مشاركة: بين مؤيد ومعارض..!! بين متحرر ومحافظ..!!(موضوع للنقاش)
عدنــــــا 
إعـــذرني اخوي على التـأخير ..
..
اقتباس:
|
اعتذر عن غيبتي عن المواضيع الساخنة والجادة لكن رجعت بهذا الموضوع اللي لي اسبوع وانا اعده وان شاء الله يعجبكم
|
يعطيك العافيـــــة اخوي .. وانا اكثـــــر المواضيـــع الي تجذبني .. وتخليني اقراها غصب وارد عليها .. المواضيع الهادفة والي تكون للنقاش ..
..
اقتباس:
|
طبعا لايخفى عليكم مملكتنا المصونة الدولة الوحيدة في العالم التي لاتقود المرأة فيها السيارة على الاقل علنا بغض النظر عن الهجر واللي في البر..!!
|
ياحبــــــي للطعـــــوس ..
..
اقتباس:
الله يعزكم ويكرمكم عندنا في المملكة وعلى الارصفة خاصة اللي عند البقالات ومكان تجمع العمالة لايوجد شبر نظيف خالي من القذارات وخاصة (اعزكم الله) البصق اللي يشوه الشوارع والارصفة ومحد لاقي حل لهالمشكلة..!!
في الامارات غرامة على اللي يبصق على الشارع واظن ان الغرامة من 200 الى 500 درهم يعني راتب العامل في المملكة العربية السعودية يعني هذا وجهي ان لقيتوا واحد من هالعمالة يدمر شوارعنا نصك عليهم صكة
|
أحيانا يراودني الشك .. ان بعض الشوارع من مكوناتها الرئيسية.. المواد الناتجة عن البصق .. (الله يكرمكم)..
وبالنسبة للغرامـــــة هذي ياريت تتطبـــق ..هي صحيح ماراح يطبقونها عامة الشعب والوافدين.. ولكن على الاقل تحد من هذا التصرف ..
..
اقتباس:
وايضا واحد يسوق سيارته ماشي في الشارع امن وامان يالله من فضلك ولا تدري الا (طرنق طراخ) وش ذا( هذا اللي جنب السواق) يرد السواق ابد عادي دايم تصير مغير قوطي ببسي صقع بالمراية..!!
في الامارات غرامة مالية وعلى ما اظن سجن على اللي يرمي المخلفات على الشوارع لكن متى يتحقق هالشيئ؟ ياليل مطولك..!!
|
على فكرة نزل قرار جديد الحين .. الي يرمي النفايات بالشارع .. غرامة 200 ريال .. "عيــــــن النظافـــــة "
واتمنى الجميع يلتزم بالنظافة لانها من الايمان ..
..
وابـــي اضيف مقارنة بيننا وبين الامارات ..
هناك الي يغازل يقبض عليه .. ويشهرون بصورته .. ويفضحونـــه علشان يتأدب ..
ووالله فعلاً .. تلاقي الشباب عندهم هناك بالمول نادراً مايغازلون ..
عكـــس بعض شبابنا .. لو طيف لونه اسود مر من جنبهم .. لحقووه ..
..
اقتباس:
|
ومو معقولة نشوف الهيئة مسنترة عند كل اشارة اعجاز صراحة هالشيئ ومستحيل..!!
|
والله اخوي زعيمـــ الهيئة .. احس دورهم قليل بالمجتمع ..
وينهم عن البلاوي الي تصير .. وش الشي الي يشغلهم ..
انا اشوف لو عند كل اشارة متواجد رجل هيئة يكون افضل . "ُأمنيــــــة"
..
اقتباس:
طيب مثال آخر امرأة راكبة سيارة تخيلوا معي كيف لابسة
عباة على الراس وفضفاضة يعني واسعة و لاتشم روائح عطر ولا كيلو كحل على العيون ولا مياعة في الكلام او المشي بس.....
كل هذا احلام واماني فقط لاغير الا العجز او المحافظات اللي احييهم على اللبس المحتشم وهذي اللي ترفع الراس
طبعا راح نشوف صرعات وموضات للعبايات فوق الموضات الموجودة من الكتق للمخصر وبلاوي كثيرة منيب اعرفها ولا ودي..!! غير علب المكياج الاحتياطية في السيارة وريحة العطر اللي تصرع البعير..!!
|
والله ردي على هذي الجملـــة هو عبارة عن مقطع من موضوع قرأته .. وودي انقله..
إن قيادة المرأة للسيارة يلزم منه نـزع حجابها وكشف وجهها لتـتمكن من القيادة ورؤية الطريق .. ومن المعلوم أن الوجه هو عنوان الجمال .. ومحط أنظار النساء والرجال .. وإذا كان الله قد نهى المرأة عن أن تضرب برجلها إن كان في رجلها خلخال لئلا يفتـتـن الرجال بصوته .. فكيف ستكون الفتـنة بمن كشفت وجهها ...!!!؟؟
فإن قال قائل : إنه يمكن لها أن تقود السيارة بدون أن تكشف وجهها .. بأن تلبس نقابا أو برقعا ! فالجواب : أنها لو غطت وجهها أثناء القيادة فلا بد من كشفه عند نقاط التفتيش لمطابقة الوثائق الأمنـية خاصة أمام الشرطة الوطنية والقوات المتعددة الجنسية وهم في الغالب من أخلاق السرسرية .. !
ثم إن لبسها للنقاب أو البرقع فيه مشقة عليها أثناء القيادة .. وربما سبب لها ذلك اضطرابا أثناء القيادة وصعوبة في الالتفات إلى من هو على جانبي الطريق .. وفي هذا من الخطورة ما فيه .. ولهذا فإن قيادة المنقبة والمبرقعة للسيارة قد مُـنعت رسميا في بعض البلاد ومنها بلاد الشيشان وأفغانستان وفخيخانستان ..! فلم يبق إلا نزعه بالكلية ، والله الهادي .
فإن قيل : يمكن حل هذه المشكلة بتوظيف نساء في قطاع المرور ، ومن ثم لا تضطر قائدة السيارة لكشف وجهها لرجال المرور ! فالجواب : إن هذا حل جزئي ، لأن في إيجاد مثل هذه الأعمال للنساء فتحا لمفسدة أخرى ألا وهي الاختلاط بيـن الرجال والنساء العامليـن في مجال المرور ، ولزوم تواجدهن على مدار الساعة في الشوارع والطرقات صباحا ومساء .. وهذه مفسدة بحد ذاتها . لذلك لا مناص للمرأة غير ترك القيادة ، والله المعين ..
..
اقتباس:
باختصار شديد كل اللي فوق اختصره بكلمة واحدة فقط(تخلف) ..!!
نعم تخلف..!!
|
إيه والله فعــــلاً تخلـــف .. سلمت يداك..
..
اقتباس:
فالشاب لايمسك نفسه عند وجود فتاة بقربه والعكس صحيح
نعم مجتمعنا لاتصلح فيه قيادة المرأة للسيارة مع يقيني بقدوم هذا اليوم حين تقود المرأة للسيارة
|
ســـــؤال يطرح نفسه .. ليه تصرف شبابنا كذا ..
انا ما انكر ان كل شاب يميل صحيح للطرف الآخر وهذي فطرة .. لكن فيه شي اسمه حدود .. واحترام .. وش الفرق بينهم وبين شباب الدول الأخرى ......!!! "وهنا اقصد بعض الشباب "
..
اقتباس:
|
رد قال المرأة عندنا كالجوهرة لايراها الا محارمها والعباءة كصندوق الجوهرة يحميها من التلف ورحل وعلى وجهه ابتسامة
|
بصــــــراحة قصة اكثر من رائـــعة .. وفعلاً المراة جوهرة لايراها الا محارمـــــها..
..
اقتباس:
صراحة ما استبعد بكرة اذا ساقوا الحريم نشوف قانون معاقبة المرأة عند ارضاع صغيرها اثناء القيادة وصدقوني راح يصير هالكلام عند قيادة المرأة للسيارة..!!
|
أمحـــــق قانون ..
..
اقتباس:
الملكة اليزابيث ملكة بريطانيا لا اعتقد ان هناك حاليا امرأة ارفع منها من ناحية البريستيج او العراقة او التمدن:
هل شاهدتم الملكة اليزابيث تقود سيارة؟<<<< غير الشاص اللي في صمان بريطانيا
اذاً نساءنا ملكات لايقُدن السيارات وانما يتوفر لهن كل شيئ لماذا المعمعة؟
|
أبدعـــــــــــت .. وسلمت يداك..
..
اقتباس:
|
هذا ماجادت به يداي وماخطه قلمي بانتظار ردودكم وحاولت قدر الامكان عدم اطالة الموضوع لسهولة قرائته
|
سلمـــــــــــــــــت يداك "للمرة المليون"
وربي يعطيك العافية .. على مجهودك .. وعلى طرحك الرائع ..
..
شاكــــــــرة لك .. ومقـــدرة ..
|