقاليدنا يعني والله عيب يقولون لك ليش مستانس تقول عيد راس السنه يعني احسها ثقيله عـ اللسان لكن وش تقول تبقى هي قناعاتهم ..؛ ..؛ بس جوجو , ومتـ متـ ............... فلله هالبنتين خلوني اقتنع ان ))* البنات البنات اكوس الكائنات*(( .. اخيراً اتمنى اني قدرت اوصل اللي ابيه بشكل يتناسب مع رغباتكم .. بس لحظه لحظه عندي صوره حاب اخذ تعليقكم عليها وهنا اعشق المبالغه في الوصف خاصه بالصوره هذي .. ابي اذا تسمح تتخيل انك قاعد هنآ ومعك شخص مع امنياتي ذكر هالشخص منو يكون..؟ ..تقبلوا تحياتي عايد العنزي..! هلالي لاخر زفره