. السـلام عليـكم ورحمـه الله وبركـاته ، اعزائي عزيزاتي القناصين في البـارحـه دخلنـا Happy new year <-- مشكله الي فاهم غلط أعلن صاحب السمو " انا " امس عن إقامة حفله شواء في بيتي المكون من 9 غرف و9 صالات .. و 9 كراسي و9 طاولات و9 تلفزيونات و9 كمبيوترات و9 كل شيء كل واحد يجي ويجيب اكلهم من بيتهم الله لايهينه بدون احراجات رجاءً وسيكون الحفل يوجد به الكثير من الرجال والنساء .. وسيكون خليطي وسيتواجد الرئيس العام لشركات كوكا حولا فيصل وبين قوسين ( Ouch ! ) والرئيس العام لشركات تويكس لثلاثه موش لثنين وآفي وسيتواجد " مدير السعوديه " ابو متعب وايضاً سيتواجد مشعل العبود مطرب اغنيه / يالتاكسي خذني لها ياتاكسي <-- احد قالكم ان الي فوق مقدمه ؟ المهـم .. البارحه دخلنـا في عام 2008 .. ميلادي طبعاً وعمت الافراح في امريكا .. وقاموا يتنكسون على الروك اند رول ومير احنا تنكسنا على رابح صقر وابو رايش .. ولا قايد الريم ؟ لاحد يحسبني طالعن مع قايد واتنكس معه لا ترا انا ولدٌ صالح ما اخلي الناس يتنكسون ايه نكمـل .. طبعـاً كثير يصير عندهم مشاريع خصوصاً بأنها سنه جديده فـ يحط اشياء للسنه هاذي .. ويحاول مايتعداها ويكون زي مايسمى قانون 2008 برايفت لكل واحد حاط في نهايه نكه 2007 / ياقديم ياجماعه الخير برد ولا ؟ <-- شطح ملعون الجدف نرجع لمحور حديثنا .. الي يبي يحتسي عن البرد فيه موضوع لأبو دحمي كله برد ثواني بس برب اشغل اغنيه التاكسي باك تاكسي .. بسرعه بسرعه .. <-- شطح موب كأن الرموز الي احطها وشطحاتي صارت كثيره <-- ودهـ يشطح المهـم نكمـل مشاريع يعني مثلاً نقول مثال * خلاص ما احاتسي بنات * ما اكل اندومي * ابطل دخـان هاذي ثلاث امور .. تقدر مثلاً تسوي زي كذا وتحطهـا قانون لك في 2008 لكن لا اشوف واحدن جاي يشطح عندي ويقول ماراح اكل اندومي ترا منب احب الي يشطح ولا احب الشطحات <-- لا هين واضح يمكن الي يبطلون دخان واجد .. والله لايبلانا به وان شاءالله كل من ابتلى فيه يتركه .. ياجماعه الخير صدز والله برد بردت وانا لابسن سروال وفنيله نص كم <-- ياشيخ انا ودي ارفع تقرير لمدير السعوديه مافيه مدارس بالشتاء ولا بالصيف <-- اجل متى يحطونها ياذهين <-- احبك ياخي <-- لما تشوفه تقول مسوي جريمه ويقول : هاه ؟ وش صاير المهم ماودي اشطح شطحه شينه نرجع لمحور حديثنا الا وهو البرد <-- شاطح شاطح يعني زي ماقلنـا مشـاريع خاصه لك ولغيرك طبعاً .. يمكن تقول اقاطع هذا ولا اشوفه ثاني مره تقدر تقول ابطل سهر وانام مبكر .. مشاريع خاصه لك ، وتحاول قدر ماتقدر انك ماتسويها دامك حطيتها وماتجي تمسح وحده ومحد يدري ويفضل تحط واحد يراقبك .. عشان اذا خالفت واحد يرجع يكلمك ويساندك ويخليك تتشجع تكمل فـ أنا أبي كل واحد يجي هنا يحط له كم شيء .. يحاول يلتزم فيه يله وانا اولكم * ماراح اكل اندومي واجد <--- شطح لا صدق صدق * بحاول ما أحط رقم " 9 " في آخر ردي لأن جاني عشرين واحد يقولي ليش تحطها وجاني واحد على الخاص يقولي ليش راد على موضوعي وحاط 9 وش تقصد ؟ .. يحسبني اسبه هذا قراري للسنه هاذي .. <-- وش قصتك بالحياه انت فيـه قرارات واجد .. لكن احب احتفظ لنفسي فيها [ الي عنده قرارات يستحي يكتبه او خاصه فيـه .. مو لازم يكتبها ترا ] يله انتم تعالوا واكتبوا وانا بروح انام .. لأني تعبان ومالي خلق شيء بس جاني شعور لازم اكتب موضوع ، وحتى الموضوع وشسمه يقولونها دايم .. ايه صح وليد اللحظه <-- هي صح ؟ يعني اكتبه وانا ماكتبته يلـه .. أكتبوا قراراتكم وحاولوا تمسكون نفسكم .. لا اشوف واحد يكتب قرار وبكره يخالفه يله أنتظركم زيـآد .. .