.. جانا البرد جانا .. والصيف خلانا هو صدز يقولون السنة ذي بـ يجي بردٍ ما قد جا ابد ابد أويلااااااااااااهـ بس احد يقول لي ياعالم شلون تدفى الرجلين ؟! انا رجليني ماتدفى .. من يوم يبدا الشتاء وانا ماغير أعبّي موية حارة وأغطّس رجيلاتي فيهن < تقل عجوز لا دفايات تنفع ولا شرّابات الله يعين .. .. أقتباس1/ كيف استعديتـ/ي لـ فصل الشتاء ؟! طلّعت ملابس الشتاء وشريت من النت كم جاكيت < تسمع بالاستعداد ورحت للسوق بعد .. قشّيت لي كم قطعة شتوية الله يعين ع الدوام .. أقتباس2/ موقف صار لك في البرد ولا يمكن تنساه ؟! هو ماصار لي .. صار لبنت عمي عاد بقولهـ ماعندي موقف إلا هو كنا طالعين كشتة يقال لنا طبعا لو سمحتوا حنا كشتاننا اكشخ شي من الصبح لين آخر العشا ونجي ومسوين زحمة ونقول كشتة .. الناس تمرح وحنا لأ المهم .. كان هذاك اليوم الجو يهبل أمطار وغيوم الله يرزق المسلمين هالسنة بالامطار .. كان فيه منحدر صخري يمدي الواحد يتزحلق يعني قام ولد عمي وتحدّانا وقال : اللي بتتزحلق عليه بعطيها مليون هو ادري فيه ماعندهـ إلا قمل ثوبهـ بس كنا مبزرة .. قامت بنت عمي يقال انا اشجع شي وتزحلقت .. المسيكينة كان نهاية هالمنحدر مجموعة حصى .. ويوم تزحلقت الضعيفة طاحت عليها وعوّرها ظهرها وتقعد تتحسّب عليه اسبوع كامل في سبيل المليون خخخخخخخخخ ايه هيّن أقتباس3/ وش الشي الي تشوفـ/ين انه من مميزات فصل الشتاء ؟! صراحة ولا شي .. اللهم اجتماع العائلة حول المشبّ والجوّ الحلو .. ولاّ الباقي الله يعزّ الشتا ماغير الواحد يتلملم ولا يدفى أقتباس4/ تتوقع ينزل ثلج السنة هاذي ؟ يجيب الله مطر ان شاءالله .. ابو عبدالرحمن .. المجلس ثلّج عقب ذا الموضوع ألف شكر لإلك ..
.. اللهـُمّ وفـّقنـِي لـِكُلِّ عمـلٍ صـالحٍ ترضـى بهـ عنّـي ,وقـرّبـنِـي بهـِ إليـك زُلـفى ... أسـتغفركـ ربـّي وأتـوب إليـك ..